|
قصبده (احسين الشهيد وجده النبي )
بسم الله الرحمن الرحيم ـ ـ ـ ـ ـ ـ ـ ـ ـ ـ ـ ـ ـ ـ انجدد البيعه لابن الوصي احسين الشهيد وجده النبي ــــــــــــــــــــــــــــــــــ انجدد البيعه الك دوم ونزورك والك هالارواح نفدي وماننسه معروفك وللموت يحسين بعيونه ارسومك واحسين اسمك واصلاحك شاملي ********** نفديك بالارواح من كَوم اميه ولك ندفعه ثمن يبن الزجيه وبياذنب دمك ايسيل اعلَ الوطيه وثورتك للاحرار صارت مشعلي ********** كمر هاشم لحسين هو العضيد ومايهاب العدون شما تزيد وحماي الضعن وجفه حديد واجفوفه تحجي وصوته حيدري ******** والي الكفر صدر مرسوم ياخذ البيعه هاذه اليوم ولهاذه الامر صار احسين مرغوم وللبيعه رفض وبيده سيف النبي ******** شاف احسين دينه اتغير والمجتمع صار معكوس وادهور وللجهاد احسين هو القرر وللتضحيه طلب وذهل كل عاذلي ******** عنوان صار احسين للاحرار وغرس ثوره ابنفوس الثوار وعلم العالم معنى القرار واحسين انتصر وانتصاره ذاهلي ******* اهدافه احسين سجله نور ايحارب كل طاغيه ومأجور وافكاره ماترضه ابيزيد المخمور وافكاره وهج وهو ابن الولي ******** صارت حقيقه الثوره ضد الظالم ومايرضه احسين ابظلم كل ظالم ومايمد جفه لعدوان جده ويسالم وسبط الرسول وبالدنيه زاهدي ******** مابين ليله ويوم افكاره انكتبت ورسايل اهل الكوفه لحسين وصلت وكلمة اقدم يحسين وي الرسايل اندمجت ويوم الحرب هاي الرسايل صارت كاذبي ********* اسلوب الرسايل يحمل الوان الوان اقدم يحسين انصارك احنه شما كان ونفديك بالارواح ودمنه عنوان وليش الغدر ياناس وحسين الكاملي ********* اقدم يحسين انصار الك بالكوفه واجنودك احنه وشخصك ابد منعوفه وهاي الامور عد احسين مكشوفه والعزم بالله وانه ابوي الوصي ********* انت الامام وطاعتك مفروضه وخصمنه يزيد وطاعته مرفوضه ونرفض يزيد واعماله معروفه واحسين جده الرسول وخصمه ابوه الغبي ********** مواقف احسين تحيي الروح سبط الهادي وايطيب الجروح والعافك يحسين حاله النوح واحسين الابي ويزيد حكمه جاهلي ********* احسين لكَبر جده اتعنه وزاره ودع رسول الله وبين اسراره وياجدي وعد بالطف دمنه مزاره وكَبر احسين يضوي وظلمه كَبر الظالمي ********* امتك ياجدي لبست ثوب المذله وامره صار ابجف يزيد وشوفته ذله وماكو غيري ايثور ويصحح الزله وماارضه ابجور واصلاحي شاملي ********* شار الشرع واستدعاني وللذبح انطي شرياني ويستصرخ الشرع وينخاني والجور ازيله وبالجنه وي جدي الهاشمي ********* ابدوحات الشرف امحي الهم وغصن الشرف يطلب دم وتدري ابحالي يالهادي وتعلم والنوح ازيله ودمي هاملي ********* احسين الجده يحسب الام ويم كَبر جده غفت عينه ونام وبوادي المصطفي ينظر الاحلام واحلام جدي واحلامه الي ********* جده ايناديه ضحي ابعمرك ويحسين لاجل الدين كَصت نحرك وبالمسيره عجل وبالجنه انتظرك وبدمك اصلاح الدين واصلاحه مطلبي ********** الضعن حاضر يجدي والموعد صار وامي الزهره وابوي الكراك وطول الدرب للحسن شابح الانظار ينظر للحسن وبالقاسم اهمومه تنجلي ********** بالاله احسين لم الضعن واسرع وشيبة احسين ابتلت امنل المدمع وجده الرسول خبره ابيو المصرع وجدي المختار واخباره من السمه واصلي ******** احسين ودع كَبر جده وراح وبصوت العداله احسين صاح وللعدل خطواته واهدافه للاصلاح وضد الطغيان ثار وسيفه شاملي ******** احتفت بالضعن اهواي اركان احسين واطفال وكهول وشبان والتاريخ خلد احسين وصار عنوان وعنوان الشرف لحسين وعنوانه عالمي ********* للوطن مانرجع يحسين وانته اتروح وبالطف وحدك انخليك ونسمع بيك مذبوح وشلون ايعيش الجسم واحسين هو الروح ومنفارك احسين واحسين ابنك ياعلي ********* عباس الكمر شاف حد الثايه وبسده نامت هالحرم وبيده الرايه وعباس لخدر زينب صار حمايه وعباس الكمر وبجفوفه هو الكافلي ********** احسين لعباس الكمر كال بالخيمه اجمع عيلتك والاطفال لو صار الصبح تحضر الاجال وبساحات الوغى عباس مغوار وضيغمي ********** صاحت العيله وهم صاحت الانصار اشلون انعوفك ياسليل المختار وشنهي العذر يحسين يم الكرار والدنيه كله اتصيح احسين هو الاولي *********** عباس مانطق يحسين طول الزمان دوم ايناديه سيدي والوجه خجلان وبحضن احسين نطقه ثواني وحس بالامان وغفه ابحضن احسين عباس الضيغمي ********* عباس وي احسين ليله ونهاره عضيد احسين والتاريخ يحجي اخباره وراسه ابحضن احسين وجفوفه بالحرب دواره وبجفوفه صد العده وعباس هو الابطحي ********** ثورة احسين اعله الظلم ابدمه وعياله ودم احسين انتصر وصار عنوانه اوثورته صرخه مسحت يزيد وطغيانه وحسين جده النبي وبالنسب هو الاولي ـــــــــــــــــــــــــــــــــ بقلمي خادم اهل البيت (ع) (عبدالله الشاعر) |
الله الله بارك الله في مدادكم الولائي ودمتم في ولاء الحسين عشاقاً..، إمتناني وتحيتي |
وفقكم الله
كلمات صادقه |
طيب الله انفاسك موفق موفق |
شكراً لردك الرائع والجميل اثابك الله خيراً بحق الحسين (ع)
اخوك الصغير (عبدالله الشاعر) |
| الشبكة: أحد مواقع المجموعة الشيعية للإعلام الساعة الآن: 07:11 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2025