منتديات أنا شيعـي العالمية - السيد محمد باقر الصدر شمس لا تغيب

فجت بحر المنايا
وسكتيت الموت
وبيبان السجن طاحن سراكيهه
وضحك وجه الحزن
جي كربت الامال
مدت لك ايديهه
وكطعوا ايديهه
ظنوا رايتك
لو كطعوا الجفين
تطيح
وما دروا عباس راعيهه
فجت بحر المنايا
ودار بيك الموت
مات وما كدر
وياك ينهيهه
لاءن انته الصدر
ومولاي كلي شلون
اذا طلعت شمس
يا ضوه يجاريهه
ولاءن انته الصدر
نبجي اعله كدنه دموع
وديره الفكدتك
كلي شيواسيهه
ولاءن انته الصدر
وعند الله الك جاهات
بيوم مصاب جرحك
طاح طاغيهه
واردوا تنتهي
وذكرك يدفنه الليل
واثاري اسمك صلاة
الكل يلبيهه
مشيت انته بدرب
حسين امس خطى
واليتبع حسين
ينول تاليهه
طهر يتبع طهر
يسجي بدما الايام
وباجر سيدي
مهدينه ينهيهه

________________________________

حسين زايد