بسم الله الرحمن الرحيم
اللهم صل على محمد وآل محمد وعجل فرجهم

رمــــــــــــــز العدالــــــــــــــــــــه
ــــــــــــــــــــــــــــــــــــــــــــــــــ ـــــــــــــــــــــــــــــ
يارمز العداله إو منصف الملهوف == ملائكة السمه نزلتْ تصلّي إصفوف
لأن نورك بزغ بالبيت يامولاي == وإبفرحه النبي بالكعبه كام إيطوف
يِتْنَطّر ظهورك ياعظيم الشان == طلعت فاطمه والكُل ضواها إيشوف
وإبلهفة أخو ضمّك رسول الكون == يهز مهدك عزيز إنتَ إو إلَك مَيْعوف
همس بذنك كلام إو ما نسيته دوم == صرتْ إنتَ المؤيد بالنصر محفوف
غذّاك العلم والحكمه والأسرار == صرت عيبة علم طه إبشرف معروف
هويتْنَه الولاء إلكُم يبو الحسنيين == حبّك ياعلي عنوان يوم الخوف
ويّه الحق بقيت إو ما تركته دوم == ولا عافك صرت بالحق علي موصوف
وزن إيمان عندك زايد إعلى الناس == عن عينك ستار الحق غده المكشوف
إمان إو سور حبّك من لظى النيران == أعمى الما يحب شخصك أبد مَيْشوف
فرحان اليحبّك يعبر الأهوال == بالمحشر يفوز إو ما يظل مكسوف
ينظرلك يبو الحسنيين رايد ماي == يظل ولهان وإبواو الأمل معطوف
يدري بيك من حوض العسل تسقيه == ما يعطش بعد هذا إو يمد إكفوف
ــــــــــــــــــــــــــــــــــــــــــــــــــ ــــــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldmti85676.mp3.html

بسم الله الرحمن الرحيم
اللهم صل على محمد وآل محمد وعجل فرجهم
الاخت الطيبه فتاة الأحلام
السلام عليكم ورحمة الله وبركاته
أحلى التهاني في مولد أبي الحسنيين عليه السلام
شكرا للمرور الطيب وفقك الله