المساعد الشخصي الرقمي

مشاهدة النسخة كاملة : مسابقة المحاورة بالدارمي

شجر الاراك
13-01-2011, 01:56 PM
السلام عليكم اخوتي الكرام

اود ان اطرح لكم فكرة المحاورة بالدارمي كل يعضو يكتب بيت من الدارمي ويكون الرد من العضو الذي بعده سوى كان العضو من يكتب او احد الشعراء وياحبذا يكتب اسم الشاعر الذي كتب الرد للحفاظ على حقوق الشاعر بارك الله بكم


سابدأ بهذا الدارمي



أسأل واريد أجواب شيسوي عباس


لو كبله طاح حسين و أيشوفة ينداس

كاتب الدارمي هو
الشاعر القدير
السيد عدنان الحمامي
ثورة الحسين
14-01-2011, 10:09 PM
وهذا جوابي بالدارمي
ـــــــــــــــ
عدوان الاجت لحسين مد بعده مد
بس عضيد حسين واكف عله الحد
ـــــــــــــــــــــــــــــ
بقلمي خادم اهل البيت(ع)
(عبدالله الشاعر)
رياض الرسل
15-01-2011, 10:52 AM
لو شاف اخوه حسين بالحومه ينداس
يــوم القـيـامـه بـزود جا سوه عـبـاس


رياض الرسل
شجر الاراك
15-01-2011, 05:59 PM
لوباقي للعباس جف واحد وشوف
جاجاب النهر لحسين بجروفه مجتوف
رياض الرسل
16-01-2011, 12:58 PM
لو باقي للعـباس جـف واحـد وبس
جا سوه كل الجيش بصبعه محبس


رياض الرسل
شجر الاراك
16-01-2011, 07:23 PM
لو حاضر العباس بجتلة عضيده
جان السمه اعله الكاع يكلبه بيده
بنت الغالين
16-01-2011, 07:38 PM
لو كان عباس موجود وماطاحت الرايه والجود
جان سلم حسين وانفنت كل هالقوم من الوجود
ثورة الحسين
16-01-2011, 10:10 PM
لوباقي للعباس بس اصبع بجفه
جاكل الحارب حسين بصبع يلفه
ـــــــــــــــــــــــــ
بقلمي خادم اهل البيت (ع)
عبدالله الشاعر
شجر الاراك
16-01-2011, 11:58 PM
لكم هذا الدارمي واعتذر لمن يقرأه
لوباقي للعباس جف واحد وعين
جل خله ملك الموت يركع للحسين
ثورة الحسين
17-01-2011, 10:28 PM
صح ماعنده جفين بس عنده زندين
بيهن جاب الحارب حسين ومجتفه مرتين
******
صح ماعنده جفين بس عنده عينين
بيهن جاب الحارب حسين ومجتفه مرتين
******
صح ماعنده جفين بس عنده رمشين
بيهن جاب الحارب حسين ومجتفه مرتين
******
صح ماظلت اجفوف بس ظلت ارموش
بيهن حارب للحسين وصد الجيوش
******
صح ماظلت اجفوف بس ظلت اعيون
بيهن جاب العدو لحسين وحاله مهيون
ــــــــــــــــــــــــــــــــــــ
بقلمي خادم اهل البيت (ع)
(عبدالله الشاعر)
ثورة الحسين
17-01-2011, 11:31 PM
مارايد العباس جف واحد وعين
من يومه ملك الموت راكع للاثنين
ـــــــــــــــــــــــــــ
بقلمي خادم اهل البيت (ع)
(عبدالله الشاعر)
شجر الاراك
18-01-2011, 11:17 AM
والنعم من عباس من راعي الزود
بكلشي وفه للدين واخرهن ازنود