[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

الزمــــــــان الأعمـــــــى ( تجليبه في إستشهاد الكرار عليه السلام )
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــ
واويلاه غاب الحامي === واويلاه والحگ دامي
ــــــــــــــــــــــــــــــــــــــــــــــــــ ــــــــــــــــــــ
زمان أعمى إو مشه يختار كل أطهر == فجعنــــه بالتقــــي الصابر علي حيدر
ـــــ
فجعنه إو ما بعد نلگه مثل مولاي == قرآن إنذبــــــح ينطق سور والآي
معين الحـُب يفيض الخير زاد إو ماي == فگدنـــــــــــه الراي والأحسان والمنبر
ــــــ
روحي ذايبه إبحبــّه أبو الأيتـــــــــام == ذاك العــَلْ ظلـــــــــم عينه أبد مـَتــْنام
تريد الروح شوفة حيدره الضرغام == تــِتــْكحــّل عيونــــي إبشوفة الأزهر
ـــــ
جسمي راكع إويه الروح يــِتــْكلــّم == مثلــــــچ آني أحب المرتضه وأعلم
مـُحب حيدر ينال الخير والمــَغـْنــَم == يعبـر للصراط إو بالحشر يــِفـــْخــَر
ـــ
هنيال الجسم والروح لو ذابـــن == وإبحب الوصي ياصاحبي إنصابن
حتما بالحشر والخوف يرتاحن == بالمحشـــــر يــُمرّن راح بالكوثر
ــــــ
بالمحشر يــِدَلــّينه إو أبد مــَنــْتيه == ولاية حيدره صك إو أمان البيه
فطام إمن اللظه والشيعي يمشي إعليه == يدخـــــــل للجنـــــــان إو يشتم العنبر
ـــــ
يدخل للجنان إو وَيْ علي الكـــــرار == يشوف الشافعه بنت النبي المختار
يشوف المجتبه وإحسين أبو الأحرار == يشــــوف الخير والنعمه إو أمل أكبر
ــــ
يشوف الخير والنعمه تحل تـــِحـْييه == شــُربة ماي طيبه حيدره يسگيــــه
والزهره الشفيعه فاطمه إتهنــّيــــــه == شيعي إو جعفري إبحبك علي أبحر
ـــــ
شيعي إو جعفري ما أنسه آهاتك == يبـــــو الحسنيين بالدلال جمراتك
جمرات المصاب إو فيض عبراتــك == ما أنسه الملك جبريل من كبــــّر
ـــــــ
ما أنسه المرادي إو طبرة الهامه == ما أنسه الحسن وإحسين وآلامه
محرابك بچـــاك إو ودّع أيـــّامـــــــــه == وإبدمــّك صبغ ثوبه إو غده إمعفـــّر
ـ
وإبدمّك تهدّم حاير الأســـــــلام == والقرآن ينزف مثلك إو مـُنضام
وأركان الهـُدى إنـَهـِدْمـَت تنادي الهام == ياهـــــــام المعالي إشلون تــِتــْطــَبــّر
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldg5r40724.mp3.html

[حسين ال دخيل]

بارك الله فيك
في ميزان حسناتك