[خالد محمد مهدي]

لسان حال العقيله مع اخيها العباس عليهما السلام ((4))

*****************************

للطف اگصد وياك ** عهد اتردني حماك

البينك وبيني

ياضوه عيني****** عهد اتردني بحماك

*******

عهد عندك وادري بعهدك اتوفــــي **اضل يمك ولحظه عني ماتجفــي

يخوي بعازتك لمصايبي التلفــــــــي**وخلاّه ابونه چفك ابجفــــــــــــي

يعرف بيك غيره البيك ألي تگلـــــي**وغيضك ناربالطف يشب مايطفي

طلعي بحمايه** سترچ الرايه **ومأمنه بيمنا ك

********

حده بضعن الشهاده گاصد أرض الطف**يساره يمينه رايه سيف وگفن صف

بين اللحظه واللحظه الهمومي كـــــــف**ها يازينب اتناشدني عين وچـــــف

أستجن گلب عله گلبه والرمش مــارف**حته العاشر بعدوانّه التصطــــــــف

نامي بخيامي** أبسدّ فيّه نامي ** برحمة رفت الواك

*******

ناده حسين يعضيدي اعتني الگـــــــــوم**زاد التقوى نتزوذّه لاخر يـــــــــــوم

باجر يبوفاضل الگمر ونجــــــــــــــــــوم**اضاحي عله الغبره للصلاه والصوم

خليّه من النحل يحرم علينه النـــــــــوم ** والغربان وجه الصبح كلهـــا اتحوم

يلّه العزم بأمرك **واتحزم بصبرك**وراوي الموت لعداك

**********

طلعت الموت ويمنيك وحد السيــــــــــف **من اعدانه ياساقينه تاخـــــذ حيف

وترد بچفوفك الفرحة ونسمة صيــــــــف **ياأجمل أمل فسّــــــر حقيقة طيف

ستري هيبتك **خدري رايتك **شلون أرجع بليّاك

*********

لاتحسب دمعتي من جرت بعتــــــــــــاب **من بابي خذتــــي ردني يم البـــــــاب

تناشدني الاخوّه وين اخيّج غــــــــــــــاب ** بسهم العين أگلها والعامود انصاب

غريبه وكل هلي عافونني بين اجنــــــاب **جثث متوسدّه الغبره وجفنها اتـراب

أنته كفلتني ** وبأيدك تردني**ادري مصابي اّذاك