قصيدة مدح الامام علي ( عليــــــــــــــه السلام)

[عاشق الامام الكاظم]

الشاعر عريان سيد خلف

جيت اوصفك و بقاوافيي اعتينيت و عشر من عشر العشر ما وصفن

شرد اوصفك وانته ابن عم الرسول وانته تشهدلك يا علي سوح المحن

اتصير كلك سيف لو صار النـزال و اليجيك ايحضر الروحه الجفن

منهو مثلك يا علي انطرله الجدار و بيك انتخن بالطلوك العسرن

حته امك يا علي تتنخه بيك بيك تطلك و انتخت يا ابو الحسن

...................

انته من صغرك علي ما خوفوك تكطع ايده اليريد من عندك دمه

نمت و بفراشه وجنت بعدك صغير و تدري هليله قريش تداهمـه

بيك عرفو يا علي و ما داهموك جبل وشلون المعاول تهدمــه

كراب صارتله الجماجم ذوالفقار في بدر ياحيدره و تكطر دمه

وبأحد دين النبي سيفك حمـــاه و انته سيف الله ياهو اليثلمه

وابن ود العامري يوم اعتناك النبي ناده الجليل و كلمه

ان شئت تعبد و ان شئت تموت وجانت الضربه العضيمه الحاسمه

خيبر تعرفك بكرار الحروب مرحب بسيفك كدرت اتحاكمه

انته بيرغ يا امير المؤمنين و نعمه للاسلام من رب السمه

انته رباك النبي الهادي و بخبزته و مايه جنت اتجاسمه

كبرك و انطاك من صلبه البتول و انته تستاهل يحيدر فاطمه

.....................

و انته باقي وشماتمر بيك السنين علم و اوتاد الارض ذريتك

حكه اذا كاع النجف تتباه بيك والف خيعونه الصابح كبتك

لان امك دون كل العالمين انشق جدار الكعبه اله و جابتك

مدري يطلك بيك و انشق الجدار مدري بطن امك يحيدر طلكتك

[دمعة فاطمه]

قصيده رائعه جداً
تسلم ع الطرح المؤفق
يعطيك العافيه
تحيتي

[عاشق الامام الكاظم]

قصيده رائعه جداً
تسلم ع الطرح المؤفق
يعطيك العافيه
تحيتي
ربي ايسلمكي يا اختي ويحفضكي من كل سؤ

[نسايم]

http://www.kawakb.com/gal/0/72b3bc9189.gif

[حب حسين جنني]

يعطيــــــــــــــــــــــــــــــك العافيه خيووووو ولك مني الشكر المعطر بالياسمين والجوري

[عاشق الامام الكاظم]

http://www.kawakb.com/gal/0/72b3bc9189.gif

ربي ايعافيكي يا اختي
مشكورة على المرووررر

[عاشق الامام الكاظم]

يعطيــــــــــــــــــــــــــــــك العافيه خيووووو ولك مني الشكر المعطر بالياسمين والجوري
الشكر ليكي يا اختي
لمروورركي العطر المنور