|
تراث المدن العربيه
اللهم صل على محمد وآل محمد .......
السلام عليكم احباب قلبي ... الكل منا يحب القصص والحكايات المواقف والعادات والتقاليد القديمة .. والبغداديات اعني بها نوع من احياء التراث وذكر ايام زمان ........ واعدها بادرة لتذكير الاجيال بل والشاب الصاعد بتقاليد وحكايات واعراف المجتمع الاصيل ... ونذكر هنا الالفاظ المتداولة والعادات الباقية منذ زمن ونستذكر منها ما اضمحلت وباتت في طي النسيان .. وايضا نستذكر حكايت الاباء الاباعد والاجداد الاماجد .. والشخصيات المعروفة قديما في مناطقنا وحارتنا القديمة .. وعادات الامهات وتوجيههم لبناتهن .. وكيفية التصرف الذي كان مع الجار واهل الدار والضيوف .. . ولست اعني بالبغداديات فقط مدينة بغداد القديمة صاحبة الشناشيل الجميلة ؟ بل كل منطقة قديمة في الوطن العربي ...وكلها رائعة فجميع هذه المناطق القديمة لها حكاياتها وناسها وطرائفها وتقاليداها واعرافها وشخصياتها الكبار ......... وكانها دعوة لمعرفة تلك العادات وللتقريب بين تلك المعارف والتي تكاد ان تنقرض بسبب التقدم العلمي الحاصل وسرعة التطور في وقتنا الحاضر ؟ 1// والمطلوب من كل عضو يريد المشاركة ان ياتي بصور قديمة لبلده اومنطقته اوشارعه او لشخصية اولحادثة او حتى لآلة في ذلك الزمان الغابر ... 2// راح احجي بالعراقي يعني نحجي باللغة العامية والي مايعرف الحجي العراقي ذنبة عله جنبه 8_8 وابدء اولا ........... السقة // حامل القربة او الجود من جلد الماعز ... جماعة من الرياجيل الكبار حجولي سالفة حلوة عن السقة ؟ كالوا فد يوم من الايام جان اكو دكتور محترم بغدادي يلبس سترة وبنطرون وسدارة على راسة او طربوش وجان عندة زوجة كلش حلوة اجنن ؟ وجان هذا الدكتور متدين شريف يحترم الناس واولاد المنطقة كلهم يحبوه وجان المجتمع كلة نفس الاخلاق واحد يحب الثاني ...عادي وجان اكو سقة كل يوم يدكبابه حاله حال كل الناس يجي من الفجر يترس الحب (جرة البيت الجبيرة ) بالماي حته يبرد الماي للظهر .. اي... وفد يوم هذا الدكتور جان بالعيادة مالته يفحص ابنية مريضة .... وجانت آية من الجمال والعيادة فارغة مابيه احد بس الدكتور والبنية! الشيطان لعب إبعبة للدكتور ..وكام الدكتور ومد ايدة على ايد البنية ولمسه !؟ وبلحظة الدكتور انتبه ورفع ايدة واتندم على فعلته .. البنية كامت وشردت من العيادة ..................... وبهاي الاثناء مر السقة مو مثل عادتة ودك باب بيت الدكتور ! طلعت زوجة الدكتور وكفت وره الباب لان قبل النسوان مايوكفن بالباب ويحجن ويه الغريب !!! اي وكفت خلف الباب وكالت عمو السقة شتريد ؟ كال اريد فلوس الماي .. كالت دقيقة راحت جابت الفلوس ومدت ايده من وره الباب ... وبلحظة شيطانية كام السقة لمس ايده ثواني وفك ايده ؟! مع العلم عمو السقة جان خوش رجال واخلاقه حلوة !! وزوجة الدكتور ماتت من القهر ذبت الفلوس وسدت الباب ....... ومن صار وكت الغدة اجه الدكتور ومتكئب ..وضايج كالت له زوجته الله يساعدك ابو غايب ... ها شكو خير شو ضايج ؟؟ حجاله السالفة وانه لمس ايد بنت شريفة وهو متندم حييييييييييييييييييل ؟!! كامت زوجته وخبرته بلي صار وية السقة بس كالت له لاتعصب الله يخليك ؟؟ كال الدكتور كلمته المشهورة ((( دقة بدقة ... لوزاد الدكتور .. لزاااااااااااااااد السقة !!! ) ها وصلت الفكرة ....... ممنون منك ياطيبين عمو السقة ........... http://www.nbraas.com/inp/Upload/268179_dasw22.jpg شناشيل بغدادية ........... روعة http://up.smaa-al7ob.com/uploads/13198860151.jpg |
http://t3.gstatic.com/images?q=tbn:A...MsDJFp4OnKQ2xA
ياخويه رجعتنه لايام الطيبه الف شكر والقصه جدا جميله وحلوه وفعلا بس احنه هسه بزمن بعد هالحجي صار محمد يحجيه صارت غيره ماكو وليس كل مايعرف يقال |
اللهم صل على محمد وآل محمد
العضو الشفاعة ياعلي منورين آغاتي لابد من الرجوع الى تلك الايام ولوعلى قدر افهام الجيل كيف كانت الغيرة والحمية والنخوة واحترام الجار جزيتم خيرا وشكرا على المرور الطيب ممنون |
اللهم صل على محمد وال محمد وعجل فرجهم
عاشت ايدك اخي ابو اسد على البغداديات الاصيله حكايه فيها عبره ودرس ان كل من هانت عليه اعراض الناس يسلط على عرضه وكما تدين تدان لما اضمحل توارد مثل هذه الحكايات تفشى بين الاوساط الفساد فقد كانت مسك المجالس وعنبرها اما الان ياترى بماذا جعلوا الناااس منشغلين !! وبماذا يتحاكون !! انتم ادرى ... متابعين لهذه الزاويه النقيه وكم تمنيت ان اضيف شيئ غير اعجابي ولكن للاسف لا املك منها شيئ ^ــــــ^ جمييييييييييله جدا هذه الشناشيل ولكن سؤال لو سمحت اشتهرت واقترنت الشناشيل بالبصره القديمه فأي من المدينتين هي الاصل لبناء الشناشيل الحلوه .. موفقين دائما |
الموضوع حلووو ويعرفنا على تراثكم :)
بس هذي " شناشيل " مافهمت ويش هي من قبل فكرت زي البيت وبعدين شفت فضه تقول شرت ! واخر شيء يعني احنا ماتقدر نشارك في هذا الموضوع :( بس بنكؤن من المتابعين له ^^ وربي يوفقكم |
الطرزينة أو عربة قطار تجرّها الخيول
http://alhikmeh.org/userfiles/image/10-7-2012-6.jpg هذه الصورة توضح عربة من الخشب والحديد صنعت في النجف ( دك النجف ) تربط مركز مدينة النجف قديماً بقضاء الكوفة , تبدأ الرحلة من ساحة ميدان النجف قرب العتبة العلويّة المقدّسة وتنتهي في قضاء الكوفة قرب شط الكوفة في منطقة تعرف ب ( السكّة ) وقد أنقرضت من شوارع مدينة النجف الأشرف عام 1948 ميلادية , وحدّثني والدي أنّه أستقل هذه العربة مراراً في صغره وكانت الرّحلة ممتعة , حيث من النجف إلى الكوفة يجر العربة حصانين فقط بسبب إرتفاع أرض النجف عن الكوفة فيكون مسلك العربة منحدراً وعند الرّجوع من الكوفة إلى النجف تجر العربة خمسة أزواج من الخيول القويّة وكانت الأجرة ( عانة ) أي 4 فلوس عراقية في ذلك الوقت ... ودمتم بود أخي الكريم ( أبو أسد البغدادي ) |
اقتباس:
حبيبتي انا ماقلت شرت قلت اشتهرت يمكن ما نتبهتي لها ^ــــــ^ وهي فعلا بناء كما في الصوره فهو مميز في الشتا والصيف اترك المايك لخونا البغدادي يتحدث عنها فهي في قلب مدينته وهو اجد بالشرح عنها تحياتي لشش ^ـــ^ |
اقتباس:
اخييييييرا عرفت شنو يعني دك النجف !!! تصدق اخي الكريم ان هنا بأوربا كان عدهم مثلها ومازالوا يستعملونها افتخارا بتراثهم ويعتبرونها من اجمل النزهات المميزه التي تقوم بيها العائله بهذه العربه وهي تطوف بهم شوارع المدينه وهذه صوره التقطتها قبل شهرين تقريبا تحياتي لكم مع التقدير http://im29.gulfup.com/2012-07-04/1341402511616.jpg |
http://alhikmeh.org/userfiles/image/10-7-2012-6.jpg
هاي يذكرني بشي ياترى شنو هو شنوووووو؟ اها اتذكرت http://i.ytimg.com/vi/GxLAlcxleVs/0.jpg |
اقتباس:
اولا اني زعلت ؟؟؟شلون ماتشاركين .. اعتقد انك عراقية مو لومومو ؟؟ المسالة بسيطة بسجيبي صورة قديمة لاي شي عراقي او من الدولة الي تنتمين اله ؟؟ وقصة اوتعليق اوتعريف بالصورة اوسالفة قديمة وبس ......... وثانيا بالنسبة لشناشيل البصرة نعمهي قديمة نظرا لان البصرة كانت عاصمة قديمة وتسمى قدية احدى العراقين يعني الاخرى الكوفة .. والبصرة بنيت قبل بغداد شي طبيعي .. ولكن شناشيل بغدادجدا قديمة واهله بنوها قبل البصرة ولكن اشتهرت البصرة بالشناشيل اولا لان حافظت على معظم التراث ولان بغداد عاصمة العراق وشهدت تطور وبناء عالي واخذت مساحات كبيرة وبدء الناس بغيرون معالم المدينة القديمة والباقي من الشناشيل هدمت والاخرى رممت وبعضه انمحت كل معامه الا القليل في بعض المناطق .. تدرين اني حسبت انك يا اختي عايشة في بغداد لان لهجتج بغدادية ... ومرات من اتردين على الوهابيات والتيوس الوهابية اموت من الضحك 8_8 جزيتم خيرا اختي المباركة واتمنة اشوف مشاركة جديدة ممنون |
اقتباس:
لالالالالالالالالا ابدا ما اقبل كلامك ؟؟شلون ماتشاركون ؟ ليش ماقريتو بداية كلامي ؟؟؟؟؟؟؟ كلت اي واحد من اي دولة يتكلم عن تراثه وعن عاداته وتقاليدة وعن مواقف لطيفة وهكذا ...؟ بس وياكم صورة والامر مومختص بالبغداديين والعراقيين ... شكرا على هذا المرور المبارك نورتونا ممنون |
اقتباس:
كله حلو الصورة الموضوع الكلام ........ جميل جدا ..... وفقكم ربي ممنون |
اقتباس:
حلوه هاي مال مايك ... 8_8 شرحت الموضوع بمشاركتج اختي الطيبة روحو وشوف واني خادم ممنون |
اقتباس:
بس اختي احنة انريد صور قديمة 8_8 جزيتم خيرا ياطيبة ممنون |
الله الله رجعتنا الى ايام زمان وحكاوي بغداد اللي ماكو اجمل منهة ان شاء الله نكون من المشاركين شكرا ع الموضوع الاكثر من رائع |
اقتباس:
ونحن بانتظار مشاركتكم .............. ممنون |
اقتباس:
هههههههههههههههههه فشيـــــــــله ي فضـــه ماقرأت عدل :o اممم والحين فهمت وشو الشناشيل بس على فكـره الكـلمه تضحك هع :D |
اقتباس:
اهآآآ الظآآهر أني فهمت غلط :D خلاآآص باحط ليكـم ترآآآث أهل القطيــف ;) وربي يوفقكـم ^^ |
اقتباس:
(جوت اعتقدة الة زراعه؛عتبة؛طوربه اعتقد جانو يجيبو بيه ماي من النهر؛كوبة يخلون بيه مي حتى يبرد اعتقده من الفخار اممممممممممم دززة اعتقد اسمه هيجي يخلون بيه باجه ويخلونه بالتنور وصبح ياكلوه وبعد اكو ومااتذكر الاسماء |
اقتباس:
واتمنة اشوف القطيف .......... وهلا بيج اختي وعلى راسي ممنون منك |
اقتباس:
اختي الجليلة بالنسبة للصور ارفعيهة من الكوكل واي شي يمت لبغداد او بلدك بصلة جيبيه 8_8 واذا ماتكدرين ؟؟ يكفي سوالفج الحلوة ممنون منج |
السلام عليكم ورحمة الله وبركاته
مااحلى التراث القديم والايام التي عاشها ابائنا التي تخلو من الشر والحقد الذي نعيشه الان شكرا على الموضوع الرائع |
السلام عليكم ورحمة الله وبركاته ..
عروس المتحف البغدادي ... جنت ولد اصغير اخر العنقود والمدلل مال امي .. وجانت امي كل اسبوع تاخذنة للمتحف البغدادي وتاخذ وياهة الغدة والجرزات والشربت بعد ما انكمل اللف والمشاهدة بالمتحف .. وفد يوم شفت تمثال العروسة وجانت حلوة وحاطة حمرة وخدوده حمرة ولابسة ابيض واني جنت احسب هاي عروسة حقيقية ... واول ما ندخل المتحق اركض عليه واصفكواهوس عبالك اكو زفة وعرس؟ وجانت امي ما اتخليني اتقرب عليهة والحرس دائما يفترون ويراقبون لان كامرات قبل ماكو ... اي ما اطول عليكم السالفة وبالاسبوع الثاني رحت متلهف على العروسة واول مادخلت نزعت ايدي من ايد امي وركضت وامي وراي اتعيط واخوتي الكبار وراي مثل الصاروخ .........واني بس لريد اوصل للعروس الحلوة 8_8 اي دخلت عى ساحة العروس الي حايطيهة بالحبل العريض ودخلت من جوة الحبل وجريت العروس من ثوبه علمود (؟؟؟؟) اي وقوة انفعالي العروسة وكعت على وجهة وزوحه وكع والاثاث اتخربط والشرطي كام يصيح علي .. وجتي امي لزمتني وكالت اني جم مرة كلت الك هاي لعابة مو إبنية شفت اشلون خزيتنة الله يلعنك 8_8 واني ممنون منكم ...... اعزائي عروس المتحف البغدادي ... ملاحظة // زوجه راح ابشغلة ودقايق ويرجع .. http://www.al-7up.com/vb/imgcache/2/66493love.jpg |
اقتباس:
اهلا بالاخ النجفي شرفتنة ....... ممنون منك ياطيب |
اللهم صل على محمد وال محمد وعجل فرجهم
موطبيييعيه حكايتك خويه مع عروس المتحف هذا اليسمونه جنون الغرام ^ــــ^ قصه جداااا لطيفه الله يوفقكم يارب ويحفظ اولادكم اللهم امين |
اقتباس:
حلوة هاي جنون الغرام ....... يعني سري انكشف مو ؟؟ بارك الله بيج وشكرا على التواصل الطيب ممنون |
http://ts2.mm.bing.net/images/thumbn...1c732d7673f93a
سوق الصفافير الذي يعود تاريخه إلى اكثر من الف عام، يمتهن تطويع النحاس الاصفر والاحمر لصناعة التحف الفنية والادوات المنزلية، المتجول داخل السوق يجد تحفا فنية يعود تاريخها الى العصر العباسي، اضافة الى لوحات فنية للابنية المشهورة في زمن العباسيين ومخطوطات فنية تحمل آيات قرآنية. وفي هذا الشارع البغدادي القديم تنتشر العديد من المحلات التي تمتهن الطرق على النحاس وتعرض منتجات نحاسية تراثية، والى جانب الاعمال الفنية الجميلة فإن المحلات نفسها تعد تاريخا قديما من الدولة العباسية فكرة حلو ابو اسد عاشت الايادي تقبلوا مرورنا . |
ياهلا ومية هلا بالاخت الجليلة ... شرفتونة
عاشت ايدج ... والله شاطرة راسا فهمتي الموضوع وبدعتي مو مثل بعض الناس 8_8 وسوق الصفافير بيه ميزة ؟؟ الي يدخل يحب يسوك على السريع ويطلع ؟ رغم جمال السوق ؟! لان من كثرة الدك والضرب على النحاس الواحد راسة يصير جرس انذار ... ممنو منك وننتظر مشاركة جديدة |
يا اخي بعض الناااس ما عدهم تاريخ عراقي جميل مثلكم
ما اجمل ان ينقل الصوره اهلها ومجتمعها تكون ذات نكهه وجمال كما تتنفضلون به ثم بدى الاكثريه يدركون اني ما اجيد فن المنقول ( حاله نفسيه بعيد عنكم ^ـــ^) بعدين بديت اصير نحيسه كون مواضيعي المسكينه محد يزورها واني من الصبح لليل افرفر بكل الاقسااام !! تحياتي |
اقتباس:
|
الله يجعل ايامكم كلها سعاده وخير اختي ام هاني
كنت فقط اعاتب بطرق ملتويه ليس الا وبالفعل انه ما احب اشارك بشي ما احسه يعني والله غريبه ولكن هذا اللي حصل بعد رحلة سنين مع الانترنت يعني الوقفه مع بغداديات اخونا ابو اسد والاخوه الكرام وجنابكم وكل من ينقل عن منطقته الها طعم ولون ومذاق احس تجي من عندي متجمده مالها فاعليه ^ــــــ^ وانا ارجوا المعذره من اخوي ابو اسد الكريم ولكن ليسمح لي بالمتابعه وان شاء الله سأبقى ابحث عن ذكريات مشتته لعلي اجد شيئ من الماضي اذكره هنا تحياتي لكم جميعا |
http://aawsat.com/2012/01/14/images/...ye1.658792.jpg
لأكثر من خمسين عاما، حافظت سوق الغزل وسط العاصمة العراقية بغداد (أشهر سوق لبيع أنواع الطيور والحيوانات الأليفة والمفترسة) على نشاطها الأسبوعي بإقامة مهرجانات غير عادية أبطالها مختلف أنواع الحيوانات (بعضها نادر وخطير)، إضافة إلى تنظيم حلبات مصارعة الديكة وعروض مثيرة للأفاعي لجذب وإثارة جمهور زائريها من الهواة والباعة الذين لم تثنهم حتى التهديدات الأمنية التي طالت السوق أكثر من مرة عن زيارتها والتواصل معها. واعتادت السوق أن تفتح أبوابها مبكرا يوم الجمعة من كل أسبوع، حتى صارت ظاهرة عراقية وتاريخية مميزة |
اقتباس:
حلو تواجدك باي موضوع تعطي حلاوة وتواجد عبق بس انتي مو من اهل بغداد ولو ماكو فرق الكل اهل وحبايب |
|
اقتباس:
اني مثل ماكلت من قبل في بعض مشاركاتي واعتقد في موضوع امممم (دعوة مفتوحه للنقاش لاختي ام هاني ) وكلت الاخت فضة من اقراء ردوده بالعراقي ومن اتعصب اطك واموت من الضحك لان كلامه يخبل 8_8 خلي اضحكج ( عدنة بالعراق من واحد يكولوله اووووف انتة اشكد نحس ؟ يجاوبهم ويكول اي مو اني هستوني كاعد اطلع اسنون 8_8) حلوهة مال نحيسة ؟؟؟يمكن كاعدة هسة اطلعين اسنون ... هلا بيج ومية هلة باختي الغالية فضة ربي مايحرمني منكم ياطيبين ممنون |
متى لبس العراقيون السدارة.......؟ الفنان المرحوم / عبدالخالق المختار ـ يسار ـ في دور نوري السعيد http://us.mg4.mail.yahoo.com/ya/down...d=YahooMailNeo الكاتب غفور البغدادي http://us.mg4.mail.yahoo.com/ya/down...d=YahooMailNeo عندمَا حصل العراق على استقلاله عام 1921، بدأ رجال الحكم في ذلك الوقت يفكرون في تبديل الفينة والكليتة الاجنبيتين بلباس للرأس "عراقي التصميم" يتخذ شعارا ورمزا للوطنية وبعد تفكير طويل استقر الرأي على صنع "الفيصلية" التي سميت بعد فترة قصيرة "بالسدارة" والسدارة كلمة ذات أصل لاتيني من أصل سامي وهي تعني لباس الرأس عند الملوك. وعمت السدارة العراق جمعيه في فترة قصيرة لترمز أول الأمر الى الروح الوطنية ثم لترمز بعد ذلك الى المشتغلين في الحكومة والى المتعلمين بصورة عامة. وكان من يرتدي "السدارة" يطلق عليه "الأفندي" والى عهد قريب جدا فالسدارة لباس الرأس الرسمي لأفراد الجيش والشرطة وشرطة السجون وبعض الدوائر الاخرى. ويميز الفرد العراقي عن غيره من أخوانه العرب بلبس "السدارة". ان الذين يلبسون السدارة في عهدنا هذا قليلون، ولو عدنا للسدارة لوجدناها تختلف عن السدارة التي يلبسها أفراد الجيش كما تختلف عن السدارات الاخرى التي يرتديها الأهليون فتلك كانت مصنوعة من "اللباد" أي من الصوف الخشن المضغوط. ثم بدأت مصانع ايطاليا وانكلترا تنتج "السدارات" فجاءت عند ذلك جميلة ناعمة الملمس مبطنة بالحرير وتحمل ماركات مختلفة مثل روبين ـوهيون ـوفكتورـ كما جاءت بألوان مختلفة منها السوداء والقهوائية والزرقاء والرمادية وآخر ما بقي من ألوان السدارات المستعملة بندرة حتى هذا اليوم هو اللون الأسود فقط. أفندية في مقهى / المتحف البغدادي http://us.mg4.mail.yahoo.com/ya/down...d=YahooMailNeo حيث وجد اشخاص امتهنوا "غسيل الغياني والسدارات" كذلك تنظيفها وكيها وهم جماعة من اليهود والأرمن. وكان لليهود سوق في "عگد السعدة" لهذه الغاية يوم كانت الغياني شعارا للرأس. ويطلق على من يقوم بمهمة غسل الغياني تسمية "قالبچي" أخذ كونه يضع الفينة في قالب معدني موجود ضمن آلة خاصة لها ضواغط ويضع تحت القالب موقدا نفطيا يقال له "بريمز" فاذا سخن القالب وضعت عليه الفينة ولبست به تلبيسا ثم ركب عليها وهي في القالب قالب آخر تغطى به وجاء في بعض ابيات الشاعر الشعبي "عبود الكرخي" في وصف لباس الرأس عند البغاددة قائلا:ـ بيهم من يلفه "كربيتبه” باليشماغ والآخر بجزية وبيهم من يلف عشرين هبريه لرأسه وبيهم اعگال الوبر أسمر وخوذة والسدارة وفينة والچرغد وأبو خيه عگال المرعز الأسود واللف المكنكر يشبه المگود عريض اطويل عند التثنية تگصر |
اللهم صل على محمد وآل محمد الطيبين الطاهرين الله الله فوق شوقي للعراق اشتاقيت أكثر .. ياريت الوضع الحالي مثل السابق رغم اني ما عايشة بالعراق بس حسب ما يسولفون الأهل صار واضح عندي التغير وللأسف للأسوأ .. شكرا جزيلا لك أخي موفقين ’’ |
موفقين لهذا الطرح الجميل
|
الاخت الطيبة .. عفتي فاطمية
راح اتخلصين الصور كله الي بالكوكل 8_8 عاشت الايداي صورا رائعة سبقتيني ... الله يسامحج ممنون منج |
عاشت الايادي اختي ام هاني الطيبة ..
تدرين سوق الغزل قريب على بيتن كان بالسابق وكل جمعة اروح اجول واشتري دجاج لاني اموت على الدجاج والديوجة .. شكرا على هذا التوضيح ربي يوفقج ممنون |
| الشبكة: أحد مواقع المجموعة الشيعية للإعلام الساعة الآن: 07:08 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2024