[عدنان منعم]

بس تعال وماريد اليوم ماي .. الشماته والحجي صاير هواي
اعطش الشوف الولي ..انته ياضنوة علي
يل شوفك عذب ياخوي تروى بشوفتك روحي
شنهي الماي عوف الماي رد وداوي جروحي
علا زينب ودي هالنوح وللعبـــاس كل نوحي
يبو طول العذب وينك انته التحمي ا صروحي
انته عندي الماي يانبع الحياة .. ردتك لزينب تجي وكت الممات
اعطش الشوف الولي ..انته ياضنوة علي
نبع للخوه ياعـــباس كوثر تروي كل ظامي
وصارت كربله جمره وعطاشه تصيح كدامي
كلها تصيح عمه المــــاي بعاشر كربله الدامي
ياكل امان انته رحــــــــت وانهجرت احلامي
اه يالنارك صفت بيه سريه ..هدمت روحي يخويه الغاضريه
اعطش الشوف الولي ..انته ياضنوة علي
من اعطش كرهت الماي انظر طيحت جفوفك
وتمنــــــــــيت اندفن وياك يخويه وابد ماعوفك
كل الغاضريه انته ويغطي الكون معروفك
اعذرك يانبض كلبي ادري تصعـــــب اظروفك
لوعه بيه وتبقى مادار الزمان .. ياخو روحي انته لكليبي امان
اعطش الشوف الولي ..انته ياضنوة علي
ربيتك يضي عيـــــــني ممتعوده افراكك
عوف الماي كل الماي ماتحـــــمل اغيابك
الدنيه ورحت ياعباس رد بلهفه لحــــــبابك
ومن ارجع يناشـــــــــــدني عنك يانفل بابك
اشلون ارجع وانته ماتحدي الظعينه .. يعني معروفه يبو الغيره انولينه
اعطش الشوف الولي ..انته ياضنوة علي

ربيت وصرت وي روحي واحسك ناظر عيوني
من ارجع شكل للنـــــــــاس عنك من ينشدوني
اكلهم عالنهر مطروح وسوط الــــــشمر بمتوني
ويمه مكطعه جفوفه واســـــيره بدونه تدروني
يلي بيتك عالنهر والله مصيبه ..والكفيل الرايح يايمه شيجيبه
اعطش الشوف الولي ..انته ياضنوة علي
عباس الكمر والجـــــــود وظلت عالنهر رايه
انطبع بالساري جف عباس وحافظ بيها جم ثايه
الرايه تناطر المحجوب المهدي الامل والغايه
وخلها تســـــولف العدوان عدوانك تره هوايه
راية العباس والسيف بيمينك ..وادري للرايه يظل زايد حنينك
اعطش الشوف الولي ..انته ياضنوة علي
خادم الحسين .. عدنان منعم