منتديات أنا شيعـي العالمية - سويلمان الانتفاضه

سويلمان الانتفاظة
*******************
حادث صار سنة الواحد وتسعين
شرد عبدل وچان مورم الرجلين
****
شلع بيها بسواد الــــليل الاظلم
لف چوال وبضيمه تــــــــــحزم
صار الدمع وسط العين من دم
گلها ابچي يعيني لا تبطلـــــــين
****
يتلفت وحيد يمين مره يـــــسار
خايف ظال وحده بساحة العشار
وجنود البطل الفارس المــــغوار
تفتر بالشوارع ماليه الصـــوبين
****
طرق كل الابواب اوگالهم جوعان
وَبات الليله عدكم والفجر هل بان
گالوله تبلانه روح يســـــــــولمان
عجل روح امشي ويّه هالمـــاشين
****
كلها اتخاف منّه إبّيتها تضمه
لن قائد چبير وقاد هالأمـــــــه
يتلبد وعالچف حاط كل دمــــــه
ومايدري اللهيب إليا كتر لاوين
****
شاف احسن درب يسكن البرية
فضّل عالبعث عيشة الـــــواوية
ينام اويه الحياية والـــــــجريذية
يسلس فستق وياكل مربى التين
****
وفرج له الجليل وعاش نص رفحه
وضحكت دنيته ونوّر إلهْ صُـــــبحه
ودامـــــت لعد عـــبدل ظلت الفرحه
سافر دول كثره من ضمنها الصين
****
فتح موقع الكوثر الجميع النـــــاس
الغيره من المواقع ابد ماينقـــــــاس
عفا عنده خلگـ وچماله صفوة راس
عســـا يـتوفــــق اويــــتزوج ابيومين
&&&&&&&&&

قصه حقيقيه وكتبت عنها
قصيده في حق بصراوي
ظلمه النظام البعثي وبسببه
الى الان لم يتزوج لانه اصيب
برأسه اسمه عبدالحسين السويلمان
وعندنا في كندا يسمونه عبدل