|
شاركونا في (ابوذيات ولائية) مساحة متجددة
السلام عليكم ورحمة الله وبركاته سنتخذُ من هذه الصفحات مدونة ولائية للأبوذيات أتمنى من الجميع أن يتحفونا بما عندهم موفقين ::: شيعة احنه يسامع منولينه ويضل شباج حيدر منوه لينه الكرامه البينه كلهه من ولينه ولينه المرتضى حامي الحمية ********************** مسرات وفرح هلت علينه وبيهه على الخلك كلهه علينه بامر الله النبي توج علينه امير الكون حماي الحميه ******************** حط ايك على الحك من توالي ولتوالي الجوهه من توالي الكلب ردد يحيدر منته والي الخلك كلهه بامر رب البريه ******************* مثل نورك على الدنيه ولايه والك عالكون يا حيدر ولايه شاهد الك من الله والآيه الوالي الباري والهادي او وصيه ****************** من الموالين الثابتين ان شاء الله تحيــــــــــــــــــــــــــــــــاتي |
سفينة البحار ابدعتم ونعم الابداع اتمنى لكم التوفيق وفي ميزان حسناتكم السعبري |
نعم و الله قمة الابداع يا شاعرنا العزيز .. ثبتنا الله و اياكم على نهج امير المؤمنين عليه السلام |
جميللل جداااااااااً
سفينة البحار |
اجدت وابدعت وفقك الله لكل خير
احسنت اخي الفاضل تقبل مروري المتواضع مع فائق تقديري الاقل احمد رفيش |
اللهم صل على محمد وال محمد
موفق سيدي الكريم وابيات رائعه بحق ولي الايمان والمؤمنين ابا الحسن والحسين عليه السلام خادمكم ابو ظاهر البركي |
الى كل من زار متصفحي : شرفتموني ايما شرف رفع الله قدركم واعلى منزلتكم .. وجعلكم من الثابتين على حب وولاية امير المؤمنين علي بن ابي طالب ( عليه السلام ) خادمكم الاصغر تحيـــــــــــــــــــــــاتي |
اللهم صل على محمدٍ وآل محمد بوركت وتباركت روحك الموالية ايها القدير لقد أجدت وأبدعت في الولاء أقترح أن يكون الموضوع أبوذيات ولائية متجدد وسيتم تثبيته فإن وافقتم على المقترح سنغير العنوان الى أبوذيات ولائية متجدد بحبِ آل محمد ودي وتقديري |
يشرفني ان يكون هذا الموضوع مفتوح لابداعات الشعراء واشكركم على ما منحتمونيه من اطراء زاد الله توفيقكم تحيــــــــــــــــاتي |
موضوع يستحق الثناء و التثبيت انه الحرف الكتب لحسين هاوي عكس الي نِكر بالنـــــــار هاوي أخط خجلان بين فحــــول هاوي حروف الحب وداد و شاعــريـة |
أضم صوتي علصوتك واليحب منـجاه
بذكر أل النبي ماأعظـــــــــمة منـجاه يجي بوكت الحشر تعرف منـو منجاه علي ساقي البشر يوم البلية فكرة جميلة وستزهر في حب محمد وآل محمد |
حيدر جاه لاكن جاه من جاه ولكلمن واله يوم الحشر منجاه ابد مارد خفيف ايدين من جاه الشفاعة انريد يا حامي الحميه |
تركـــت الخلق طرا في هواكا ... وايتمت العيـــــال لكي اراكا عَليّ يارب چثيــره اْهمــوم طَرّن لَوَنْ صابن صخـــر جلمـود طَرّن إلك يــا رب تركـــت النـاس طـُرَاً وفديت الدين بدمـــــــــاي الزكيه اذا رُمت النجاة فزر حسيناً ... غداً تلقى الإله قـــرير عينِ يمـــن تبغـى النجـاة احسيـــن منجاه يحضره ابگبره ابو الاحـرار من جاه وجيه ابمحشــر الثقليــــــــن من جاه إله الكـون جــــــــــــــــاه ابن الزچيه تحياتي لكم يا مبدعين |
|
|
أحروف مدحك يا علي بغيرك أبد مــاجن
بطران يكتب للشعر غزل بحرف مــاجن غرگـان تيه بالعشـگ وافكارة بي ماجن علي خليه عشـگ وشاعرية |
أبوذيات عاشورائية مع التحية لجميع المبدعين و جرها شهر عاشور لدمــوعــــــي وجرها على الحُبهم جزه الشِرعــه وجرها صدگ زينب شمر شدهـــا وجــرها بحبل بت فاطمة و حامـي الحمية ؟ 1 وجّرها اي اشعلها 2 و أجرها اي مودتهم اجر الرسالة 3 و جرها اي سحبها ورضها وصل ضعن النبـــي للطـــف ورضها دهر قر بالجــــــرة الفاطـــم ورضها صدگ داس العدو اضلوعه ورضها إبنها احسين برض الغاضــــــــــرية 1 ارضها 2 رضّيها بالاقرار بالذنب 3 رض ضلوعه وسكنه يريت الگه صعيـد الهــــــــم وَسكنه لعل بيهِ الدمع يرضـــــــــــى وسكنه صدگ زينب يضربوهـــــــه وَسكنه تِصيح الغوث بالنبــــــــــرة الشجية 1 اسكن فيه 2 اسكنه من تسكين الدمع اي انهائه 3 سكينة بنت الحسين عليهما السلام وجبهه الكفر و الحـگ لهـــم جبهه وجبهه و ابو اليمـــه التـــزم هدمـه وجبهه صـــدگ صابـــوا چبد منــه وجبهه سبط طه النبـــي خيــــــــر البرية ؟ 1 جبهة الكفر و الحق 2 مجابهة 3 جبينه |
الك يقظة مشاعرنه وطفنه على كبرك يا مه لبينه وطفنه جسمك صار قبلتنه وطفنه علم عزنه ارتفع بالغاضريه |
يحسين أيام البشر طفلكم
أنوار دنيـانة وضــــوة طفلكم من يوم حرملة غالة طفلكم الدمع سـچاب لدماء الزكية |
موفقين بحق سيد الشهداء بارك الله فيكم وبأقلامكم الحسينية الواعية
انا كتبت هذه الابوذية كمحاولة وهي لاترقى الى ما تنتجه ابداعاتكم المتجددة انشدك يا هلال البين هل ييت كلي بياوجه على الكون هلييت اصدلك والدمع جمرات هلييت واندب يا شهيد الغاضريه |
عميه الدهر عينه من جفه النه كاس وجان يشرب من جف النه بقه عالنهر نايم من جفلنه وصفيت ميسره عكبه وسبيه |
لكت دمعـــي على خــدي وسيله و اناشد كـــــل اليمـرنـي وسيله اذا تملك يجار الهَـــــــــم وسيله توصلني لصعيد الغاضـــــــــرية يناس اجمــــــار بالدلال وجـرن وبيابي العين صبّن ضيم وجرن يناس اشعملن الإيــــــام وجرن خذني ابعيد عن حامـــي الحمية تحياتي لكل المبدعين استاذ عمار ابوذيتك في قمة الابداع حييتم جميعاً ان شاء الله و عظم الله اجوركم في شهر الاحزان |
يبو فاضل دصت شوفك ترى من؟
اخلي عللخيم عكبك ترى من؟ المنايه علينه شو جنهه ترامن بقت زينب تدير الغاضريه عظم الله لنا ولكم الاجر ايها المبدعون تلميذكم ابو ظاهر البركي |
السلام على اهل الابداع الدنيه بيا وكت ينطق عدلهه ودم حسين للكفه عدلهه الميت منتصر يو لا عدلهه ذبح سيف العدل دم الضحيه ِ |
الله عليك يا ابو ظاهر و سفينة البحار سحرتني ابياتكم البديعة و الله أبو ظاهر بهــرنه ابنــــور بيتاه و سفينتنه بحرها الگلب بي تاه بيت ايشع حنين وشوگ بيت آه قوافي ابيات شعّـــــــت شاعرية تحياتي و اعتزازي |
مجالس شيعة حية الي وصلهة
دنيــــــــة وديـــــن يترتب وصلهة مو لطم اوبجــي منبعهة وصلهة نصر احسين بالتقوة الرضية |
من اهد السقيفه انوو لقتلاك
ولاناصر ابد ماكو لقتلاك امك هلأجت بالطف لقتلاك تكول ويه ابني ذوله انصار اليه تاج راسي الياسري جزاكم الله خير الجزاء تلميذكم البركي |
السلام على جبل الصبر ( زينب ) يدهري الكلب بالحسرات وجر صفه المرفوع حاله النصب والجر بجيدي الاثر من الدفع والجر وبمتني اثر لسياط اميه |
الله الله يا مولاي .. مبدع و الله يدهري ضيم إنته اتصب وناصب دمع من عيـن أحزانــــي وناصب على طولك مياتـم هَـــــم وناصب شمت بيه و علن حربه عليّـــــه |
أناشد جيت أهل الـــــــراي وَشر بزينب حاط جيـش الجــور وَشر عليهه اومه ابچُفوف الحِقِد وَشر أبو فاضل دره ابهـــاي القضية ؟ |
المحب دنياه هد نفسة وشرهة
غرايز متــــــــعة شبعهة وشرهة ومحب الآل كشــــــفهة وشرهة جراحاتة اودمعتة الحسينية |
لون سال الدمع يحسين من دم على مصابك وطول العمر مندم بيك الدين يا مهيوب من دم بدمك من نزف بالغاضرية |
يمن دمعك لبو اليمــــــة تجاره العليه ايزيد بعنــــــــاده تجاره ابشرَك هاي والله انجح تجاره ربحها اتشوفه ما بعـــد المنيه عظـَّم الله اجوركم في شهر الآهآت |
انا الما رايد بدمعاتي شهراه عليه الحزن سيفه دوم شهراه محرم صار يا مولاي شهر اه بي نذكر ذبيح الغاضرية |
السلام على رملة و ولدها القاسم ابن الحسن يمن للحسن بوصافـــه وشبهه جمر فكَدك حركَـ روحي وشبهه تعال وشوف حال امـك وشبهه شمع فرحة زفافــــــك جار بيه |
خيمنه صحت عباس من بعدك خيمنه بلهيـب النار مـن وجـت خيمنه فزعنـه إعليك بالحومه خيـمنه ونصيح بصوت أنهض يل الرجيه |
أبو ذية ولاء للحسين تنظفه ممن يدعي ويرائي بالولاء وهو متسلط متحزب فاسد سارق للحقوق وهارب من الواجبات تجاه الله والوطن وطن أهل البيت وكربـــــــلاء ******************* اليرائي احسين ردّ جدمة وشلهة أخذ خيـــــرالبلد ينطـــي وشلهة إل جهنم موعدة صوغة وشـلهة واحنة اروح وي حامي الحمية |
الى مولاي ابو الفضل العباس كص الروس للعباس عاده وموقف حيدر الكرار عاده لبو فاضل خسر من يوم عاده سقاي الحشر والغاضرية |
تحياتي و اشتياقي للمبدعين الافاضل يمن بس اليـــــــود أهلك يطاهه الجنه و حيـف من ضدك يطـاهه تعال وشـوف بــت بتــّـــــك يطه زينـب لســـــــــــه بيـد الناصبيه |
فلنجدد الولاء لأهل بيت العصمة والطهارة " عیون الثار دم تـجدح تراباك وکِلنه اعیون یالغایب تراباك فِـدْوه ارواحنه المَقْدَم تراباك یسیف البـاري یافـارس نَبیَّه الكعبي |
| الشبكة: أحد مواقع المجموعة الشيعية للإعلام الساعة الآن: 02:49 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2025