احمد العراقي
15-08-2008, 03:42 PM
موعود عدل الله
ظلام ابلا خجل ما يعرف الگمره
خذه ابصدره السنين وما طلع فجره
طوه ابممشاة جدمه اهموم يابو اهموم
وايدوف الفرح وايخالطه ابعسره
يسد عين الشمس وايفل اخيوط النور
وايخلي الغيوم امسيّره ابـ شرّه
يهد خيله المجمحة الما تعرف اتهيد
اتغير ابنايباته وما ترد امره
نصب سلطان جوره ابدنية الباغين
واجفوف البغايا اتطبل لنصره
نصر مزعوم نصره ابجيش ما بيه شوف
بزمام الرذيلة المحتوي ايجره
ظن ساد البطل والحگ اتضايگ بيه
خمّد موج بحره وزلزلة ابـ برّه
لجن هيهات يصبح ما يريده ايصير
واعلام الهداية اتلوح بالبشره
تبشر بالفرح وابنور يحيي الكون
يطفي اعيون شره الرفضت اتبصره
يدك صرحه البناه وداره بيه اسنين
واينكّس لواءه ويقتلع جذره
نور اعظم فرج موعود عدل الله
الترد بيه الحقيقة اشعاعها اتنشره
يهزه اشما يمر طاري الـ نصف شعبان
لان يعرف منيته ابطلعته الغره
بگه يناطر مماته احساب يوم ابيوم
بيه يعلم يزول ويندفن عصره
خيّم ما رحمنه او احنه مكسورين
يكسر ما نجبره ونرجع انجبره
صبرنه وما جزعنه ابرجوة المأمول
لمصباح الاماني الحامله انّطره
يشگ ستر الظلام الباگ منّه النور
والغيم الثجيل الفوگنه ايفسره
ظلام ابلا خجل ما يعرف الگمره
خذه ابصدره السنين وما طلع فجره
طوه ابممشاة جدمه اهموم يابو اهموم
وايدوف الفرح وايخالطه ابعسره
يسد عين الشمس وايفل اخيوط النور
وايخلي الغيوم امسيّره ابـ شرّه
يهد خيله المجمحة الما تعرف اتهيد
اتغير ابنايباته وما ترد امره
نصب سلطان جوره ابدنية الباغين
واجفوف البغايا اتطبل لنصره
نصر مزعوم نصره ابجيش ما بيه شوف
بزمام الرذيلة المحتوي ايجره
ظن ساد البطل والحگ اتضايگ بيه
خمّد موج بحره وزلزلة ابـ برّه
لجن هيهات يصبح ما يريده ايصير
واعلام الهداية اتلوح بالبشره
تبشر بالفرح وابنور يحيي الكون
يطفي اعيون شره الرفضت اتبصره
يدك صرحه البناه وداره بيه اسنين
واينكّس لواءه ويقتلع جذره
نور اعظم فرج موعود عدل الله
الترد بيه الحقيقة اشعاعها اتنشره
يهزه اشما يمر طاري الـ نصف شعبان
لان يعرف منيته ابطلعته الغره
بگه يناطر مماته احساب يوم ابيوم
بيه يعلم يزول ويندفن عصره
خيّم ما رحمنه او احنه مكسورين
يكسر ما نجبره ونرجع انجبره
صبرنه وما جزعنه ابرجوة المأمول
لمصباح الاماني الحامله انّطره
يشگ ستر الظلام الباگ منّه النور
والغيم الثجيل الفوگنه ايفسره