|
الوظايف أرزاق و الرزق على الله
الله يعين هالأجيال يتخرجوا من الثانويه و بأعلى النسب و بعدين قاعدين في البيوت حماتي 96 و في النهايه بتدرس برة على حساب أبوها بنت أختي نفس الشئ تدرس في البحرين على حساب أبوها عقدوهم هالسنة بالنسبة الموزونة |
رحت اللي في القطيف الليله و حطيت عيوني على كم شغله و ان شاء الله هاليومين بروح مع ابو محمد بشتريهم
|
الهرم بلازا ما رحته و لا مرة بس اللي سمعته اللي يدور زين يلاقي أشياء حلوة
|
انا بعد قلت بروح اشتري كم جاكيت وكم كنزة للجين
ورغد اللي منغفصة معاها ع اللبس حتى قلت بالبسها الزي الرسمي مرة بالاسبوع يبي لها ملابس واجد خخخخخخخخخ وانتي يا ام لجين بالعة مسجله بس تهدري |
يبي الي اروح ديك الطخة
الهرم - سابل- السعر المنافس مادخلت سابل و لا السعر المنافس بس اشوف الاخت ام النور ماخذه اغراض منه قلت باشووووف |
ليش تلبسيها الزي الرسمي مرة بالاسبوع
أريح بصراحة تمنيت لو مدارس الأولاد عندهم زي رسمي أريح و الله |
يبي لي بعد كم بوت للشتاء
شفت جوتي نص بوت في مذر كير يجنن بس مافي مقاس جود في مقاس خالد اففف لو هو ولادي ماطلع زين عليه |
وانتي الصادقة بالبسها اياه مرتين بالاسبوع
او اكثر اذا لزم الامر |
بديت أصوم الأيام اللي عليي في رمضان من اليوم
و في النهايه اليوم قبل ربع ساعه من الأذان يجي ولدي من البقاله شاري علكم و أقول له يعطيني و آكلها و أني متلذذة بطعمه أذكر أني صايمة ... هههه يللا مو إليي اليوم إن شاء الله أعوضها ببكرة |
لا مو المدرسة
المدرسة بالبسها اكيد كل يوم زيها الرسمي وفوقه جاكيت او كنزة قصدي رغد (في الروضة) بالبسها الزي الرسمي مرتين بالاسبوع والباقي منوعات |
الله يعيننا عالجواتي و الأبوات
السنة اللي راحت كان في مذركير و بمبكن أبوات للمطر إن شاء الله يوفروهم السنة |
ام حمود وعلاوي
الله رازقنش هالعلكة ومو كاتب لش اتممي اليوم خيرها في غيرها هههههه مافطرتي الا علكة |
و إذا على سالفة المقاسات دايما كدة اللي تبيه للكبير تلاقي مقاس الصغير منه و بالعكس
أي مذركير رحتي أنتِ ؟؟ جربي تروحي اللي في الواحة او ابن خلدون البضاعه ما تخلص بسرعه عندهم |
انا ما اخذت منهم العام الماضي
يعني قماشتهم جلد؟؟ وكم اسعارهم؟؟ خلنا نلحق اذا نزلوهم المطر يوسخ الاطفال؟ |
تخيلي حتى بعد الأذان ما كليت شئ كنا طالعين نغير جو مع الأولاد وديناهم قلعة القطيف و في طلعتنا أخذنا من التنور يعني ما كليت الا عالساعه 8 الليل
|
رحت اول مذر كير الظهران
بعدين اللي بالقطيف سيتي مول مافي لانه قال هذا اكبر مقاس لعمر سنتين وجود عمرها 3 سنوات بس والله عاجبني مووووت |
ما كانوا جلد بس أخو الجلد هههه
ما عرف ويش نوع الخام حقهم يمكن بوليستر ما عرف اسمه بالعربي |
هههههه
عادي صارت لي مرة بس مو علكة خخخخخ تخيلي سيريلاك ههههههههه كنت ااكل رغد يوم هي بت شهور سيريلاك وكنا برمضان وما اكلته واكلته وتخيلي ويش قمت سويت صحن ثاني واكلته وانا اكله اللي يقطعو المسلسل ويقوول تتابعون في رمضان وذكرت وياني تفشلت من حالي هههههههههههههه |
يللا مو من رزقكم إن شاء الله تلاقي اللي أحسن منه
|
بوليستر؟؟؟
والله الشتاء كله يومين وتجهيزاته هذه كبرها ماعلى الصيف البس خالد البربتوز وانتهينا |
شكلي عورت راسش ام حمود وعلاوي بهدرتي الزايدة
|
إي بس في رمضان ينحسب لج اليوم ما بتقضيه
مو مشكله كل شئ بثوابه الحمد لله إن شاء الله أقضي باقي الأيام اللي عليي و النهار ألحين قصير و الصيام مو متعب |
لا عادي جالسه و زهقانة بس بخليج ألحين بقوم أكوي بدله الرياضة حق حمود و بنام
تصبحين على خير و أحلام سعيدة |
ترى مو بوليستر هذي تخريفة ما قبل النوم تعديت وقت نومي فبديت أقط خيط و خيط
|
هههههههههه
وانتي من اهله ام حمود وعلاوي انا بعد باقوم ازهب الفطووووووور باسوي لهم كبدة باطلعها من الفريز تصبحووون على خير |
السلام عليكم
كيف الحال اخباركم واخبار الجهال واخبار الحوامل ان شاء الله مو تعبانين مع الحمل الله ايعينكم مااحب فترة الحمل كل من المستشفيات لمن انروح وننتظر وقتنا بتي تعبانه على قلبي مسخنه ودرجة حرارتها 39 وقال معاها احتقان في الحلق والاذن عطاها مضاد بس ماترضى تشربها وحطيت اليها تحميله بس ماخفت حرارتها صار اللي 3 ساعات من حطيتها والى الحين ماخفت وش اسوي ابغاكم تقولوا اللي بس ادري هالحزه مافيه احد قاعد |
اقتباس:
هلا اختي ام معصومة الحمدلله احنا بخير والحمل الله يعينا علية ... ماتشوف شر معصومة والله يعطيها العافية ... |
اقتباس:
الشر مايجيك اختي |
صباااح الخير .. شخباركم ؟؟
ام معصومة ماتشوف شر العلوية ان شاء الله .. أنتظري شوي علشان يسري مفعول التحميله وان شاء الله تنزل حرارتها أو حمميها بماي دافي وامسحي رجايلها بزيت زيتون او فكس ولبسيها شراب ونيميها وان شاء الله ماعليها شر يااارب .. يبغى لش تنتبهي ليها عدلل لبسيها قبعة وثياب ثقيله شوي .. جود كانت قبل من لفحة هوا باردة تمرض لأنه الصراحة ماكنت البسها اشياء ثقيله واطلع بها وهي توها مسبحة بس الحين من برد الجو ماطلع بها الا بعد ماسبحها بمساافه والبسها شراب وقبعه وجاكيت خفيف .. واشوفها الحمدلله صارت افضل .. وماتشوفوا شر :) |
السلام عليكم ورحمة الله وبركاته
صبااح الخي راخواتي الامهات شخباركم وشخبار عيالكم؟ ام معصومة ماتشوف شر السيدة الله يخليها لج |
مرحبا امهات ماشاء الله عليكم هدرتوا واجد واحنا موموجودين:) ان الجبال من الحصى على طاري القبعات اللي قلت فيها في السيتي بلازا كانت روووووعه ولاتفوت ادا لك نصيب راح تاخديها لونها وردي وفي ك تغطي ادنها فيها وتناسب سنها او سنتين الى 3 يعني تجي مقاسها ومعاها لفاف وقفاز ب36 ريال واعتقد فيها من جنب شخصية ويني الدبدوب ترى حتى القلعه امس تدكري ام حمود وعلاوي شفت قبعات بنات حليون وعجبوني وبالدات اللون الابيض عليهم نقوشات فراش او ورد بالوان هادئه ومعاهم لفاف وقفاز بس اللي في السيتي بلازا كانت غييير ام معصومه العلويه الله يعطي الكتكوته الف عافيه ان شاء الله ويحفظها من كل سووء يااارب انتبهي لها ترى الجو هالايام متعب ولبسيها زين تراها بعدها صغيره واهم شي لما تحمميها لبسيها فوطه دافيه وخلي المكان اللي جالسين فيه يكون دافي بس موخنقه اهم شي |
باقي الامهات بلاستثناء كيفكم وشخباركم؟؟؟:)
|
ما تشوف شر العلويه
سوي إليهما كمادات و ادهني صدرها و حلقها بزيت زيتون دافي و في هالحاله أولادي أعطيهم تحميله كل 6 ساعات و بين كل تحميله و الثانيه أعطيهم خافض حرارة و ضروري تحاولي معاها عالمضاد لأنه هو اللي بيساعد على تنزيل حرارتها شربيها أشياء دافيه و الله يعينك و يهديها ان شاء الله |
هلا فوطة كيفك و كيف علاوي
نام اليوم بعد أو لساته جالس ؟؟ شو بيعمل ؟؟ اللي عندي لساته ما جاء من المدرسة |
علاوي جالس يلعب قيم بوي و ما يبي البورتبل
بعدين بس يجي أخوه بيعاند و بيصر عالبورتبل |
علي بكره عندهم رحله تبع الروضه للمغامرات وهدي اول رحله لهم وهوه مره متحمس للرحله وانا متحمسه اكثر منه خخخخخخ
ويوم الاربعاء اجازة لان المعلمات عندهم ملتقى نلتقي حتى نرتقي تابعه لمنطقة القطيف وتوابعها الظاهر كدا فشكلنا بنخلي ابونا ياخد اجازة بعد خخخخخخ |
هلا ام حمود وعلاوي لا لسه جالس يلعب
ان شاء الله اليوم ماينام لانه جلس الصباح من النوم بوحده اي اهم شي تقولي لحمود ان علي اجازة يوم الاربعاء علشان يقول لك حتى هوه مابروح المدرسه خخخخخخخ وبالدات انه يبغاها حجه علشان لايروح ههههههههه |
الله وناسه عليكم بالعافيه الاجازة
ان شاء الله يعطوا ابوكم و تروحوا البحرين و رحلة الى المغامرات بينبسط عدل حمود راحوها مع المدرسه قبل اسبوع او اسبوعين ما اذكر و انبسط عدل |
ان شاء الله يمدينا نروح البحرين كلمته من شوي علشان يخطط للاجازة مايندرى تحصل له او لا
ان شاء الله تحصل ادعي لنا اما على الرحله احسه متحمس والبارحه كلمت معلمته وقالت لي ان الرحله العاب وبينبسطوا وان بيصوروهم وبيعطوهم وجبه ووناسه خخخخخخ |
فوطه وام علاوي واني اقراء كلامك تدكرت ايام الروضه ووالرحلات والدورات ياسلام
|
| الشبكة: أحد مواقع المجموعة الشيعية للإعلام الساعة الآن: 08:51 AM. بحسب توقيت النجف الأشرف |
Powered by vBulletin 3.8.14 by DRC © 2000 - 2025