|
ليلى تودع الاكبر
ليلى تودع علي الاكبر ليلة العاشر من محرم القصيده من وزن النصاري علي الاكبر ييمّه الحيد حياك يسباح العمر ياگـرة العين يَتـَعبي اللي اشحلاته الفات برباك يتـچّايه او ذخيره الباجي السنين اذا هزنه الحنين الشوف ياسين نـَشَوفه ابشوفتك ياطولك الزين نـَشِم ريح الزچيه او ريح ابو اتراب اذا ريحك نشم مو أي رياحين يعنوان الشرف يا أرقى عنوان تـَضيع ابساحتك كل العناوين يمن وارث شجاعة حيدر الطود وَاهل عندك فخر كلهم ميامين اجيت اطلب طلبتي " الليله الاوداع بعد نتلاگه ماظن وانتوا ماشين اذا باچر بدت يبني النزالات اريدك بالمعاره اتهزهه صوبين تجرعهه المنايه اعداك الاوغاد تذكرهه ابعلي اوحملات صفين باچر هالهواشم ويه الانصار يُضحون ابتسابق نصره للدين اريدك يابطل اول على الـگوم تِلبي ابصوت مضمون الشرايين تـَصول ابصولتك وتزلزل الـگاع وَشوفك للنصر رافع نياشين اريداً بيك افخر وارفع الراس لأن يحضر علي اوفاطم وَياسين يشوفوني ابكرم للدين قربان اقدمك ياعلي كبل القرابين وَراويهم دماك امحنيه الجفوف وَراوي اخضاب شيبي ابنحر الحسين ابو محمد |
نـَشِم ريح الزچيه او ريح ابو اتراب اذا ريحك نشم مو أي رياحين بوركت أخي أبو محمد ينصرك على الأكبرفي الدنيا والأخره تقبل مروري |
قصيده روعه بروعه كاتبها عاشت الانامل التي خطت والقريحه التي ابدعت كلنا شوق بنتظار القادم من ابداعك لاتحرمنا من هذا الابداع تقبل مروري بحروفك الانيقه تحياتي |
السلام عليكم ابو محمد موفق على هذه القصيده والله يتقبلها منك يارب رياض الرسل |
اقتباس:
قاسم حتروش بوركت وبورك حضورك العطر وفقك الله لكل خير يرضاه |
اقتباس:
الشاعر حسن خليفه شكراً جدا لمرورك صفحتي وتشجيعك المبارك وفقك الله للخير كله |
اقتباس:
ابو عباس الطيب وفقك الله لصالح الاعمال وشكرا لحضورك ودعائك |
| الشبكة: أحد مواقع المجموعة الشيعية للإعلام الساعة الآن: 04:31 AM. بحسب توقيت النجف الأشرف |
Powered by vBulletin 3.8.14 by DRC © 2000 - 2025