بسم الله الرحمن الرحيم
اللهم صل على محمد وآل محمد وعجل فرجهم
أنــــــوار الحســــن - نصاري ( مواليد )
ــــــــــــــــــــــــــــــــــــــــــــــــــ ــــــــــــــــــــــــــــ
إجينه نحتفل نفرح إجينه === أنوار الحسن هلـــّت علينه
ــــــــــــــــــــــــــــــــــــــــــــــــــ ـــــ
تهانينا المحمد والزچيـــّه == تهانينــا العلي حامي الحميّه
صارت دنيتي گمره إو زهيّه == لأن شــع نور مولانه إو ولينه
ــــ
لأن شع الحسن بالكون يضوي == فرحنـــــه والفــــرح أرواح يروي
تظل روحي تحبهم دوم تحوي == عشـگ لولاد أبو الزهره نبينه
ـــــ
عشگ لبن المجد والخير والجاه == يظـــــــل موجود بالدلال مثــــــواه
أبو إمحمّد أبد هيهات نـــِنـْساه == إمـــــــام إو نبعه من حيدر علينه
ـــــــ
إمام إو نبعه من حيدر حــَسـّنـَه == شفيـــــع إو بالحشر يمــّه أملنـــــه
بلا حــُبــّه فلا ينفع عملنـَه == كريـــم إو جود ناخذ من يمينه
ــــ
كريم إو جود مليانه چفوفه == والسائــــل يعينه إو ما يعوفه
يجي يمــّه الغريب إيزيل خوفه == هذا المُجتبـــــــه إو هذا مـَعينـــــه
ـــــ
هذا المـُجتبه نعمة إلهي == هاليــوم إنولد وإنزاح آهي
حگنــــه بالحسن نفرح نباهي == أوّل كوكـــــــب إيــْضـَوّي المدينه
ــــ
أوّل كوكب البيت الرسالــه == ما أحلاه ما أبهى جماله
إحتار العدو إبطيبه إو كمالـــــه == هـَلـَه إو ميــّة هـَلـَه إبطلعة جبينه
ـــ
هــَلـَه إو ميــّة هـَلـَه إبنور الأكارم == تعـــال إو إحضــــــر إويانه يقايـــــم
نغيض إعداك وإنهنــّي الهواشم == إلك يبـــــن الحسن نرفع إدينــــه
ـــ
إلك يبن الحسن كــُلها التهاني == ظهـــــورك سيدي فرحه إو أماني
أظل أهواك ولنورك أتانـي == تجينه إو ينتهي أهل الضغينه
ـــــ
تجينه إو من تجي تتواله الأفراح == من أرض البقيع الضيم ينـــــــــزاح
صرح للمـُجتبه نبنيه فوّاح == نزوره إو تنظر الزوّار عينـه
ــــــــــــــــــــــــــــــــــــــــــــــــــ ــــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dld4by23009.mp3.html
أنـــــــــوار الحســـــــــن عليه السلام
العرض العادي
