منتديات أنا شيعـي العالمية - قصيدة بحق الزهراء منبرية آه يلزهرة الزجية

آه يلزهرة الزجية .......... ابيا صبر شلتي ألأذية

بعدج ابعمر الورد ......... وحصدو سنينج حصد

************************************************

بعدة عمـــــرج وردة ما آن ألآوآن ..... ومن عطرهه ما شبع بعدة الزمان

وبعده حضنج ما لعب دور الحنان ..... ذيج زينب تســــــــئل وتطلب امآن

آه يلزهرة ابغيابج ....... حايرة وعيني اعلة بابج

انشد ومحـــد يرد ...... حصدو سنينــــج حصد

************************************************

اشلون دمع عيونهة زينب يطيـــــح ...... اشلون يم حسين زينب من تصيح

يمه عكبج كلبي ضل دامي وجريح ...... وياهو كال بغير حظنج اســتريح

آه يلزهرة عجــيبه ...... زينب بلحظة غريبه

اكبـالهه بس اللحد ...... وحصدو سنينج حصد

************************************************

بينج وبين العمر ما اظن حساب ........ ولو نعد سنينـــج الناتج عذاب

بس الم وجروح ودموع وعتاب ........ وياعمر هذا اليفوت ابلا شباب

آه يلزهرة وشبابج ...... ما لحك يوكف ابابج

ولو نشدناه اشيرد ...... حصدو سنينج حصد

************************************************

رغم ظلعج ما شكيتي من الألــم ...... عفيه صبرج ما تهزهز ونثــلم

خاف حيدر ينتفض راعي الشيم ...... وما يظل اسلام ويسود العـدم

آه يلزهرة اعلة صبرج ...... سر صبح مفتاحة كبرج

ما كو مثلج من اعــــد ...... حصدو سنينــــج حصد

************************************************

وآنه اسئل يادمع يوفي المصــــــاب ...... وياكلب يكدر يعيش ابهل عذاب

اشلون حال المرتضى وعاين الباب ...... ونتي روحة وبيدة كام ايهل تراب

آه يلزهرة رهيبه ...... المحب يدفن حبيبه

جان لو بيدة يهد ...... حصدو سنينج حصد

خادم الزهراء خالد العلمي