العودة   منتديات أنا شيعـي العالمية منتديات أنا شيعي العالمية المنتدى العام

المنتدى العام المنتدى مخصص للأمور العامة

إضافة رد
   
أدوات الموضوع انواع عرض الموضوع

عشاق المفيد
عضو جديد
رقم العضوية : 78952
الإنتساب : Jul 2013
المشاركات : 25
بمعدل : 0.01 يوميا

عشاق المفيد غير متصل

 عرض البوم صور عشاق المفيد

  مشاركة رقم : 1  
المنتدى : المنتدى العام
Waz16 الشاعر. ابواحمد خفاجي. قصائد حسينية
قديم بتاريخ : 19-08-2017 الساعة : 05:33 AM


العباس والعائله
القصيدة1
.........................
ياعباس ياعباس
1
عبد الله كطعو منحرة- من النحر دمه جرة
بالعطش دلالة انفرة- بحضن السبط ينزف دمه
2
حسين المثلث صوبه بالدم الطاهر خضبه
من الماي محد شربه والخيل صدرة تحطمة
3
حسين الغريب المنغدر يصعد على صدرة الشمر
يكطع براسه ويفتخر وبجه الزجية فاطمة
4
القاسم على راسة انطبر والاكبر تكطع وذر
عباس بالسهم انغدر عينه انطفت بالموزمه
5
ليش ابو اليمة ينذبح وراسه يرفعونه برمح
زينب يصوبهه الجرح هاي المصيبه المؤلمة


6
حركو خيم ام الخدر بالنار واطفالك تفر
ويشتم بحيدر الشمر زينب الكلبك تهضمة
7
بالعمد عباس انطبر كطعو جفوفة اعله النهر
وظهر الحسين الي انكسر والعمد راسك هشمة

\\\\\\\\\\\\\\\\\\\\\تمت بعون الله \\\\\\\
القصيدة 2
................
على الاكبر دمعتي اتهل وتسيل
وعلى زينب انتحب واعله العليل
---------------1-----.---------
كطعت قلبي مصيبة كربله
والخيام الشبت اعله العايله-
وتاهت اطفال الرسول ابهلفله-
ابجي عل اطفال ماعدهم دليل
-----------2------.---------
القاسم امخضب يصب منه الدمه-
وليش عبدالله السهام اتالمه
نحره ينزف تبجي ضلت فاطمه-
عله حسين وطفله ظل دمعي يهيل
------------3----.--------
عين ابو فاضل يصوبهه السهم
صابو العباس والعز والشيم
ابجي عالعباس وجفوف الكرم
مايعوف حسين ومصابه الدليل
--------------4--.-----------
سلبو خير البشر بعد الذبح
وراسه يتعلك على راس الرمح
الخيل رضت صدره وترض عالجرح
ماسمعنه بلادفن يبقى القتيل
--------------5----.------------
بلادفن ضل الحسين اعله الارض
والعده بخيولهه ابصدره ترض
مادرو بحسين عدنه اعظم فرض
باب صارحسين للباري الجليل

\\\\\\\\\\\\\\\\\\\\\تمت بعون الله \\\\\\\
القصيدة 32

الله يعين الزهرة - بكربله تشوف العترة
كطعو جفوف العباس --------- وحسين ضل بلا راس
-----------------1-----------------
كل ماتم تحضرة الزهرة وتنـــــادي
على حسين وعياله ذايب افــــــــــادي
ليش بلا ذنب متكطعــــــــــــــه اولادي
مصاب حسين مثله مصاب ماسادي

نواسي الشفيعه البضعه باللطم وي الدمعه
تختنك عبره الانفاس وحسين ضل بلا راس
2
على عبد الله تنوح الزهرة مهضومه
ركبته بلا ذنب بالنبله مفطــــــــــــومه
اعله حضن حسين ضلت تنزف دمومه
ماننسه الرضيع وقصتـــــــــــه ويومه
موذر الاكبر جسمه مطبر القاسم يمه

وذرو جسم النبراس وحسين ضل بلا راس
3
عباس الشهم بمصابه وونينه
ماننسه العمود ولاسهم عينه
عباس الوي الي واعد سكينه
ضل يم النهر مكطوعه جفينه

زينب تضل متحيرة عباس كطعو نحرة
وليه ولتهم هالناس وحسين ضل بلا راس
4
وحسين المثلث صوبه بصدرة
وحيد بلا معين وطاح من مهرة
بسيوف ورماح الوادم تـــــوذرة
وبسيفه الشمر ضل يكطع بنحرة

مطروح ضل عالغبرة والخيل رضت صدرة
خنصرة أ تكطعه الارجاس وحسين ضل بلا راس
5
اطفال حسين وبنص الخيام تنـــوح
يزينب حركو الخيمه ولوين انروح
صدك عباس يا ام الخدر مذبــــوح
تبدت جربته ويم النهر مطـــــروح

يسبينه سوط الظالم عكب الكمر ياوادم
ماعدنه ضلت حراس وحسين ضل بلا راس

\\\\\\\\\\\\\\\\\\\\\تمت بعون الله \\\\\\\
القصيدة

35

بحــــــــــــــــسره اعله الوفه دم تنحب الزهره
يبجي حـــــــــــــــــــسين والعــــــباس والحره
1
كضت كل عمرهه تنحب اعله حسين
وعلى العباس ابنهه صاحب الجفــــين
خل يحضر يشيعهه بدموع العـــــــين
شهدن عالنهرجفــــــــــــــــين متوذره
2
حضروهه الزجيه وحـــــــيدرالـــــكرار
وحضريمهه الرسول المصطفى المختار
واجوحتى البنين الاربـــــــــعه الاطهار
وعليهه الــــــــــمدينه تنوح بالحسره
3
كعد يمهه الحســـــــــين وصــــاح يايمه
على امصابج ييمه اضلــــوعي ملجمه
وحضر حتى الرضيع امخضب ابدمه

رجعت كربله ورد الضلع كســــــــــره
4
واجه العباس يبجي ونبلته ابعينـــــــه
يحضنهه يريد وماهي جفيــــــــــــنه
بجه بدم العرش علكافل اسكيــــــــنه

يون عباس منه الهامه منطـــــــــــبره
5
نيران الكلب عالشيــــــــــعه متوجره
وجفين الكمرلليوم متـــــــــــــــــــــوذره
رجع جرح الوصي وانعادت العصره

بهذا الموقف السجــاد رد اسره-

\\\\\\\\\\\\\\\\\\\\\تمت بعون الله \\\\\\\
36القصيدة
دمع الموالي ماصبر – عزه الامام المنتظر
1
بكلب زينب الم وخيام ملهوبه
ولو تقره ابدمعهه ايتام مسلوبه
وراس اعله الرمح وجساد متروبه

راس الحسين ابهلخبر----- عزه الامام المنتضر
--------------2--------------------
زينب لوكلت معناهه جف عباس
وعبدالله الرضيع البجه كل الناس
زينب تعني جسام الخضيب الراس

جورالسبي وي كل اثر -عزه الامام المنتضر
--------------3-----------------
زينب دمعة الاكبراجت لحسين
تريدالماي منه ويابسه الشفتين
وزينب عين سكنه البجت الثقلين

الهه يون كلب الحجر ------عزه الامام المنتضر
---------------------4---------------------
حتى الدمعه تعرف زينب الحره
اسئل دمعتك وتجاوب ابعبره
لسه عيون زينب تبجي للزهره

بهالفاجعه جف الكمر - عزه الامام المنتضر
--------------5------------------
زينب حسرة السجاد واهــــــــــــاته
ورقيه وراس ابوهه التجري دمعاته
زينب باب فاطم لسه عصراتـــــــــه

والبرينوح وي البحر --عزه الامام المنتضر
----------------6----------------
احترك كلب الخيم من نار دمعتـــــــهه
وسجب دمع الورق بيدي اعله قصتهه
ماسلبو خدرهه وتبقى عبرتــــــــــــهه

يبجي اعله قصتهه الشجر -عزه الامام المنتضر
---------------7--------------------
بحجاب الحره لاتتوهم الاقــــلام
حجاب الحره ماطاح وابد ماهام
اذا هي الحجاب اليستر الاسلام
زينب حجاب ابكل دهر-------------عزه الامام المنتضر

من مواضيع : عشاق المفيد 0 قصيدة إلى الصحابي أبا ذر الغفاري عليه السلام بقلم الشاعر حيدرموسى الرميثي
0 قصيدة إلى الأمام الهادي ع بقلم الشاعر الكبير حيدر موسى الرميثي
0 قصيدة حزينه بقلم الشاعر حيدرموسى الرميثي
0 قصيدة إلى الأمام المهدي عج بقلم الشاعر الكبير حيدر موسى الرميثي
0 نصيحة
إضافة رد

مواقع النشر (المفضلة)


أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الشبكة: أحد مواقع المجموعة الشيعية للإعلام

الساعة الآن: 09:08 PM.

بحسب توقيت النجف الأشرف

Powered by vBulletin 3.8.14 by DRC © 2000 - 2024
جميع الحقوق محفوظة لـ منتديات أنا شيعـي العالمية


تصميم شبكة التصاميم الشيعية