منتديات أنا شيعـي العالمية - هاها تلكوني زينب وتعرفوني قصيدة رائعه

اللهم صل على محمد وال محمد الاطهار

هاها تلكوني زينب وتعرفوني قصيدة رائعه

هاها تلكوني زينب تعرفوني ** بالغرب عـفـتوني للوطن ردوني

تلكوني اجيت اليوم مهمومه اناديكم وروحي تلوج مالومه

صوبني زماني اسهام مسمومه اجيت من اليسر وجروحي ملجومه

هاها تشوفونه وحالي وتنظرونه اعتب ويسمعوني للوطن ردوني

اعتابكم وسمعو للعتب مني يصدعني الحزن واتفطر ابوني

ماجان العهد يكرام ما ظني شيمتكم الكوم الغرب عا فتني

ها ها احاجيكم وبصوتي انا ديكم جو ما تحاجوني للوطن ردوني

اخذوني لليسر عدواني وانخاكم لبن ازياد ودوني ترا عداكم

ما كمتو يا خوتي وانا بحماكم يا شبول الهواشم صحت ارجاكم

ها ها يا ويلياني والهضم اذاني ظنتي اتحضروني للودن ردوني

اللديوانه يا خوتي حين طبينه عبيد الله ابكلامه كام يا ذينه

يسب المرتضى الكرار والينه ظالم ما رحمنه وجاير اعلينه

ها ها تلوعنه بالدرب طلعنه بالغرب شافوني للوطن ردوني

مشينه ويا الاجانب ياهلي للشام على اجتافي تلوه الصوت بالالام

ندبت ابصوت ياعباس يا ظرغام يا وسفه يا بو فاضل رضيت اتنام

ها ها يابو الغيرة زينب انا ابحيرة وانتم كفلتوني للوطن ردوني

اجيتك للكبر يا حسين ملهوفه اسولفلك اشلون اخذوني مجتوفه

أختك بالخدر ياحسين معروفه ترضى امشيت بين الناس مكشوفه

هاها تولونه لليسر اخذ ونه بالمدن داروني للوطن ردوني

يامن شفتك ذبيح وعالثرى نايم عليك اعتاب على الاكبر على جاسم

واشد اعتاب عندي وي كمر هاشم نخيته ولا نهض ولا جرد الصارم

هاها وعدتونه الا ما تعوفونه وسفه تخلوني للوطن ردوني

للشاعر هاشم البعاج
تحياتي
اخيكم
خادم ال البيت عليهم السلام
مهند الاؤسي