|
ابوتكتم الخير : مصائب السجاد
مصيايب كربله ولوعات راوتني أصفك راح فوك الراح خلتنــــــي ********* مصايب كربلـــه راوتني ماتنعـــــد لون صبت على جبال الأرض تنهد على جتلي أظنهـــــــه تريد تتعمــد كسير إجناح أنه العلات ضهدتني ********* مصايب كربله هيهات أنساهـــــه سجاجين الدهر بحشاي خلاهـــــه مصيبه بسد مصيبه وعلتي وياهه مصايبها جثيره بكلبي صوبتني ********** بكلبي كربله صوبتني وبعيني رمتني إسهام مسمومه تأذيني من إيدي برت بالسيف جفيني إرجعت فوك السهم والسيف ذبحتني *********** ذبحتني بسيوف إمنكعات إبسم جــوتني بلهيب ونار المخيـــــم نار وخيل وسيوف وهضم تلتم عليه نايبات البين اذتني ******** أذتني النـــــوايب والكلب معيـــوب راوتني الطفل نحره بسهم مصيوب يتفسر لون شافه الصخــــر ويذوب جلد كلبي النوايب دوم خاوتني ******* خاوتني النوايب والصبر والهـــــم وأنه حتى الصبر من صبري يتعلم لون مرت نوايــــــب بيه يتبســـــم ونوايب هالدهر بس آنه كصدتني ******* كصدتني بنوايب كل وكت تنعـــاد توديني بيسر للكوفه لبن زيـــــاد وأدخل مجلسه مجتف أنه السجاد من الكوفه لبلاد الشام ودتني ******** ودتني بعويل ونوح لرض الشام عليل وياي مسبيه حرم وأيتــــام لون طاح الطفل تتهاوشه الظـلام بزجر وسياط شوف إشلون ظلمتني ****** ظلمتني وعزيزه شكد علي هيــــه عفت بيهه جثث عل الغبره مرميه بعـــد ذيــج الليالي أوجــرت بيـــه عجيبه شلون بين الناس خذلتني ****** خذلتني بدخولي مجلســـــه بعبره يزيد إبن الطليق الشاهــد بكفــره يلاعب بالقرود يعاقـــر الخمـــره إلف ياحيف آنه وياه ساوتني ******* كضيت العمر بس بالهضم والنوح على حسين الذي من الكفه مذبوح أغمس بالدمع وألهم بكايه الروح وروحي بكربله بعاشور عافتني ابوتكتم الخير قاسم طاهر القاسمي 18/محرم /1433 |
جزاك الله كل خير أخي وعزيزي ابو تكتم لقد شهقت أنفاسنا مع حروف قصيدتك آه...إنها أحزان كربلاء وجروحها التي لن تبرأ أبدا ولن تبرد نارها دمت على هذا الحال ...عاشقا لكعبة كربلاء |
السلام عليكم ابو تكتم الرائع موفق على هذه القصيده الرائعه والله لايحرمنا منك ابد دمت بكل خير خادمك رياض الرسل |
اللهم صل على محمد وآل محمد
أحسنت أخ أبوتكتم الخير ومأجور على القصيده الحسينيه تحياتي الأخويه أختك |
اقتباس:
وعليك السلام ممتن لهذا المرور والأطراء أيها العزيز ودعائي بالتوفيق لك مايرضي آل محمد ابوتكتم الخير |
[quote=أم كميل الكلابيه;1629431]اللهم صل على محمد وآل محمد /quote]أحسنت أخ أبوتكتم الخير ومأجور على القصيده الحسينيه تحياتي الأخويه أختك[ الأخت أم كميل الكلابيه أشكر دعائك وهذه الكلمات الولائيه والأجر للجميع بحب آل محمد(عليهم السلام ) تقبليني أخا |
قصيده روعه بروعه كاتبها عاشت الانامل التي خطت والقريحه التي ابدعت كلنا شوق بنتظار القادم من ابداعك لاتحرمنا من هذا الابداع تقبل مروري بحروفك الانيقه تحياتي |
مصايب كربله هيهات أنساهـــــه سجاجين الدهر بحشاي خلاهـــــه مصيبه بسد مصيبه وعلتي وياهه مصايبها جثيره بكلبي صوبتني العزيز ابوتكتم لاأستغرب روائعك لطالما تتحفنا بها على حناجر خدام المنبر شكرا وهي تصدح على واحات الأنا ودي |
اقتباس:
الشاعر حسن خليفه رحم ألله والديك إطراء يعطنا العزم لما تحبون مروركم عطر دعائي |
خاوتني النوايب والصبر والهـــــم وأنه حتى الصبر من صبري يتعلم لون مرت نوايــــــب بيه يتبســـــم ونوايب هالدهر بس آنه كصدتني المبدع أبو تكتم الخير بوركت هذه القريحة وبورك هذا القلم الموالي تقبل تحياتي خادمكم |
| الشبكة: أحد مواقع المجموعة الشيعية للإعلام الساعة الآن: 02:02 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2025