|
سلاااااااااااااام عليكم
- عندما تصيبك الانفلوانزا وعندك امتحان مهم؟ - عادي اقره واروح امتحن ولا مره مأجله امتحان لانه مريضه وخاصه بالانفلوانزا بس اخذ درجه اقل من درجاتي السابقه 2- عندما تسوقين سيارتك وينفجر الاطار الامامي للسيارة وانت بسرعة 160 كم ؟ -ما عندي سياره هههههههههه 3- ماذا تفعلين عندما يتمرض انسان عزيز بمرض خطير ؟ - ابجي اهواي واحاول اخلي يفرح ويضحك وينسى المه 4- ماذا تفعلين عندما يزعجك رقم غريب ويتصل عليك كثيرا؟ -عادي انطي لواحد من اخواني 5- ماذا تفعلين عندما تريدين الذهاب الى الدوام وتجدين ملابس الدوام في الغسالة ؟ ههههههههه ما اداوم لو اخالف 6- ماذا تفعلين اذا اعجب بك رجل من كربلاء ؟ ماكو فرق هوه منين المهم يكون صاحب اخلاق ودين ومحترم 7- ماذا تفعلين ان طلب منك زميلك ان تغششيه في الامتحان؟ -هههههههه اني ما ارد او افتح الورقه لان حرام اغشش احد واخاف الدكتور يلكفني بس هوه اذا يريد ينقل من ورقتي خلي 8- لو كانت احدى اقاربك او صديقاتك لاتلبس الحجاب فكيف تنصحيها ؟ -انصحها باسلوب حلو ان تلبس الحجاب مره وحده اكللها وبعدين اخليها تلاحظ فوائد الحجاب من خلالي لان ان لحيت عليها راح تكرهني وتكره الحجاب ورره فتره احاول اكللها 9- لوضربك احدهم ولد او بنت امام الناس كيف تتصرفين معه ؟ -مدا اكدر اتصور الموقف صعب حيل بس اكيد ما ارده بضربه بس باسلوبي اخلي يتاسف 10 - لوكان لديك خادم مصباح علاء الدين ماذا تطلبين منه؟ ازور بيت الله الحرام والنبي وهذا من احلامي |
سلااااااااااااام عليكم
1- اي صفات بالرجل تحبيها؟ -الاخلاق العاليه ومتمسك بدينه ويكون محترم و الشخصيه القويه والاسلوب الحلو 2-من هو الرجل الناجح ؟ هوه الرجل الذي يعرف كيف يفرق بين دينه وعمله وبيته كل شي يعطي حقه 3- الرجال قوامون على النساء ماهو مفهومك لقوامة الرجل على المرأة ؟ -ان يوفر الرجل للمرأه احتياجاتها الماديه والمعنويه ويوفر لها الحمايه والرعايه 4- ماهو رأيك بالرجل في الوقت الحاضر بصورة عامة ؟ -متسرعين ولا يشعرون بالمسؤليه بس اكيد مو كلهم 5- ماهو الزي الذي يعجبك ارتدائه للرجال ؟ -بنطرون وقميص بس بالمناسبات القاط اكيد 6- هل سبب انحراف المرأة وفسادها الرجل بما انه اب واخ وزوج ام المرأة نفسها ؟ - الاثنين الهم تأثير بس الاكثر المرأه نفسها 7- ماهي واجبات الاب تجاه ابنائه ؟ - ان يوفر لهم الحنان الكافي ودائما يجلس يتكلم معاهم لكي يعلم ما في عقولهم ويحاول يصلح الاخطاء الي عدهم بطريقه دبلوماسيه وان يزيد الثقه بينه وبينهم 8- اي سن افضل للزواج حسب رأيك للرجل ؟ فوق 24 9- صفات يحبها الرجل بالمرأة ؟ -اني بنيه وما اعرف شنو يحب الرجل ههههههههههههه 10- مارأيك بتعدد الزوجات للرجال ؟ -ما احبه بس بظروف محدوده يكون هوه الحل الوحيد |
اقتباس:
@@@@@ |
كانت معنا وعلى مدى اسبوع كامل ضيفة واختا عزيزة سعدنا كثيرا بوجودها بيننا بأسمكم نشكر الاخت الغالية عين بكت في حب الحسين وان شاء نستضيفك بعد سنوات وانت دكتورة تحياتي لك ودعائي لك بالتوفيق في حياتك ودراستك |
بباقة ورود مبللة بماء السماء وبكلمات معجونة بحب شهيد كربلاء نرحب بأختنا العزيزة وردة الزهراء فنحييها بالصلاة على محمد وآل محمد |
ضيفتنا الكريمة الاخت العزيزة وردة الزهراء السلام عليكم في البداية نرحب بك اشد ترحيب في اسبوع الضيافة ونتمنى ان نسعد معك وتسعدين معنا ونحييك بالصلاة على محمد وآل محمد واسئلتي هي : 1- اسمك ؟ 2- عمرك ؟ 3- تحصيلك الدراسي ؟ 4- اختصاصك الجامعي ؟ 5- مهنتك ؟ 6- بلدك ؟ 7- لونك المفضل ؟ 8- حكمة تؤمنين بها ؟ 9- موهبتك ؟ 10- هواياتك ؟ شكرا لك |
اللهم صل على محمد وآل محمد وعجل فرجهم الشريف
شكرا جزيلا لكم على دعوتي ...يشرفني ان اكون ضيفتكم لهذا الاسبوع... تحياتي... |
ابدأ بالاجابه على اسئلة الاخ الكريم (عظيم الفضل) ...
1- اسمك ؟ ساره 2- عمرك ؟ 23 3- تحصيلك الدراسي ؟ جامعة 4- اختصاصك الجامعي ؟ بكلوريوس علوم بايولوجي 5- مهنتك ؟ لحد الان ممتعينه... 6- بلدك ؟ العراق 7- لونك المفضل ؟ الوردي - البيجي - الاسود - الاخضر 8- حكمة تؤمنين بها ؟ عش ما شئت فإنك ميت.. 9- موهبتك ؟ الرسم 10- هواياتك ؟ التصفح بالنت |
الاخت العزيزة وردة الزهراء السلام عليكم واسئلتي هي : 1- اذكري لنا ماهو معنى اسمك الحقيقي وماذا كان يعني لدى الاهل ولماذا سموك به ؟ 2- هل اثر اسمك الحقيقي فيك وفي سلوكك وتصرفاتك ؟ 3- اذكري لنا شخصيات نسائية مهمة كانت تسمى بأسمك ؟ 4- هل تؤمنين بفكرة تأثر الشخص بأسمه وحروف اسمه ؟ 5- لماذا اخترت اسمك المستعار ؟ 6- آخر مرة شممت فيها وردة وماهي ؟ 7- هل تأثرت بأسمك المستعار منذ ان اخترتيه ؟ 8- من الذي ارشدك الى منتدى انا شيعي ؟ 9- ماذا استفدت من منتدى انا شيعي ؟ 10- اي اقسام المنتدى تعجبك ولماذا ؟ 11- اي انواع الورود تحبين ولماذا ؟ شكرا لك |
الاخت العزيزة وردة الزهراء السلام عليكم واسئلتي هي : 1- اذكري ثلاث مدن زرتيها ؟ 2- اذكري ثلاث اكلات تحبيها ؟ 3- اذكري ثلاث اعضاء اصدقاء لك ؟ 4- اذكري ثلاث اعضاء تعجبك مواضيعهم ؟ 5- اذكري ثلاث اعضاء تعجبك ردودهم ؟ 6- اذكري ثلاث مواضيع اعجبتك ؟ 7- اذكري ثلاث كتب قرأتيها ؟ 8- اذكري ثلاث اشخاص لاتستغنين عنهم ؟ 9- اذكري لنا جملة فيها حكمة مؤلفة من ثلاث كلمات ؟ 10 ثلاث وردات لمن تهديها ؟ شكرا لك |
الاخت العزيزة وردة الزهراء السلام عليكم ماذا تعني لكن الكلمات التالية : * الامل * الصداقة * الظلم * الحب * الزواج * الاطفال * السفر * المدرسة * الام * الاب * الاخت * الاخ * الزوج * الغربة * العزوبة * الحياة * الآخرة * القرآن * عترة النبي ص * السيد السيستاني * الامام الخميني * حسن نصر الله * ابليس * المختار الثقفي * الحسين ع * كلية الطب * مهنة الطب * الحلة * النجف * كربلاء |
وعليكم السلام اخي :
1- اذكري لنا ماهو معنى اسمك الحقيقي وماذا كان يعني لدى الاهل ولماذا سموك به ؟ معناه :المرأة التي تُبهِج وتسُر الآخرين..وقيل في السريانية بمعنى: أخت أو سيّدة، وفي العبرية: أميرة وكانت في الأصل تدعى "ساراي" و معناه: المجاهدة. اهلي يحبون هذا الاسم لهذا سموني به.. 2- هل اثر اسمك الحقيقي فيك وفي سلوكك وتصرفاتك ؟ اكيد ..وبصراحه انا احبه ... 3- اذكري لنا شخصيات نسائية مهمة كانت تسمى بأسمك ؟ زوجة النبي ابراهيم عليه السلام من الشخصيات النسائيه المهمه واللي اسمها مثلي... 4- هل تؤمنين بفكرة تأثر الشخص بأسمه وحروف اسمه ؟ نعم ...بالنسبة الي احب الاحرف اللي باسمي..لانها احرف خفيفه وسهلة اللفظ... 5- لماذا اخترت اسمك المستعار ؟ لانه اسم روووووعه ..وحبيت يكون اسمي حاوي على الزهراء لانه اروع اسم... 6- آخر مرة شممت فيها وردة وماهي ؟ وردة شجرة الياس اللي بحديقتنا..وردة شكلها رائع ورائحتها اروع.... 7- هل تأثرت بأسمك المستعار منذ ان اخترتيه ؟ نعم..لانه اسم من اشوفه ارتاح نفسياً... 8- من الذي ارشدك الى منتدى انا شيعي ؟ كنت ناويه اسجل بمنتدى شيعي عراقي...وبالصدفه كتبت بالكوكل منتديات شيعيه ..وشفت هذا المنتدى وكلت لازم اسجل بي.. 9- ماذا استفدت من منتدى انا شيعي ؟ استفدت الكثيـــــــــــــر مع العلم بعدني عضوة جديدة ... 10- اي اقسام المنتدى تعجبك ولماذا ؟ قسم التصميم والصور والقصة وسيرة اهل البيت عليهم السلام والحوار العقائدي والمطبخ ... بالنسبه لقسم التصميم احبه لاني اشتغل عالفوتوشوب ..لهذا احب اشوف الدروس والتصاميم.. وقسم الصور يعجبني لان يتعامل مع الصور وانا احب اشوف الصور هههههه... قسم القصص احبه لاني احب اقره قصص... وقسم اهل البيت احبه لان يحتوي على مواضيع تخص اهل البيت وانا احب اتعلم الكثير عنهم ... وقسم المطبخ يعجبني لان احب اتعلم اكلات جديده... اما قسم الحوار العاقائدي فيعجبني لاني اتناقش بي مع الوهابيه الملعونين وافضحهم .. طبعا بقية الاقسام هم حلوة وادخلها ...بس هاي الاقسام اكثر شي... 11- اي انواع الورود تحبين ولماذا ؟ الجوري والزنبق.. الجوري شكله ورائحته روووعه..والزنبق كذلك .. ههههههههههههههههه تعبت اخي على كيفك ويايه ههههههه هاي الاسئله هوايه...وعندي بعد غيرها هههه بس ان شاء الله اجاوب عليها كلها... تحياتي الك |
1- اذكري ثلاث مدن زرتيها ؟ داخل العراق زرت بغداد وكربلاء والنجف.. وخارج العراق زرت دبي والشارقه فيي الامارات..وزرت صحار في سلطنة عمان... 2- اذكري ثلاث اكلات تحبيها ؟ البيتزا...معكرونيه بالباشاميل ...شاورما.. 3- اذكري ثلاث اعضاء اصدقاء لك ؟ طبعا انا عضوة جديده..لهذا ما اعرف كل الاعضاء ..بس تعرفت على كم عضو وان شاء الله اتعرف على البقيه.. بس الاعضاء اللي حاليا اصدقاء الي همه : حبيبة الحسين ...شيعية بحت...تلميذة الحسين... 4- اذكري ثلاث اعضاء تعجبك مواضيعهم ؟ حبيبة الحسين...شيعية بحت..عظيم الفضل 5- اذكري ثلاث اعضاء تعجبك ردودهم ؟ حبيبة الحسين..محمد الغزي... 6- اذكري ثلاث مواضيع اعجبتك ؟ والله بصراحه هوايه مواضيع عجبتني ...مو بس 3 هههههه..لهذا ما اكدر احدد... 7- اذكري ثلاث كتب قرأتيها ؟ علل الشرائع...الانسان والبرزخ...عجائب الملكوت.. 8- اذكري ثلاث اشخاص لاتستغنين عنهم ؟ امي واختي واخوي الصغير... 9- اذكري لنا جملة فيها حكمة مؤلفة من ثلاث كلمات ؟ ما فهمت السؤال ...يعني الجمله انا اكتبها من عندي...؟؟؟؟ على العموم هاي الحكمة احبها : عش ما شئت فانك ميت)..هههه يمكن صارت اربع كلمات...) 10 ثلاث وردات لمن تهديها ؟ امي واختي واخوي الصغير... تحياتي |
وعليكم السلام اخي الكريم :
* الامل هو الشي اللي احتاجه حتى اكمل مشوار حياتي..وجود الامل يعني وجود الحياة... * الصداقة بصراحه...انا ما اكدر اتأقلم ويا البيئة اللي اعيش بيها بدون وجود الاصدقاء..على سبيل المثال الجامعه او اي مكان اخر ...لهذا عندي الصداقه مهمه جداً جداً * الظلم الله يبعدنه عنه ...الظلم يؤدي بالانسان الى الهلاك لامحاله...ودائما اتمنى من الله يجعلني مظلومه..لان الظالم مصيره جهنم( كُن مظلوما ولاتكُن ظالما). * الحب الحب اساس كلشي...اذا وجد الحب هذا يعني وجود الاستقرار...والانسان يحتاج الحب سواء بين الزوج والزوجه او بين الاخوان او بين الاصدقاء او بين الاقارب... * الزواج الزواج يعني المسؤوليه...يعني الانسان اذا يزوج لازم يفكر انو راح تصير عنده مسؤوليه جدا كبيرة ولازم يستعد ..وبصراحه لاحظت هوايه ناس ميقدرون هذا الشي...يعني عدهم الزواج لعب مع الاسف... * الاطفال الاطفال هم الورود اللي تنشر العطر في كل مكان...البيت اذا كان بي اطفال يكون منور..انا احب الاطفال ...حركاتهم البريئه تخليني ارتاح وتنسيني هموم الدنيا... * السفر السفر شي رائع...وانا من كنت صغيرة كنت اسافر ويا اهلي وكلش احب السفر...بحيث بليلة السفر ما انام هههههه لاني اكون فرحانه... * المدرسة المدرسه وما ادراك ما المدرسه ههه .. من كنت صغيرة كنت اضوج من المدرسه لان لازم ادرس واجيب درجات عاليه وانا كنت كلش شاطرة... ومن خلصت الدراسه ارتاحيت..بس هسه بصراحه اشتاقيت للدراسه... المدرسه هي المكان اللي قضيت بي احلى الاوقات.. اتمنى اشوف صديقاتي اللي كانوا ويايه بالمدرسه... * الام الام هي الحنان ..هي الحياة...انا اذا اغيب عن امي كم يوم اظل ابجي عليها على الرغم انا كبيرة بس ما اتحمل افارقها... * الاب الاب هو الخيمه اللي تحفظ العائله...وجوده بالبيت مثل الشمعه ينور البيت.. الله يحفظ اهلي ويطول عمرهم ان شاء الله... * الاخت انا عندي اخت وحده..واختي اكبر مني..بس انا واختي مثل الشخص الواحد..يعني انا اقلد اختي بكلشي مثل خيالها..اختي هي جزئي الثاني...الله يحفظها.. * الاخ الاخ هو الدرع اللي يحميني...والحمدلله عندي اخوان 2 اعتمد عليهم بكلشي... * الزوج انا مامتزوجه...بس اتمنى يكون زوجي انسان مؤمن وطيب ...لان المرأة من تزوج راح تبدي حياة جديده ولازم يكون شريك حياتها انسان فاهم ..واذا كان الزوج انسان مثقف وفاهم راح تستقر العائله لان راح يكدر يسيطر عليها... * الغربة انا ممجربه الغربه...بس اعرف معاناتها ..لان الغربه مرة.. * العزوبة بالنسبه الي انا احس بنفسي بهاي الفترة ماعندي مسؤوليه..لهذا اكون مرتاحه.. * الحياة ما اهتم الها واتمنى تخلص..يعني الحياة بالنسبه الي لاشيء ..عايشة يومي وبس... * الآخرة اساس حياتي مبني على الاخرة...يعني كل عمل اسوي اتذكر الاخرة...لهذا مرات ما اهتم اذا ضاع مني شيء ثمين او صار ويايه موقف صعب..لان اكول الدنيا ماتسوى والاخره هي الاساس... * القرآن من اقرأ القران احس بالاطمئنان ..واحاول استخدم بكلامي الكلمات الموجوده بالقران..لان ماكو كلام احلى من الايات القرانيه... * عترة النبي ص سلام الله عليهم...هم مثلي الاعلى ..واي شي يصير بيه اتذكر مظلوميتهم..بحيث مرة صار موقف ويايه وحسيت الدنيا ضاقت بعيني..بس من تذكرت الائمه اللي همه اطهر ناس وتذكرت المصائب اللي تحملوها ..كلت بيني وبين نفسي لازم اصير مثلهم..وسبحان الله حسيت اطمئن قلبي... * السيد السيستاني الله يحفظه..السيد السيستاني هو مرجعنا ..ومن اشوفه واشوف اي عالم ديني شيعي اتذكر الله جل جلاله...هذوله ناس يذكرونا بالله لانهم ناس مؤمنين... * الامام الخميني بصراحه اكو ناس شيعه ميحبون الخميني...بس انا اضوج من هذا الشي لان الامام الخميني هو عالم ديني شيعي ..وانا بالنسبه الي احبه .. * حسن نصر الله الله يحفظه...حسن نصر الله قاهر اليهود ..الله يطول عمره.. * ابليس اعوذ بالله منه..ابليس هو حبيب الوهابيه هههه...لان كلهم شياطين مثله... * المختار الثقفي اعتقد هو من الابطال اللي كانوا يدافعون عن اهل البيت عليهم السلام... * الحسين ع سلام الله عليك سيدي ومولاي..هو امامي اللي ادافع عن مظلوميته الى الابد..واتمنى اموت من اجل الحسين روحي له الفداء... * كلية الطب هذا مو اختصاصي...انا اختصاصي علوم بايولوجي... * مهنة الطب لا اعرف..لان مو اختصاصي.. * الحلة هي المدينه اللي كنت ازورها بصغري..اصدقاء ابوي من الحله وكنت دائما ازورها..مشتاقتلها. * النجف مدينة الامام علي (عليه السلام)...مدينه منورة بنور امير المؤمنين... * كربلاء كربلاء وما ادراك ما كربلاء..كربلاء قطعة من الجنه... كربلاء مدينة الحسين (عليه السلام).. نسأل الله يرزقنا زيارة الحسين روحي له الفداء...والله مشتاقة لزيارة سيدي ومولاي.. تحياتي للجميع... |
طلبي اليوم هو ارسال مسجات الى الاسماء التالية : * الام * فارس احلامك * كربلاء * الامام الحسين ع * الامام الحجة ع * الظالم * الاخ * الصديق * الاخت * الاب * ام البنين * الماضي * غادة * منتديات انا شيعي * الوهابية * عظيم الفضل * درة النجف * لحن الشجن * حبيبة الحسين * سارة * نرجس * شيعية بحت * تلميذة الحسين شكرا لك |
المتواجدون عظيم الفضل ودرر علي وعين بكت في حب الحسين |
الاخت العزيزة وردة الزهراء السلام عليكم اسئلتي اليوم عن المرأة : 1- صفي لنا المرأة في ثلاث كلمات ؟ 2- ماهي الكلمة التي توجهينها الى معلمتك الاولى ؟ 3- اذكري لنا ثلاثة شخصيات نسائية سياسية كان لهن دور بارز في مسار التاريخ ؟ 4- اذكري ثلاث آيات قرآنية ذكرت المرأة ؟ 5- اذكري ثلاث روايات ذكرت فضل المرأة ؟ 6- اذكري ثلاث حكم عن المرأة ؟ 7- اذكري ثلاث صفات تتميز بها المرأة ؟ 8- اذكري ثلاث اشياء تحبها المرأة ؟ 9- اذكري ثلاث اشياء تكرهها المرأة ؟ 10 - اذكري ثلاث صفات تحبها المرأة في الرجل ؟ تحياتي لك |
أهلاً وسهلاً بالاخت العزيزة والوردة الرقيقة
~ .. { وردة الزهراء } .. ~ سؤال اليوم لمن تهدي * وردة حمراء * وردة بيضاء * شمعة * وردة صفراء * ابتسامة * اعتذار * قصيدة مدح * رسالة شكر وتقدير * طلب صداقة * عتاب وشوق |
اللهم صلِ على محمد وعلى آل محمد الطيبين الطاهرين وعجل فرجهم السلام عليكم ورحمة الله وبركاته أهلا وسهلا بكِ أختناااا وردة الزهـراء أتمنى لكِ اسبوعــاً ممتعــاً وأسئلة سهلة لدي سؤال واحد .. هل تشجعيني على أن أتخصص نفس تخصصكِ ؟ تحياتي ’’ |
السلام عليكم ورحمة الله وبركاته
اهلا وسهلا بكِ غاليتي منورة الموضوع وربي ومشكورة على ذكر اسمي وانتي هم حبيبتي ونور عيوني ربي يخليج يارب ونحن من المتابعين ان شاء الله |
اقتباس:
افتخر بهذا الاعجاب اشكراج مرة ثانيه وثالثه |
وعليكم السلام اخي الكريم (عظيم الفضل) وانا كلش اسفه على التأخير على الاجابه.. * * * * الام الله يطول عمرج بصحه وعافيه ويرحمج ..ويدخلج جنات النعيم بحق محمد وال محمد... * فارس احلامك ــــــ * كربلاء ان شاء الله تبقين منورة بنور سيد شباب اهل الجنه (الامام الحسين) وبنور ابو الفضل العباس روحي لهم الفداء... * الامام الحسين ع اشفع لنا عند الله يا سيدي ومولاي يا سفينة النجاة.. * الامام الحجة ع ياسيدي يا صاحب الزمان طال غيابك... * الظالم لعنة الله عليك..الى جهنم وبئس المصير.. * الاخ الله يحفظك ويخليك النه سند * الصديق لاتبتعد عني ..لان بصراحه عندي صديقه حسيتها من تزوجت صارت بعيده عني ... * الاخت ربي يسعدج ..وان شاء الله تبقين قريبه مني ..لان انتي اختي الوحيده والغاليه... * الاب الله يخليك ويحفظك ويدخلك جنات النعيم بحق محمد وال محمد * ام البنين اشفعي لنا عند الله يا طاهرة ... * الماضي اتمنى ان ترجعلي الايام الحلوة اللي عشتها وبس .. * غادة ما اعرفها لاني عضوة جديدة..بس اكيد انسانه طيبه وان شاء الله اتعرف عليها... * منتديات انا شيعي ان شاء الله يواصل الابداع والتألق بوجود الاعضاء الطيبين اللي يخدمون اهل البيت عليهم السلام...وانا هم مراح اقصر مدام موجوده بهذا المنتدى الرائع... * الوهابية لعنة الله عليكم...الله ينتقم منكم .. * عظيم الفضل الله يخليك لاهلك وعائلتك... * درة النجف ما اعرفها...ويشرفني اتعرف عليها.. * لحن الشجن لحن الشجن انتي مشرفه مثابرة ومحبوبه ... * حبيبة الحسين الله يحفظج يا غاليه .. ويحفظ قلبج الطيب... * سارة لا تهتمين للدنيا...وعيشي يومج وبس... * نرجس نرجس مشرفه حبابه وهادئه.. * شيعية بحت الله يوفقج وان شاء الله تحققين امنياتج .. * تلميذة الحسين اتمنى اتعرف عليج اكثر... تحياتي للجميع... |
وعليكم السلام اخي عظيم الفضل ..... 1- صفي لنا المرأة في ثلاث كلمات ؟ عاطفيه...وفيه...رقيقة 2- ماهي الكلمة التي توجهينها الى معلمتك الاولى ؟ شكرا جزيلا الج يا معلمتي الغاليه ..مشتاقتلج... 3- اذكري لنا ثلاثة شخصيات نسائية سياسية كان لهن دور بارز في مسار التاريخ ؟ فاطمة الزهراء .. العقيلة زينب...مريم العذراء...(عليهم االسلام) بس هذني الشخصيات مو سياسيه هههه.... 4- اذكري ثلاث آيات قرآنية ذكرت المرأة ؟ ( انه من كيدكن ان كيدكن عظيم ) (و قرن في بيوتكن و لا تبرجن تبرن تبرج الجاهلية) قُل لِّلْمُؤْمِنَتِ يَغْضضنَ مِنْ أَبْصرِهِنَّ وَ يحْفَظنَ فُرُوجَهُنَّ وَ لا يُبْدِينَ زِينَتَهُنَّ إِلا مَا ظهَرَ مِنْهَا وَ لْيَضرِبْنَ بخُمُرِهِنَّ عَلى جُيُوبهِنَّ)) 5- اذكري ثلاث روايات ذكرت فضل المرأة ؟ بصراحه ماكو روايه على بالي حالياً... 6- اذكري ثلاث حكم عن المرأة ؟ المرأة الفاضلة صندوق مجوهرات يكشف كل يوم عن جوهرة جديدة_ النساء يفهمن الرجال .. ولكن لا يفهم النساء إلا النساء_ _قلب المرأة كالعنبر لا يعرف طيبه إلا بعد إحراقه 7- اذكري ثلاث صفات تتميز بها المرأة ؟ الخجل...البكاء...الحنان.. 8- اذكري ثلاث اشياء تحبها المرأة ؟ الاناقه ...المجوهرات والاكسسوارات ...العطور.. 9- اذكري ثلاث اشياء تكرهها المرأة ؟ التكبر...الشك (عدم التصديق)...الكذب... 10 - اذكري ثلاث صفات تحبها المرأة في الرجل ؟ الايمان..الجرأة وقوة الشخصية..الهدوووء... طبعا هاي الاشياء ذكرتها عن نفسي ...وكل بنيه يختلف رأيها عن الثانيه.... تحياتي لك اخي الكريم.... ***** |
اقتباس:
اشكرج عمري على ترحيبج اللطيف..:) كلج ذوووق حياتي.. وان شاء الله راح اجاوب على اسئلتج.. تحياتي الج.. |
* وردة حمراء لاختي الغاليه... * وردة بيضاء لامي الرائعه...اللي قلبها ابيض مثل الوردة البيضاء... * شمعة لابي لان هو شمعتنا اللي تنورنا... * وردة صفراء لصديقتي لان تحب اللون الاصفر هههه * ابتسامة لاخي الصغير * اعتذار الحمدلله ماعندي واحد زعلان عليه... * قصيدة مدح اهديها لائمتي الطاهرين عليهم السلام.. * رسالة شكر وتقدير اهديها لمديرتي الغاليه ايام المتوسطه لان كانت تحترمني وتحبني لاني كنت شاطرة ...ومازلت لهذا اليوم اتذكرها واتذكر طيبتها ويايه... * طلب صداقة للاخت الغالية لحن الشجن... * عتاب وشوق لصديقتي..لان من تزوجت صارت نادراً ما تسأل عني ..وحتى من اخابرها اكثر الاحيان موبايلها مغلق...والله كلش مشتاقتلها... تحياتي الج عمري.. |
اقتباس:
شكرا جزيلا على ترحيبج الرائع.. وان شاء الله اكون عند حسن ظنكم هذا الاسبوع..:) طبعا اختصاصي كلش حلووو...انا بالنسبه الي كلش يعجبني لانه يهتم بدراسة الانسان والحيوان والنبات وحتى الكائنات المجهريه... يعني خوش اختصاص..واشجعج عليه ...بس اذا تحبين اختصاص ثاني انتي حره حياتي...;) تحياتي الج عمري... |
اقتباس:
وعليكم السلام عمري.. هذا نورج اختي الغاليه... انتي طيبه وحبابه وهاي حقيقه مو مجامله...:) تحياتي الج |
اقتباس:
العفووو اخي... الله يبارك بيك... انتَ الطيب اخي..:) تحياتي الك... |
اقتباس:
|
تسلمين عومري واني اقبل صداقتش الجميلة
وأفتخر فيها وأسئلتي لهذا اليوم > من الشخص اللي أحدث نقطة تحول في حياتكـ ؟؟؟ 2< من الشخص اللي ما تحبين حتى ذكره ؟؟؟ 3> من الشخص اللي ما تقدرين تستغنين عنهـ ؟؟؟ 4< من الشخص الحزين اللي تتمنين تشيلين همهـ ؟؟؟ |
نكمل اسئلتنا عن المرأة هذا الكيان المتناسق الذي يجمع بين الجمال والحنان والعاطفة والرقة والرومانسية والحياء والانوثة والابتسامة المشرقة : 1- لماذا تحب المرأة الموضة وتقليد الآخرين ؟ 2- المرأة تحب الملابس ماهو السبب برأيك في حب المرأة للملابس ؟ 3- ماهي شروط الزوجة الصالحة ؟ 4- ماهي اسباب انحراف المرأة وسفورها ؟ 5- ماهي فوائد الحجاب للمرأة ؟ 6- هل تصلح المرأة ان تكون رئيسة حكومة ووزيرة او لاتصلح ولماذا ؟ 7- وراء كل رجل عظيم امرأة مامعنى هذه المقولة وهل تؤمنين بها اذكري لنا امثلة ؟ 8- عدم زواج المرأة ماهي اسبابه وماهي نتائجه ؟ 9- ماهي المؤهلات التي تريدها المرأة في فارس احلامها ؟ 10 - نصيحة توجهيها للنساء ؟ تحياتي لك |
الاخت العزيزة وردة الزهراء السلام عليكم 1- هل زرت مقام التلة الزينبية واين يقع ؟ 2- صفي لنا مقام التلة الزينبية ؟ 3- ماهو شعورك وانت تزورينه ؟ 4- هل سمعت او قرأت عن كرامات للسيدة زينب ع ؟ 5- اذكري لنا نبذة مختصرة عن حياة السيدة زينب ؟ 6- مامعنى اسم زينب ؟ 7- كم عمرها عندما توفت وماسبب وفاتها ؟ 8- مااسم زوجها وماهي اسماء اولادها وكم عددهم ؟ 9- اكتبي لنا خاطرة عن السيدة زينب ؟ 10 - لو التقيت بالسيدة زينب ماذا ستقولين لها ؟ تحياتي لك |
1- عندما تصيبك الانفلوانزا وعندك امتحان مهم؟ 2- عندما تسوقين سيارتك وينفجر الاطار الامامي للسيارة وانت بسرعة 160 كم ؟ 3- ماذا تفعلين عندما يتمرض انسان عزيز بمرض خطير ؟ 4- ماذا تفعلين عندما يزعجك رقم غريب ويتصل عليك كثيرا؟ 5- ماذا تفعلين عندما تريدين الذهاب الى الدوام وتجدين ملابس الدوام في الغسالة ؟ 6- ماذا تفعلين اذا اعجب بك رجل من كربلاء ؟ 7- ماذا تفعلين ان طلب منك زميلك ان تغششيه في الامتحان؟ 8- لو كانت احدى اقاربك او صديقاتك لاتلبس الحجاب فكيف تنصحيها ؟ 9- لوضربك احدهم ولد او بنت امام الناس كيف تتصرفين معه ؟ 10 - لوكان لديك خادم مصباح علاء الدين ماذا تطلبين منه؟ شكراااا لك |
الاخت العزيزة وردة الزهراء السلام عليكم اسئلتي اليوم عن الرجل : 1- اي صفات بالرجل تحبيها؟ 2-من هو الرجل الناجح ؟ 3- الرجال قوامون على النساء ماهو مفهومك لقوامة الرجل على المرأة ؟ 4- ماهو رأيك بالرجل في الوقت الحاضر بصورة عامة ؟ 5- ماهو الزي الذي يعجبك ارتدائه للرجال ؟ 6- هل سبب انحراف المرأة وفسادها الرجل بما انه اب واخ وزوج ام المرأة نفسها ؟ 7- ماهي واجبات الاب تجاه ابنائه ؟ 8- اي سن افضل للزواج حسب رأيك للرجل ؟ 9- صفات يحبها الرجل بالمرأة ؟ 10- مارأيك بتعدد الزوجات للرجال ؟ تحياتي لك |
اقتباس:
الله يسلمج حياتي ...كلج ذووووق ... > من الشخص اللي أحدث نقطة تحول في حياتكـ ؟؟؟ اختي العزيزة... 2< من الشخص اللي ما تحبين حتى ذكره ؟؟؟ الوهابي... 3> من الشخص اللي ما تقدرين تستغنين عنهـ ؟؟؟ امي الغالية.. 4< من الشخص الحزين اللي تتمنين تشيلين همهـ ؟؟؟ هوايه ناس... تحياتي الج عمري.. |
اخي عظيم الفضل...باجر ان شاء الله اجاوب على الاسئله لانها طويله ويرادلها كعده هههه..
تحياتي الك اخي الكريم... |
السلام عليكم اخي عظيم الفضل :
1- لماذا تحب المرأة الموضة وتقليد الآخرين ؟ لان المرأة بطبيعتها تحب تجمل نفسها ..يعني هذا الشي من الله .. ودائما تميل للاشياء اللماعه والبراقه والملونه..مو مثل الرجل. 2- المرأة تحب الملابس ماهو السبب برأيك في حب المرأة للملابس ؟ الملابس جزء من الجمال والترتيب ..ومثل ما وضحت المرأة تحب تجمل بنفسها.. 3- ماهي شروط الزوجة الصالحة ؟ المرأة المؤمنه... المحبه والمخلصة لزوجها... النظيفة والانيقه... المثقفة... 4- ماهي اسباب انحراف المرأة وسفورها ؟ هذا يعتمد على تربيتها والبيئه اللي عاشت بيها... 5- ماهي فوائد الحجاب للمرأة ؟ يسترها ويحافظ عليها...لان المرأة المحجبة مثل الجوهرة الموضوعة بالقاصة... لكن المرأة بدون الحجاب مثل الجوهرة المعروضة ويشوفوها الناس.. 6- هل تصلح المرأة ان تكون رئيسة حكومة ووزيرة او لاتصلح ولماذا ؟ نعم ..في بعض الاحيان...على سبيل المثال الملكه بلقيس... 7- وراء كل رجل عظيم امرأة مامعنى هذه المقولة وهل تؤمنين بها اذكري لنا امثلة ؟ اي اؤمن بها.. وهذا صحيح ..لان المرأة هي اللي تدعم الرجل ..وتقف الى جانبه في السراء والضراء.. ومن الامثله العظيمه هي ( خديجة الكبرى عليها السلام التي وقفت وساندت رسول الله صلى الله عليه واله ) 8- عدم زواج المرأة ماهي اسبابه وماهي نتائجه ؟ بعض الاسباب من المرأة نفسها ...يعني عدم رغبتها باللي يتقدمولها... او تكون مثقفه ومتقبل بأي واحد... وقد تكون الاسباب من الاهل..يعني تكون عدهم شروط مثلا يردون واحد غني او من الاقارب.. ونتائجه راح يعود بالضرر على المرأة نفسها ...لان وجودها مع الزوج افضل من بقائها مع اهلها... 9- ماهي المؤهلات التي تريدها المرأة في فارس احلامها ؟ ذكرتهم سابقا.. الايمان.. الجرأة وقوة الشخصية.. الهدوووء... 10 - نصيحة توجهيها للنساء ؟ الالتزام بالدين...وترك الغيبة والقيل والقال...والتوجه للامور المفيدة واللي تزيد الثقافه كقراءة الكتب والتصفح بالنت ...الخ تحياتي للطيبين... ***** |
السلام عليكم..
1- هل زرت مقام التلة الزينبية واين يقع ؟ نعم...يقع في كربلاء.. 2- صفي لنا مقام التلة الزينبية ؟ مقام مقدس ومبارك... 3- ماهو شعورك وانت تزورينه ؟ تذكرت سيدتي زينب عليها السلام في يوم عاشوراء...ساعد الله قلبها... 4- هل سمعت او قرأت عن كرامات للسيدة زينب ع ؟ نعم..سمعت كرامات سيدتي ومولاتي... 5- اذكري لنا نبذة مختصرة عن حياة السيدة زينب ؟ حياة السيدة زينب عليها السلام كانت حياة مليئة بالاحزان...ام المصائب زينب..فقد شهدت وفاة جدها رسول الله صلى الله عليه واله ... وايضا وفاة ابيها امير المؤمنين عليه السلام ...وكذلك وفاة امها فاطمة الزهراء عليها السلام .. ووفاة اخيها الحسن عليه السلام ...والفاجعة الكبرى التي كانت سبب وفاتها هي مقتل سيد الشهداء الامام الحسين عليه السلام..ساعد الله قلبكِ سيدتي ومولاتي .... 6- مامعنى اسم زينب ؟ معناه الشجر الحسن المنظر والطيب الرائحه... 7- كم عمرها عندما توفت وماسبب وفاتها ؟ اعتقد 51 بس ممتأكده....سبب وفاتها هو حزنها الشديد على مقتل الامام الحسين عليه السلام , وماحصل من مصائب بيوم عاشوراء 8- مااسم زوجها وماهي اسماء اولادها وكم عددهم ؟ زوجها عبد الله بن جعفر بن ابي طالب.. اولادها خمسة : علي ، وعون الأكبر ، ومحمد ، وعباس ، وأمّ كلثوم 9- اكتبي لنا خاطرة عن السيدة زينب ؟ ما اعرف اكتب خواطر.. 10 - لو التقيت بالسيدة زينب ماذا ستقولين لها ؟ اشفعي لنا عند الله يا سيدتي ومولاتي ... تحياتي للجميع.. |
كيف تتصرفين في المواقف التالية :
1- عندما تصيبك الانفلوانزا وعندك امتحان مهم؟ مرة وحده بحياتي صارت بيه انفلونزا بيوم الامتحان لمن كنت بصف الرابع الاعدادي ..طبعا كان عندي امتحان احياء واختي خطيه ساعدتني بالدراسه ... 2- عندما تسوقين سيارتك وينفجر الاطار الامامي للسيارة وانت بسرعة 160 كم ؟ انا ما اسوق سيارة ...بس لو فكرت اسوق ويصير بيه هذا الشي , أطلب مساعده من اي سايق..لان الرجال يدبرون هاي الاشياء ..النساء ميكدرون... بس اخاف تنكلب السياره ههههههه..يعني نطير انا والاطار ههههه 3- ماذا تفعلين عندما يتمرض انسان عزيز بمرض خطير ؟ اكيد ابجي لان ما اتحمل ...واظل ادعي حتى يطيب ويشفى ... 4- ماذا تفعلين عندما يزعجك رقم غريب ويتصل عليك كثيرا؟ انطي موبالي لاخوي او ابوي وهو يتفاهم وياه... 5- ماذا تفعلين عندما تريدين الذهاب الى الدوام وتجدين ملابس الدوام في الغسالة ؟ هاي الحاله مستحيل تصير ويايه ..لان انا من طبعي احضر ملابسي اللي البسها بالدوام من الليل ...واذا كانت تحتاج للغسل فأغسلها وانشفها واكويها واحطها بالكنتور ...هذا نظام حياتي من كنت بالابتدائيه..احضر كتبي وملابسي من الليل ...يعني الصبح من اروح للدوام كلشي جاهز ... 6- ماذا تفعلين اذا اعجب بك رجل من كربلاء ؟ انا ميهمني الانسان من يا بلد او يا مدينه ..المهم تتوفر بي الشروط اللي اريدها ...وماكو احلى من كربلاء مدينة الحسين عليه السلام... 7- ماذا تفعلين ان طلب منك زميلك ان تغششيه في الامتحان؟ مرة كان عدنا امتحان من كنت بالجامعه وبالصدفه كعد يمي طالب كسلان وشفته يحاول يطلب مني اساعده..انا بصراحه انقهرت عليه وفتحتله ورقتي وخليته ينقل هههههه.... 8- لو كانت احدى اقاربك او صديقاتك لاتلبس الحجاب فكيف تنصحيها ؟ النصيحه لازم تكون بالتأني...لان اذا اعاملها بطريقه غير لائقه او اجبرها اكيد راح تبتعد عني...لهذا لازم احببها بفكرة الحجاب خطوة خطوة..والحمدلله صديقاتي واقاربي كلهم محجبات... 9- لوضربك احدهم ولد او بنت امام الناس كيف تتصرفين معه ؟ اكيد ابجي لان هذا الموقف راح يكون جداً محرج...واحاول اخفي نفسي عن الانظار حتى لحد يشوفني لان ما اتحمل الناس تباوع عليه...بس ان شاء الله ميصير بيه هيج موقف لان يجوز تصير بيه صدمه ههههه لانه موقف كلش صعب... 10 - لوكان لديك خادم مصباح علاء الدين ماذا تطلبين منه؟ عندي هواي طلبات بس خليها ابالي... تحياتي للجميع.... |
السلام عليكم..
1- اي صفات بالرجل تحبيها؟ ذكرتها سابقاً.... 2-من هو الرجل الناجح ؟ الرجل اللي يهتم بعائلته ويعامل زوجته معامله جيده ويربي اطفاله على الايمان... 3- الرجال قوامون على النساء ماهو مفهومك لقوامة الرجل على المرأة ؟ يعني الرجل هو اللي يقوم بالعمل من اجل توفير المعيشه للعائله ..لان المرأة تعتمد على الرجل بحياتها وكذلك الاطفال...والرجل يكون اقوى من المرأة ويكدر يعمل بأي مجال مو مثل المرأة... 4- ماهو رأيك بالرجل في الوقت الحاضر بصورة عامة ؟ اشوف اغلب الرجال ميقدرون زوجاتهم.. اما بالنسبة للرجال اللي ممزوجين فيضحكون على البنات ..واكو بيهم يزوجون ويبقون يضحكون على البنات ..بس طبعا مو الكل.. 5- ماهو الزي الذي يعجبك ارتدائه للرجال ؟ القاط..والقميص والبنطرون.. 6- هل سبب انحراف المرأة وفسادها الرجل بما انه اب واخ وزوج ام المرأة نفسها ؟ سبب انحرافها يرجع للمرأة نفسها..لان هي بمقدرتها تمشي على الطريق الصحيح او تنحرف...بس المرأة الفاسده لازم اهلها او زوجها يشددون عليها حتى لا تضيع... 7- ماهي واجبات الاب تجاه ابنائه ؟ لازم يربيهم التربيه الصالحه ..ويوفرلهم المعيشه ...ولازم يعطف عليهم ...وطبعا هو المثل الاعلى الهم,,يعني اذا كان الاب انسان اخلاقه سيئة ويريد يربيهم تربيه صحيحه مستحيل ينجح...لهذا لازم يكون هو ذو اخلاق جيدة حتى يوفر بيئه نظيفه لاطفاله ,, لان الطفل مثل الورقه البيضاء وشنو يشوف راح يتعلم.... 8- اي سن افضل للزواج حسب رأيك للرجل ؟ 25 واكثر ... 9- صفات يحبها الرجل بالمرأة ؟ والله ما اعرف هههه... 10- مارأيك بتعدد الزوجات للرجال ؟ والله بصراحه ما احبها الا في بعض الحالات..مثلا الزوجه ما تقدر تنجب الاطفال ... تحياتي للجميع.. |
| الشبكة: أحد مواقع المجموعة الشيعية للإعلام الساعة الآن: 03:38 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2024