|
يلمهـــــــــــدي الثــــــــــــــار
بسم الله الرحمن الرحيم اللهم صل على محمد وآل محمد وعجل فرجهم يلمهــــــــــــــدي الثـــــــــــــــــــار ــــــــــــــــــــــــــــــــــــــــــــــــــ ـــــــــــــــــــــــــــــــــ نِنْتظرك ياثــــار === تاخذ ثار الدار وإحنه إوياك إجنود === ما نتعـــب ثــــــوّار وإيصير العلم عالي === على كُل البريّـــــــه ـــــــــــــــــــــــــــــــــــــــ ملّينه الصبر يلمهدي نِنْتظرك تجينه ثاراتك غُفَه إعليها الزمن يضحك علينه نطلب ثار باب الطاهره الزهره الحزينه نطلب ثار ضلع أمّك يبو النفس الأمينه نطلب ثار مُحسن من وگع يشكي الضغينه نطلب ثار بسمار الصدر منّه إنعمينه صابَتْنَــــه الأيّـــام === يا إبن الضـرغام بينه إتنوح إجروح === من شر الأقــزام نِنْتظرك يبو صالح === تهل يبن الزچيـه وإيصير العلم عالي === علــى كُل البريّه ـــــــ نطلب ثار گبر أمّك خفه إعلينه ثراها تاخذنه إو نروح إوياك تربتها نراها يبو صالح نصيح إبصوت كُل إحنَه فداها نهل دمعات فوگ إتراب زهرتنه إو سناها وإنشمّه العُطر من التُرب ذاكَ الحواها نلعن كُل وضيع السَنْ ظلمها إو مارعاها نلعن كُل مذمــــــوم === شر يحمل محموم نهتف واويـــــــلاه === يلوالي المهمـــوم أبد ما ظل صبر بينه === يبن حامي الحميه وإيصير العلم عالـي === علــى كُل البريّــه ـــــــ شفيعتنه الوديعه بالحشر يضوي سناها تنطينه الجواز الشافعه إو نمشي وراها نشاهد حيدره الحامي علي رافع لواها على الكوثر ينادي إو يروي العطشى ظماها وأم إحسين ويّانه إبوسط جنّةْ عُلاها إلهي الخالق الجبّار للزهره رعاها أمّك ياموعــــــــود === موقفها مشهــــــود يوم المحشـــر راح === تنطي الشيعه إبزود سواد الليل ما يبقـه === تِنَوْره الهاشميـــــه وإيصير العلم عالي === علــى كُل البريّـــــه ـــــــــــــ يلمهدي يريتك حاضر إبيوم الوديعه ما تصبر على الضيم النزل بيها الشفيعه أظَن تفني الأجوا يرمون أحقاد إو قطيعه وظن فاض الصبر منّك يبو الهمّه الوسيعه تريد الثار منهم زمرة إبليس الفضيعه تريد الثار من كُل ناصبي روحه وضيعه وإحنه إوياك إنثور === ترسم إلْنَه الــــدور ناخذ ثار البــــــاب === والضلع المكســور يحل نورك يوالينـه === على الدنيه الزهيّه وإيصير العلم عالي === علــى كُل البريّـــه ـــــــ نريدك سيدي تكشف ظلام الليل للناس وأزلام الظلم والزيف يامولاي تنداس يشع نورك على الدنيه إو تسر عينيين عباس لأن تروي الخلايق ما يظل عطشان منحاس والشيعي يعيش إبخير يمشي رافع الراس يزور أم الحسن ما يعترض أنذال أرجاس للزهره أم إحسيــن === نجري إدموع العيـن وإلها إنزور إويـاك === بالحق تبني الديــــن تاخذ ثارها النـازف === دمـــاء الغاضريــــه وإيصير العلم عالي === علــى كُل البريّـــــه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ مع تحيات شاعر اهل البيت / جابر النجفي إسمعوا طور القصيده على هذا الرابط http://www.wlidk.net/dld7ms76162.mp3.html * |
تحيةمن القلب
سلمت أناملك ياشاعرأهل البيت وحييت ناطقا ً وشاعرا ً
|
جزاكم الله خيرا عالكلمات الرائعة
شكرا لكم |
ندبت مولانا الحجة بن الحسن (عج) جعلك الله من أتباعه وأنصاره والمستشهدين بين يديه تحياتي |
اقتباس:
بسم الله الرحمن الرحيم اللهم صل على محمد وآل محمد وعجل فرجهم الاخ العزيز مصحح المسار شكرا لمرورك الطيب وفقك الله لنيل شفاعة الزهراء عليها السلام |
اقتباس:
بسم الله الرحمن الرحيم اللهم صل على محمد وآل محمد وعجل فرجهم الاخ الطيب حميد اشكر مرورك الطيب وفقك الله لنيل شفاعة الزهراء عليها السلام |
اقتباس:
بسم الله الرحمن الرحيم اللهم صل على محمد وآل محمد وعجل فرجهم الاخ الطيب قاسم حتروش السلام عليكم ورحمة الله وبركاته شكرا للمرور العطر وفقك الله لنيل شفاعة الزهراء عليها السلام |
القصيدة مشرقة المباني زاهية المعاني كيف لا وأولها من أوأئل ال محمد وأخرها من أوأخرال محمد(صلوات الله عليهم اجمعين)
|
اقتباس:
بسم الله الرحمن الرحيم اللهم صل على محمد وآل محمد وعجل فرجهم السلام عليكم ورحمة الله وبركاته اشكر مرورك الطيب وفقك الله لكل خير |
| الشبكة: أحد مواقع المجموعة الشيعية للإعلام الساعة الآن: 12:20 AM. بحسب توقيت النجف الأشرف |
Powered by vBulletin 3.8.14 by DRC © 2000 - 2025