|
شاركوني بابداعكم لذكر الحسين .... ادخل لبصمة الزهراء ع .... احمد رفيش
وبه نستعين والصلاة والسلام على اشرف الخلق اجمعين محمد وال بيته الطيبين الطاهرين
احبتي خدمة الحسين ع اسال الله العلي القدير ان تنالوا شفاعة فاطمة الزهراء عليها السلام يوم الورود شاركوا معي لذكرى مصائب الطف واجعلوا بصمة لكم فيها وانها كذلك ان شاء الله لكي نحي شعار (((( كل يوم عاشوراء .... وكل ارض كربلاء )))) شارك باي شيء لاسود الطف (((( دارمي او ابو ذية او ومضة او قصيدة او ذكر ))))) ولنا ولكم من الله التوفيق وابدأ انا واقول لون عباس وحسين شربوا ماي *** لاضلت عدا ولا بقى جيش الزور ولاصار السبي للحرة والاطفـال *** وايام الفرح جا صارت ابعــاشور @@@@@@@@@@@@@@@ الاقل احمد رفيش |
بالطف منك الدمى فائضة وقد ضربت بالدمى موعظة حتى ينال الرب منك الرضى ملكا لك الدنيا مع الجنتين |
حبيبي ابو تكتم ابدعت ووفقت ان شاء الله
اه على عين اليقين كم بكت .... منها ارتوت ارض الماسي والالم اه على نحر الضمى منه ارتوى .... دين الرسول واعتلى فوق القمم من ابو السجاد ابن خير العمر .... انتصر عالدين دمة وابتسم الاقل احمد رفيش |
الاخ والاستاذ الكبير الكبير احمد رفيش السلام عليكم سمعت حسين ناده بحزن بسماي أطلبت للحرم ياعباس بسماي صدك مابعد اشوف الكمر بسماي اعتذرلك كتله طاحت مني اديه تحياتي السعبري |
موفق سيد كريم السعبري
ونورت صفحتي منهو كال الكمر طفوا عينه ..... ومنهو كال اتبترت منه الجفوف ساتر جفوفة زرعها اعلى الخيام ..... وعينه فوك السهم عالخدر تطوف مودتي وانتظر الرد |
اخي الغاليالكبير الكبيرالسلام عليكم يساكي الضعن انته صرت وانته كفيل عليك زاد الكلب وانته احير اني ويحير الضعن وانته اذا تبعد يذخر الفاطميه اخوك السعبري |
كلبه مـــــــــن الحزن أوحى وشاله وجرت دمعات مــــــن عينه وشاله يوم الراح يــــــــــــــــم أبنه وشاله وجابه ومــــــــــــدده بحضن ألأبيه |
القلب الاسير
وفقك الله ورعاك ساحاول ان اكون هنا في الايام القوادم |
بالطف منك الدمى فائضة وقد ضربت بالدمى موعطة حتى ينال الرب منك الرضا ملكا لك الدنيا مع الجنتين أعتذر عن الخطأفي المشاركة السابقة تحياتي |
اقتباس:
اعلم ان مشاركتك الاولى سجلتها الزهراء بما ينصه قلبك اخي وعزيز تقبل فائق شكري ومناي الاقل احمد رفيش |
اقتباس:
عليك الكلب ون بسكوت ونه والكافر يصد اعليك وانه اعيالك تنسبي يحسين وانه متوني توسمت بسياط امية الاقل احمد رفيش |
اقتباس:
يبوية احزاني الي ما فض وشلها شلي وياها دنيانا وشلهــــــــــا شاهد ياعلي عيني وشلهـــــــا تراها عيون يا حامي الحميــــة احمد رفيش |
مسلم ع وحميدة ع يبوية اتغيب عني شلون مسلم ترى افراكك عليا هواي مسلم دلالي اعلى فكدك طاح مسلم يبوية يعود من اترد الية ******************** اصبري اليوم يبنيتي حميدة تراها الروح للضامي حميدة الزمن والضيم بايامة حميدة يريد يمدها لولاد الزجية احمد رفيش |
زينب ع والعباس ع عليك جروحي تسعر نــار وجرة يجر بية الدمع عبــــــاس وجرة خذاك انت الزمن يا حيف وجرة المنية اعليك والهم رد الية ******************* يزينب انتِ بت حيدر وحــرة احملي من الصبر جمرة وحرة زمان الضيـم الج قرر وحــــرة جفيلج عالنهر وانتِ سبيـــــة احمد رفيش |
زينب ع والزهراء ع على جروح الزمن همة ولامـة ييمة الجور ضمة انه ولامــــة ودمع كلبي جرح صبري ولامة على دموع الليالي بكل مسيـة ************* ييمة مو ضلع مكسور ضلعيــــن ضلع لحسين والعباس ضل عيـــن يزينب سيف صبرج صار ضل عِين ولاوي انتِ الدهر وي المنيــــــــة احمد رفيش |
زينب ع طعم مر الزمن جارح شرابة عرفته من الزغر بين شرابه الدهر للضيم دلالي شرابة بمزاد الليل خطها اعلى السبية *********** رماني الضيم بايامة ولاحن وعصرلي جروح دلالي ولاحن عزف باحزان دمعاتي ولاحن وطرب بدموع عمر الهم علية خادم اهل البيت ع الاقل احمد رفيش |
الى كل المبدين مني ارق التحايا والى قمر العشيرة وحك جوده وسهم عينه وكفاه عباس لعلي وفه وكفاه فك كفه ومنايه اهده وكف فاه اليسولف سيفه بارض الغاضريه |
اقتباس:
ان شاء الله يمن جفة اشكثر جافي وجفة الكمر عباس ماقصر وجفة لحسين الفدة عينه وجفة ودرع صدرة الكمر لبن الزجية تحياتي وفائق شكري وسجلت ان شاء الله الاقل احمد رفيش |
الكبير الكبير حبيبي واخي الغالي واستاذي احمد رفيش السلام عليكم كليب شحصل من جاهه وزيره كدريشفي جرح تغلب وزيره ؟ ابو السجاد من قدم وزيره اصول الدين ثبت للبريه |
حبيبي المتالق السيد كريم السعبري
بوركت ووفقت ان شاء الله واعلم ان الابداع لكم عليك الروح يا مضلوم لاجت اشكثر صرخت رقية اعليك لجت جبتها الراسك وياريت لا جت وعلى شيبك يخوية تموت هية الاقل احمد رفيش |
عليه الدنيه مره وحيل مره ردت اوصل واشوف حسين مره الضعن لو رحت لارض الشام مره اودع كافلي وابن الزجيه السعبري |
موفق مولاي سيدنا
كلبي للحزن دارة وسكنه جرح دلالي هاك اخذة وسكنة تنوح اعليك اطفالك وسكنة تلوج اعليك والماتت رقية الاقل احمد رفيش |
سكنه تلوب مايبرديمرهه اعله عمهه رادت الحادي يمرهه مر ماينجرع مره يمرهه وتشوف الرايه والجثه دميه السعبري |
تدري الجود يم عمها وراية
وتقرة الغيرة بي ايه وراية تسمع صوت يمنادي وراية اجيج ولا تهمي انه الحمية |
اللهم صلي على محمد وال محمد
اللهم العن اعداء محمد وال محمد ببركة الصلاة على محمد وال محمد بارك الله فيكم ووفقكم الله ورزقكم شفاعة الزهراء ع يوم الورود |
اللهم صلي على محمد وال محمد
شرفتني اخي الفاضل فلاح رفيش لك ودي وفائق شكري ومناي الاقل احمد رفيش |
| الشبكة: أحد مواقع المجموعة الشيعية للإعلام الساعة الآن: 05:16 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2025