|
مسلسل دارميات(روحي علفكَد احسين)(ع)
بسم الله الرحمن الرحيم ـ ـ ـ ـ ـ ـ ـ ـ ـ ـ ـ ـ ـ ـ دارميات ــــــــــــ روحي علفكَد احسين ماتشرب الماي اذكر رضيع احسين وتشتعل نار اجلاي ********* روحي علفكَد احسين ماعافت النوح وللعليل اتشوف اليوم وي عمته اينوح ********* روحي علفكَد احسين تلطم الخدين وزينب الزهرة هاي وتهمل العين ********* روحي علفكَد احسين ماعافت الهم ولصياح الاطفال اليوم بس اسجب الدم ********* روحي علفكَد احسين نامت بالطفوف وهاذه جسم العباس جاوين الجفوف ********* روحي علفكَد احسين ماعافت الون ولصياح مهر احسين اعيوني عمن ********* روحي علفكَد احسين ماسكتت اتلوع تذكر راس احسين فوك الرمح مرفوع ********* روحي علفكَد احسين ماتقبل اتنام مااذكره نامت يوم من نار الخيام ********* روحي علفكَد احسين نامت بالاشموس جلد وعظم ظليت من حركَت الروس ــــــــــــــــــــــــــــــ بقلمي خادم اهل البيت(ع) (عبدالله الشاعر) |
السلام على الحسين وعلى اولاد الحسين
عظم الله اجوركم واثابكم الله لكل كلمه كتبت هنا تحيتي وسلامي |
عظم اللهُ أُجوركم ورزقكم زيارة الحُسين في الدنيا وشفاعتهُ في الآخرة إمتناني وتحيتي |
عظم الله لكم الاجور عبد الله الشاعر موفقين لكل خير .. اجركم مسدد |
طيب الله انفاسك موفق موفق |
شكراً لردك الرائع والجميل اثابك الله خيراً بحق الحسين (ع) اخوك الصغير (عبدالله الشاعر) |
| الشبكة: أحد مواقع المجموعة الشيعية للإعلام الساعة الآن: 04:17 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2025