المساعد الشخصي الرقمي

مشاهدة النسخة كاملة : يبو الكاظم ع , لمولاي جعفر بن محمد الصادق ع


رحيم الحسناوي
06-10-2010, 01:39 AM
يبو الكاظم على مصابك ونيني يطول ... وعلى الداست عليه بالغاضريه خيول

تهد حيل القلب يا سيدي الوننه ... وعلى كبرك يجعفر روحي تتعنه

وعلى الداست عليه بالغاضريه خيول


ــــــــــــــــــــــــــــــــــــــــــــــــــ ــــــــــــــــــــ

بجينه وما تلم دمع الموالي بحور ... بيت الزهره بين مسمم ومنحور

يبن من هد على روس الطغاة قصور ... ينعالك قلب رغم البعد ويزور

بخيت اليوصلك وبعطرك اتهننه ... وعلى كبرك يجعفر روحي تتعننه

وعلى الداست عليه بالغاضريه خيول

مصايبكم فلا صارت ولا دارت ... عليكم ال اميه ومن تبع جارت

اذكرك عالعقيله الدنيه من غارت ... صفت بين الجثث والمشرعه احتارت

تنادي من الاهل مامش بعد ضننه ... وعلى كبرك يجعفر روحي تتعننه

وعلى الداست عليه بالغاضريه خيول

لكيت المر عليكم عالعجب اعجب ... بعض منكم يسير وبالنعش ينسب

وبعض بحشاه سموم اهل الغدر تلهب ... بعض بالغاضريه بدمه مخضب

وشمت راس النفاق بيومك وغننه ... وعلى كبرك يجعفر روحي تتعننه

وعلى الداست عليه بالغاضريه خيول

منو غير الحياده الينذر سنينه ... ويسد عين الشمس بمحمد ودينه

ويذل اهل الكفر ويدوس اعادينه ... الاهي اشهد لابو اليمه موالينه

ونضل نصرخ فده احنه لسيد الجنه ... وعلى كبرك يجعفر روحي تتعنه

وعلى الداست عليه بالغاضريه خيول

يطويات الهظم ومكدرات البين ... ما يبره الحزن لام الحسن وحسين

حك منهه انغصب ومهشمه الضلعين ... وبضربة حقدهم دم تهل العين

طيور الجنه محسن حيل يبجننه ... وعلى كبرك يجعفر روحي تتعنه

وعلى الداست عليه بالغاضريه خيول
رحيم الحسناوي

صبر الحوراء
06-10-2010, 02:13 PM
السلام على مولاي جعفر الصادق(ع)


http://4upz.almsloob.com/uploads/images/www.almsloob.com-df03f3f613.gif (http://www.almsloob.com/vb/)

القاسم بن الحسن
06-10-2010, 06:05 PM
السلام عليكم ورحمة الله وبركاته
اللهم صل على محمد وآل محمد وعجل فرجهم
رحم الله والديك أخي الموالي وخادم أهل البيت (ع)
رحيم الحسناوي
على الكلمات الجميلة والمؤثرة
جعلها الله في ميزان حسناااااتك
وزادك الله علوا وشأنا بحب الآل (ع)
وأسأل الله العلي القدير أن يقضي لك جميع حوائجك
وأن يسدد خطاك
ويجعل لك في كل خطوه حسنه
وصل اللهم على محمد وآل محمد وعجل فرجهم
وأهلك أعدائهم وانصرنا بهم يالله
أختك القاسم بن الحسن