[خالد محمد مهدي]

(( ترابه))



حسين الروح وعيوني ترابــــــــــه
الشفه بصحنه وتحت كبته وترابه
النكر فضله وجحد حقَّه ترابــــــه
عرك شجرة أبن هند الدعيَّه
*************

((بجتلهه))

الدهر فوك الحزن هم بجتلهه

حبيبي حسين نادت بجتلهه

وأرض وسمه حنَّت بجتلهه

حته الصخر دم دمعه المسيه

****************

((جنَّه))
الموالي حب علي والزهره جنَّه
حور العين يوم الحشــــــر جنَّه
وخَــــذَن بيده السرورالدار جنَّه
ورك شجره بغصن حامي الحميه
*****

((نحل))

عله بابك يتامه ياعلــــــي نحل
وطوك همومنه يم صحنك نحل
مشاكلهه النواصب دومنه نحل
بسماحة طبعك وطبع الزجيَّه
***********
((مايه))
-------
الخدر وخيمتي تسألني مايــــه
وكلوب العطاشه تريد مايـــــه
اخوي وبيه اعرف شنو مايـه
بغير الجود مايرجع عليَّ
*************
((منحاز))

يامبغض أنشدك نحره منحاز

دنيــــه وآخره بمحبته منحـاز

شلون تريدنـي لحسين منحاز

فدايه أرواحنه لبن الزجيه

*******************
((ولتهمنه))
عمه بعيــن النواصب ولتهمنه
اشما تحجي أعله حبنه ولتهمنه
جيب بنـــــــــار حقدك ولتهمنه
سلام وبرد بسم أبن الزجيه
--