[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

حــُبــّك مـِلـَك روحــــي ( تجليبه في إستشهاد الكرار عليه السلام )
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ
ما نـِنــْســاك ياوالينــــه === واليـِنــْساك ضايع دينه
ــــــــــــــــــــــــــــــــــــــــــــــــــ ـــــــــــــــــــــــــــ
حيدر ياقسيم النـــــــــار والجنــّه == بالمحشر إلك مولاي نـــِتــْعـَنـّه
ـــــــ
بالمحشر إلك كل النظر مشبــــوح == إذا ما تنظر إبعينك لوين إنروح
مـَحـَبـْتـَك سيدي مطبوعه ويــّه الروح == والحــَبـّك أبــــد ما خــَيبــّت ظنــــّه
ـــــ
وظنــّك ما تعوف الحــَبـّك إو مفتون == وإبحـُبــّك تحمـّل كل ظلــــم ملعون
يسمـّوني يحيدر بالهوى المجنــــــــون == لأن حـُبـّك مِــلـَك روحي إو أله رنـــّه
ـــــ
لأن حـُبــّك مـِلـَك روحي يحامي الجار == يلومونــــي نواصب وإنعموا أشرار
ما عرفوا معينك سيدي الكــــــــــرار == ما يــَنــْضـَب أبد مهما خذوا منـــّه
ــــ
ما يــِنـْضــَب معينك يا أبو الحسنييــــن == وإعلومك تفيض إو غــَطــّت الصوبين
ما تحصي الأنس والجن ينور العيـــــن == ما يوصل جــُرف بحرك بشر فــَنــّه
ــــــــ
ما يوصل جـُرف بحرك بشــــر مغـرور == بس أحمد عرف شخصك يشع بالنور
والوالاك ياحيدر يظل مســــرور == يلسيفك عالأشرار ما ثـــَنـــّه
ــــ
يلسيفك على الأشرار ينــــــزل داي == حــُفظت الدين والأيمان ياحـَمـّاي
شلون السيف يطبر هامتك مـولاي == والأسلام يبگـــه إعليك بالونــــّه
ـــــ
والأسلام يبگه إعليــــــــــــك بالآلام == والأيتام تبچــي إعليك ياضرغام
والمحراب نادى إبصوت يامقدام == بعدك ياعلي يايوم أتــْهــَنـــّه
ـــــ
بعدك ياعلي نـــِتـــْنــَطــّر الغايـــــــب == وإبيوم الفرج ينهي العدو الناصب
نـــِظل نهواك يامولاي وإنحارب == ويــّه المنتظر ناخذ عزم منـّه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldpis53067.mp3.html

[حسين ال دخيل]

احسنت وبارك الله فيك
رمضان كريم