مسلسل دارميات(روحي علفكَد احسين)(ع)

[ثورة الحسين]

بسم الله الرحمن الرحيم
ـ ـ ـ ـ ـ ـ ـ ـ ـ ـ ـ ـ ـ ـ
دارميات
ــــــــــــ
روحي علفكَد احسين ماتشرب الماي
اذكر رضيع احسين وتشتعل نار اجلاي
*********
روحي علفكَد احسين ماعافت النوح
وللعليل اتشوف اليوم وي عمته اينوح
*********
روحي علفكَد احسين تلطم الخدين
وزينب الزهرة هاي وتهمل العين
*********
روحي علفكَد احسين ماعافت الهم
ولصياح الاطفال اليوم بس اسجب الدم
*********
روحي علفكَد احسين نامت بالطفوف
وهاذه جسم العباس جاوين الجفوف
*********
روحي علفكَد احسين ماعافت الون
ولصياح مهر احسين اعيوني عمن
*********
روحي علفكَد احسين ماسكتت اتلوع
تذكر راس احسين فوك الرمح مرفوع
*********
روحي علفكَد احسين ماتقبل اتنام
مااذكره نامت يوم من نار الخيام
*********
روحي علفكَد احسين نامت بالاشموس
جلد وعظم ظليت من حركَت الروس
ــــــــــــــــــــــــــــــ
بقلمي خادم اهل البيت(ع)
(عبدالله الشاعر)

[شموخ كربلاء]

السلام على الحسين وعلى اولاد الحسين
عظم الله اجوركم
واثابكم الله لكل كلمه كتبت هنا
تحيتي وسلامي

[الروح]

عظم اللهُ أُجوركم
ورزقكم زيارة الحُسين في الدنيا
وشفاعتهُ في الآخرة
إمتناني وتحيتي

[والي مطر]

عظم الله لكم الاجور

عبد الله الشاعر موفقين لكل خير .. اجركم مسدد

[رياض الرسل]

طيب الله انفاسك
موفق موفق

[ثورة الحسين]

شكراً لردك الرائع والجميل اثابك الله خيراً بحق الحسين (ع)
اخوك الصغير
(عبدالله الشاعر)