[عشاق المفيد]

صرنه واجب نستعد . راح مهدينه يرد.
حي على الظهور.
،،،،،،،،،،،،،،1
اقترب مهدينه ظهوره. وصحنه بيه كل الهله.
يطلع بعاشر محرم. . واللقاء بكربله.
من يقرر بيده ياخذ . ثار الحسين وهله.
انصير كل احنه جنوده. . من يقود القافله.

من بعد طول البعد. راح مهدينه يرد.
من نلطم الصدور. حي على الظهور.
،،،،،،،،،،،،،،،2
وراح مهدينه يصلي . بدار امه فاطمة.
ايسوي وصط الدارمجلس . عالظلع ويكلمه
ايگله ياضلع الزچية. . الثار گرب مقدمة.
مايضل بالدنيا ظالم. . دولة الحق قائمة.

ماتضل اهل الحقد. راح مهدينه يرد.
نفديله هالنحور. حي على الظهور.





،،،،،،،،،،،،،،،،،3
الغايب ايلوگ بيمينه. . سيف حيدر لوظهر.
وخاتم سليمان بيده. وعصى موسى وچف گمر
ومن قميص حسين يلبس. سابح بدم النحر.
ناكع بدمعات زينب. . هالقميص وبيه اثر.

الدمعة بعيونه نصد. راح مهدينه يرد.
خل تسمع القبور. حي على الظهور.
،،،،،،،،،،،،،،،،4
ليش مانگدر نشوفه. عنه يحجبنه الذنب
اذنوبنه غيمه وخلفهه. ابو صالح منحجب
لجله خل نستفغر أحنه . وننتظر اغله محب.
بنور وجهه الكون يضوي. ومن جماله ننعجب.

الريحته اشتاگ الورد. راح مهدينه يرد.
من نشتم العطور. حي على الظهور.
،،،،،،،،،،،،،،5
والبچي اعله حسين عنده. فرض ماينعاف ابد.
بالمواكب كلهه حاظر. ويعرف اشگد العدد.
بالظهور شراح يقره. لون عالمنبر صعد.
يقره زينب ياغريبة. مصاب زينب ماله حد.

والينصرونه الحشد. راح مهدينه يرد.
ويعظم الأجور. حي على الظهور.
،،،،،،،،،،،،،،،،،،،،،
. حيدرموسى الرميثي