قصيدة (تاريخ ابو السجاد)

[ثورة الحسين]

بيدك صحايف مجد ,,,,,,,, لو تدرس محتواها
تاريخ ابو السجاد ,,,,,,,, والتضحيه معناها
لوالي الكفر صدر يزيد اكتاب
ياخذ البيعه ويحسب احساب
وصار السيف لحسين محراب
رفض ابو السجاد ,,,,,,,, وللتضحيه ناداها
,,,,,,,,
احسين شاف دين جده احكامه اتغيرت
والمجتمع صار معكوس وحاله ادهورت
بدمه اصلاح الدين والحاله اطلبت
لكربله ضعنه سار ,,,,,,,, واهل الظلم ناداها
,,,,,,,,
اهدافه كتبهه وسجلهه مرسوم
منريد ظالم بعد ومنريد مظلوم
اهدافه ترفض كل طاغيه ومدعوم
اهدافه ترفض اشرار ,,,,,,,, حضن الحقد نماها
,,,,,,,,
الثورة صارت حقيقه ضد الظلام
مايبايع اشرار ودينه دين السلام
ثار ضد الاحقاد ورجع هيبة الاسلام
ثورته صرخه ادوي ,,,,,,,, هالثوره ما احلاها
,,,,,,,,
فكرة الثوره عد احسين انرسمت
واقطاب اهل الكفر بيهه انعرفت
من عدهم الاف الكتب لحسين وصلت
اكثرهه اقدم يحسين ,,,,,,,, والبيعه تلكاها
,,,,,,,,
اهدافه كتبهه وسجلهه بالدم
لا للجهل لا للظلم صارت مشعل
التاريخ خلدهه وصارت معلم
علمت كل الثوار ,,,,,,,, صرخه سواها
,,,,,,,,
ابليله ويوم صار الامر معكوس
والكالو نفدي الروح ونكَطع الروس
اتخاذلم عن هالموقف وصارو انصوص
سبعين وي احسين ,,,,,,,, والباقي الطمع ذلاها
,,,,,,,,
اتعنه ابو السجاد لكَبر جده
ايودع رسول الله وكف يمه
احسين اصلاح الدين كل همه
شجاعه الكرار ,,,,,,,, لكربله وداها
,,,,,,,,
جيت اودع جدي وابين الاسباب
صار دمي مطلوب وسدو الابواب
ميصير الاوصياء تقبل ابحكم الغاب
ماتقبل روحي ابذل ,,,,,,,, ماترضه روحي حاشاها
,,,,,,,,
امتك جدي بعدك صارت تقبل الجور
وحكمهه صار بيد ابن اللعين المغرور
ماكو غير احسين ضد الظلام ايثور
ثورة احسين صرخه ,,,,,,,, ادوي طول الدهر خلاها
,,,,,,,,
ثورة احسين عادت للدين اسمه العلم
اسمه الاسلام رده ابنحر السهم
من ثورة احسين زين اتعلم
الدين ماضاع ,,,,,,,, وحسين ابسماها
,,,,,,,,
جده ايناديه يحسين ضحي ابدمك
لايرهبك سهم اليوكَع ابنحرك
رب العرش والجنه تنتظرك
اقدم يحسين ,,,,,,,, روحك للجنه هواها
,,,,,,,,

بقلمي خادم اهل البيت (عبدالله الشاعر)