|
حزني ثق من حزن كـــــــــل الناس احله يمكن بكل القصص ما صـــــــــار مثله لكن شويونه يشبه حزن عنتر على عبله :) |
من زغري وأنه تاجر بالأحزان ودكاكين المواجع مشتريها بكاروكي وعليّه اتلولي الآلام تغطـّيني بدمع اُمّي وبجيها !! |
حسدتك ياوجع چي تسهر الليل وتسامرهم وتسمع كل بچيهم تبات اويه الجرح بأمواج الدموع وتِگلّب كل مواجعهم عليهم ! |
اْنه وضيم الحِزن چَن فندق وضيف لكَه ابحي الأسِكنــــــــــــه عَقد دائم |
كِشَفت اسرار حزني اكَبال الاغراب بـِـچـِوا چني چــِنـت منهم و بيهــم و من كثر الدموع السالت انسيـــت وصرت انشد علـى السبّــب بچـيهم |
يقول شريك الوجَع .... أنه جروحي سمه وتتماطر جروح وأشد منهن جرح منك لفاني هِجَرت الشوک مثل طيور بستان هجر بستانه وبهجران اجاني أحِن حَن الفصيل الذيچ الايام وأموتن واحترِگ اكثر عساني ..!! |
نعم ياشريك الوجع أحِن حَنّة حمام الدوح للنوح ومن يحچي الدمع يسكت لِساني تماطرني حزن وامطرلك جروح وأنوح بكل كياني البيه كياني إذا عالحَرِگ گبلك أحرِگ الروح وإذا عالموت من گبلك عساني ..!! |
ردت ارسم هلال الجرح رسميت ... وردت ارسم نجوم ارسمت سجينه وردت ارسم ضحكتي ما ندليت ..... خذتني ايدي غفل رسمت بواجينه تحيـــــــــــــــــــــــــــــــــــاتي |
اقتباس:
الله الله يالروعة هذا النزف ودّي |
دفهّمني الجرح ؟ ما أفتهم معناه ! لأن كلّي جرح من جدمي للراس جرح يمشي اعله طوله ودمّه مشخوب اشيجاوب لَوَن عنك سألته الناس ..!! |
على طولي الجرح يتمدد اوياي ... وبليل الشته جرحي يغطيني عيني عليه تشوفه شبيه مابيه ... وعليهه ازعل لون ما قصرت عيني تحيــــــــــــــــــــــــــــــــــــــــــــاتي |
وينك .. يطيف الفرح ؟؟ للــــدوم ناسيني مهموم محّد مسح دمعـــــــــــــات البعيني وينك يطيف الفرح .. دلحكَلـــــــي داويني كل ساعه اكَل للأجـــــل .. لحظات تانيني مل الصبُر جاهز كَبُر شلّي ابعمُر من غير خلّي الرحَـل چا شلّي بسنيني ؟؟ |
لچمني الگلب وجيت اتناشد الناس هم شفتوا گلب ضيع وتينه ..!؟ |
ردِت اعقد صُلح وَي طيــــــف الافراح بلچن يمحي حزنـــي وبسمــــــة تبقه واكتبت الكليشة ابحبــــر الآمــــــــــال واغتالوا الطيف و فشلِـــــــت الصفقه وردت اكتب احزاني بورقـــــة الليـــــل بعدني إبـ آه و انتــــــرســــــت الورقه و ردِت ارسم جرح من ماضي لجـروح لكَيت اللوحة كَلبي وجــــــــرحي طلقه ردت انحَت كيانــــي بواقع الحـــــــــال لچَن ازميلي عانـَـــــــــــــد نِحَت دمعه و طاوعته وكَلتله انحـــــــــــــت الآلآم وي صبر الـ صُبرته .. نِحَــــــــت قلعه |
اقتباس:
الحزن عندي فرح والفرح عندي موت أوجاعي مثل الدمع تنزف حزن بسكوت ولوسكن لحظه النزف يذبح ابشفتي الصوت ! وسأكون والوجع بانتظار الوجع . |
اقتباس:
عقدت الصلح گبلك وي الاحزان وگلت يبقى النزف وجروحي تبقه أثاريني اطلعت ياصاح وهمان إربحت صفقه وخسرت اوياه صفقه إربحت كل الوجع واخسرته شريان انگطع لاكن ترك بضلوعي طلقه ! |
الحزن عندي فرح والفرح عندي موت أوجاعي مثل الدمع تنزف حزن بسكوت ولوسكن لحظه النزف يذبح ابشفتي الصوت ! الله على هذه الاوجاع ....... بالحزن صوتي عله وسمعتني كل الناس ودمعاتي يا هالخلك كاس وتدير بكاس ولمن يمرني الفرح اخرس صفه الاحساس اضحك ولاكن جذب والمتن شال الراس وجروحي غمك الالم لو للالم مقياس تحيـــــــــــــــــــــــــــاتي |
مد ليل السهـر وأغـرگ أبحر الاه وشگ جنح الظلام وطلع الگـمره وعايـن عالسمه وتخيـل المعـراج والكعـبـه الشريفه وقبة الصخـره |
ما شاء الله تبارك الله اوجاع احلى من الشهد و اعذب من الزلال يَصاحب شوف جـالت خيل الجروح على صدر المشاعر بالحـــــــــــوافر دهر ذبني بمتاهه وشامت ايبـــــوح بلا چلمات بس تحچـــــــــي النواظر بطرف عينه يـِعاين نحري مذبـــوح و يغض طرف الصلافه وآنـه صابـر صُبح يا صاح نهج الدنيـة مفضـوح صديق اليوم يصبـح عـــــــــدو باچر تحية الى كل الاحبة المبدعين زكي |
اقتباس:
الله الله یاریاض نوّرت كل المساحه وشكرا على تثبيت الموضوع |
أرد أشيل جروح گلبي لافته ابلايا شعار وارد ألم أوجاع باچر أدري بيهن ... كبرن وصارن محطّة إنتظار .!! |
آنه وي باجر صلح .. بس ياصلح إيذرّي كل لحظه على جروحي ملح أمّنت بيه ونسيت الأمس كلّه وأدري باجر.... كلّه باجر تحت خاصرتي رمح ..!! |
يامحطات الحزن كلجن تعالن حتّى ترضه جروح روحي من اموتن وأنزف اوجاعي الّي بالغربه استحالن ..! |
ياقطار الوجع لاتِبعد ....تعال الفرح من اسنين عزّل امنياته سد دكاكين المودّه وعني شال .!! |
يا محطات الرحيل بهيده هيده انا بس جروح تنحب والكلب عجل وشال وشد وريده |
ما شاء الله .. تبارك الله تحياتي لكماوجاعكم تأخذ بتلابيب الفؤاد الى حيث الهَيام بمدادكم الدامع ................................ ........................... ...................... .................. ............... ......... ...... .... ... .. . ذكريات هواي من بيـــــــــه تِمر تچوي كَلبي چنهه من نار وجمر ثنين راحوا كَبل ميعـاد الرحيـــل هاجِرَوا من دون إنذار ابهجـــــر چان واحد منهـم الروحي طبيب وچان ثانيهـــــــــم أمل كل العمر ذكريات هواي لـو صــارن عبير چان صار ابعطر نسمـــات الفجر و العجيبــة أحلـه ما بيهن سعيـر بي مُهُجْتـي و كل كيـاني يستعــر آنه سامع عن طبــع غدر الزمان جنت علأيـــــــام مِـــن عنده حذر لچن ما ظنيته يرمينــي ابْسِهــام و يدفن الروح وأمـل عمري بكَبر و لأوجاعكم على حائط الوصل الق |
انه البيه علامه كثرت اجروح من تصد علي بس جرح تلكاني وانه الما افك حلكي وانطق الآه لان من افك حلكي يفيض شرياني تحيــــــــــــــــــــــــــــــــــاتي |
دمع عين الزمان اشكَد جره و سال على اليسوه و ميسوه و لسه بعده لجن ماكو دمع يشبه بالاوصـــــاف دمع الشيعي من يجري اعلــه خده دمع الشيعي نور ابواقع الحـــــــال بي يوصل ضمير الباچي مجـــــده اذا سال أعله خـــد اليعشكَـ حسين على الصوبين يرســم طيف ورده هنيئاً لكم حُب الحسين ع |
الدمع لحسين مايوكع على الكاع بالجنة الدمع ورد ورياحين ومن نكول آه بكلب مجمور عن النار تتحول حياطين لذلك من يمر حسين بالبال لمصابه اصيحن آه يحسين تحيـــــــــــــــــــــــــــــاتي |
محظوظ الإمامي ابواقع الحال لأن عنده الذي يهـَـوِّن مصابه إذا فد يوم كَربت منه الاحـزان يذكر كربله و ينســـــــه عذابه ثابت بالتجارب تنمحــــــي الآه إذا باب الحوايـــــــج تـدكَـ بابه ويشيب الجَرح بالعجل ويموت ولو جان الجَرح في عز شبابه اذا كَدام آهك تِحُــــط آيحسيـــن تذوب بنار ضيمك كل كــــــآبـه اعتزازي |
الله الله عليك يا سيد زكي لك التفاتة مذهلة تحياتي ومحبّتي |
ماينكر عشِرته الوجع وي الأه بس الأه عن الوجع مشغوله !! |
أوجاعك زكي ما تشبه الأوجاع نبتتها ابضمير الحزن مغروسه إلها اشموس تتماطر دمع وهموم وآه .. امن الوجع من تمطر اشموسه ..! |
أوجاعي غدت قمصان وهدوم
وانا العريان من ضيم المحطات اسافر وارجع لدربونة اهلي وألآكي امي تخيط جروح بالذات وذاتي تشككت من طعن الأصحاب ولامنهم صديق الشكف طعنات انا جروحي زمن ماله تعابير وانا الي من القهر اسكي العذابات خلص ياربي ياريتك تردني وعلى تراب النجف نكضي المسافات |
انه جروحي سفر بس سفرة احباب لان مابينهن اكبر علاقـــــــــــــــــه جمعهن جف غدر ما بين الضلوع وعلى الاغمك بدت رحلت سباقه يضحكن من طبعهن موش تكليف ويملكن لو حجن حس ولياقـــــه يعرفن حالهن بس دون جلمات مثلهن ياهو يتملك لباقــــــــــــه دورت اشكثر عن بشر وفاي اشو ياهو التلزمه يفح نفاقـــــه بس جرحي وفالي وبيه ماخان وعقدت ويه الجرح اجمل صداقه |
الاحبة المبدعين اوجاعكم كنمير عذب يروي ضمأ الروح .. في رمضاء الالم تحية لكم و للعزيز صاحب المبادرة المبدع ابو ياسر الكعبي إذا بالذكريات اتسافــــــــــر الروح تصير العين مـــــــن الشوكَـ شمعة تذوب بكل نـَـفـَــس وي شوغة الآه و تنزل علوجــــن دمعة اعله دمعة |
عذاباتُ هذه الحروف تُلجم حرفي
سفينة النجاة و الياسري أبدعتما أنحني لهذا الألم |
بالعكس يا مُبدعة بين طيات حروفكم نقرأ الالم الصادِق و الشوق لها دائم |
اقتباس:
اقتباس:
واوجاعك كَمر و الكَمر كوكـــــــب نور عليه اوجاع شمس اجروحي معكوسه بل جرحك ثغر يعشكَـ اشفـــــــــاف الآه لذلك كل دقيقــــــــــــة اتدنــِّـكَـ اتبـوسه تحية بقدرالابداع لكم يا فرسان القوافي |
اللهم صل على محمد وآل محمد السلام عليكم ورحمة الله وبركاته أخي العزيز .. ابو ياسر الكعبي مبدع بحق بصراحه هوايه عجبني موضوعك كل مادخلت ع المنتدى لازم أدخل مكان أبداعك.. لـــ أعيش أوجاعكم ؟؟ أخواني الأعزاء - كريم السعبري - ارسطو طاليس - نزار الفرج - زكي الياسري أبوتكتم الخير - أبوظاهر البركي - سفينة البحار رياض رسل - أختي الغاليه - الروح الله الله ماشــــــاءالله أبداااااع كل وجع يحمل وجع أكثر راح أتابع أوجاعكم والقلب يدعولكم أعتذر .. ؟ إذا كان وجودي غلط؟ أختكم آمــــــال |
| الشبكة: أحد مواقع المجموعة الشيعية للإعلام الساعة الآن: 07:42 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2024