منتديات أنا شيعـي العالمية - وداع خديجــــــــــــــــــــــــــــــه

بسم الله الرحمن الرحيم
اللهم صل على محمد وآل محمد وعجل فرجهم

وداع خديجـــــــــــــــــه
ــــــــــــــــــــــــــــــــــــــــــــــــــ ـــــــــــــــــــــــــــ
عَزّوا البتول الطاهره بُمْها الحبيبه == ودّع خديجه المصطفه هاي المصيبه
ــــــــــــــــــــــــــــــــــــــــــــــــــ ــــــــــــ
ودّع خديجه المصطفه إو نادى الزجيه == حزني يفاطم عالمُضَتْ طيبه إو رضيه
ما ينتهي حزني أبد بعد النقيه == ماتتْ خديجه إو خافقي ظل إبنحيبه
ــــــــــــــ
ماتتْ خديجه الناصره دين الهدايه == عم الحزن بيت النبي إو صار البدايه
والزهره ظَلّتْ بالألم حتى النهايه == أضحتْ يتيمه إو فاقده أمها النجيبه
ــــــــــــــــ
أضحتْ يتيمه أم الحسن فقدت خديجه == فقدت فرحها فاطمه إو هاي النتيجه
ما شافت الحب من بعد دنيه بهيجه == ظَلّتْ وحيده إو فاقده إبدنيه كئيبه
ـــــــــــــــــ
ظلّتْ وحيده أم الحسن وإتراعي أحمد == أم صارت الأحمد حنان إو تنطي أزود
تذكر خديجه الطاهره النُصْرَتْ محمد == أمها إو مضتْ مثل البدر وأعلن مغيبه
ـــــــــــــــ
امها إو مضتْ عنها إو بعد ما ترجع إردود == فقدتْ حنان الأم بعد ابداً فلا إيعود
هذا الزمن قاسي إو صعب مثل أمها مَيْجود == صبرتْ على كيد الزمن يكوي لهيبه
ــــــــــــــــ
صبرتْ على كيد الزمن هاي الشفيعه == أم صارتْ إلأهل الهُدى إو قلعه منيعه
نور إنتشر يضوي السمه إو هاي الوسيعه == نور الأئمه من نسل بنت المُهيبه
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
مع تحيات شاعر اهل البيت / جابر النجفي
يمكنكم سماع القصيده بصوت خادم اهل البيت عليهم السلام
جابر النجفي على الرابط التالي
http://www.wlidk.net/dldNUg69754.mp3.html