بسم الله الرحمن الرحيم
اللهم صل على محمد وآل محمد وعجل فرجهم

مــــــا سمعـــوهــــــــــــــــــــــــــــا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ
زهرة أحمد من جرحوها == نادت بويه إو ما سمعوها
والألم بيها == من يواسيها
نادت بويه إو ما سمعوها
ـــــــــــــــــــــــــــــــــــــ
بعد عينك يبو القاسم لفاها الضيم == دنيه إبلا أمل عاشت علاها الغيم
ظلموها البتول إو بالظلم تعتيم == على باب الحزن نال الضلع تهشيم
ظلت بالحسره إو مهمومه == من فعل الزمره المسمومه
غاب واليها == من يواسيها
نادت بويه إو ما سمعوها
ـــــــــ
صدى آه البتول الما خمد هيهات == صار إلكل موالي بالصدر أنّات
على ضلع الوديعه منملي حسرات == تشكي للأمام الغايب الآهات
آهات الشيعي المكبوته == محبوسه إبصدره إو وي صوته
صوت يبجيها == من يواسيها
نادت بويه إو ما سمعوها
ــــــــ
عليله أم الحسن عاشت لياليها == يصب دمعه علي الكرار واليها
على الصار إو سده إعليها يواسيها == وإدموع الحزن زينب تداريها
وإدموع العين التجريها == تجرح والدها إو حاميها
نار تاذيها == من يواسيها
نادت بويه إو ما سمعوها
ـــــــ
وصيّة فاطمه الحيدر يبو الحسنيين == حافظ عالحسن وي زينب إو إحسين
أولادي يحيدر ما أريد البين == ياذيهم تواعدني يماي العين
ما ريد الهم يوصل بنتي == إعليها إتظل تصرخ ونتي
وإبمآسيها == من يواسيها
نادت بويه إو ما سمعوها
ـــــــ
مضت مظلومه بالحسره تفيض الروح == ملائكة السمه حزنت عليها إتنوح
قلب الدين صابه الهم غده المجروح == آلام العقيله بالرزايا إتلوح
أول محنه إتصيب الحرّه == راحت عنها الأم الزهره
من يداريها == من يواسيها
نادت بويه إو ما سمعوها
ــــــــ
يازينب جروحج إبتدت هاليوم == تشوفين الأبو الحامي غده مهموم
على الزهره دمع يجري يظل للدوم == مهضومه الوديعه ياعلي المظلوم
تخبر هادينا إبمحنتها == وإتْسَمّي الزمره الآذتها
ناس ناسيها == من يواسيها
نادت بويه إو ما سمعوها
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
مع تحيات شاعر اهل البيت / جابر النجفي
إسمعوا طور القصيده بصوت خادم الزهراء عليها السلام
على الرابط التالي
http://www.wlidk.net/dldq8p42438.mp3.html

بسم الله الرحمن الرحيم
اللهم صل على محمد وآل محمد وعجل فرجهم
الاخ العزيز الشاعر الحسيني المبدع
رياض الرسل
السلام عليكم ورحمة الله وبركاته
شكرا للمرور الطيب وفقك الله لنيل شفاعة الزهراء
عليها السلام

بسم الله الرحمن الرحيم
اللهم صل على محمد وآل محمد وعجل فرجهم
الاخ الطيب اسود العراق
السلام عليكم ورحمة الله وبركاته
شكرا للمرور الطيب وفقك الله ورعاك