كل مايجي عاشور نرفعلك الرايات

[ثورة الحسين]

دارميات

كل مايجي عاشور نلبسلك السود
وحزنك يبو السجاد بالكلب موجود


كل مايجي عاشور نرفعلك الرايات
ورايات ابو السجاد نرفعهه بالهامات


كل مايجي عاشور ننصبلك اكدور
ونطبخ لبو السجاد ونوزع انذور


كل ما اقره قران هلة دمعة العين
اذكر ابو السجاد والطم على الخدين


حسين ابو السجاد منجم الطيبات
ضيف اليمر بيه لازم ايبات


ومضه

شد رجلك ابحلكك لو رحت مشاي
كل خطوه الك تتسجل ابهوسه
لان جنة عدن درب حسين
تفرح ابزاير حسين الجنه وتبوسه


ابوذيه

اذا ما ازور حسين بروحي ...........وعيد
وبفراك حسين فرح مامر .............وعيد
وبمصايب حسين بس احسب ............وعد
اعد بيهن والعن كوم اميه


بقلمي خادم اهل البيت عبدالله الشاعر

[والي مطر]

السلام عليكم يامن سكنتم كربلاء منذ أن قررت بكم الانتماء... عبد الله الشاعر احسنت ..مودتي

[ثورة الحسين]

شكراً لردك الرائع والجميل وجعلك الله من اصحاب الحسين (ع) تحياتي
اخوك الصغير (عبدالله الشاعر)(بغداد)

[ابن الشاعر]

بارك الله فيك اخي عبدالله
تقبل الله منك باحسن قبول
وحشرك الله مع سيد الشهداء
لكم اسمى تحيه وجزيل الشكر
اخوك ابو مهدي

[علي البههادلي]

احسنتم وجزيتم خيرا عزيزي
ماجورين وموفقين لكل خير بمحمد وال محمد
تقبل مروري المتواضع

[ثورة الحسين]

شكراً لردودكم الرائعة والجميلة يا(علي البهادلي)و(ابن الشاعر) المحترمين تحياتي
اخوكم الصغير (عبدالله الشاعر)