[عدنان منعم]

عمي رد لينه\ لاتجافينه\هاياعباس \هاياعباس
اه يانار العطــــــــش ونريد جودك
انته ماتخلف وعدــ ندري بوعودك
تفني ارض الغاضريه نريد زودك
افني عسكرهم\ عمي واخذلهم \ ها ياعباس \ها ياعباس
--------------------
صكت الحومه وعلي من طب كمرنه
ماتحمل ضهـــضب وينظر وضــــعنه
لم جروف النـــــهر جاب المـــــاي النه
النهر جابه \ اسد بالغابه \ هاياعباس \هاياعباس
-------------------
وين صارت هالزلم جتها المنيه
نزل عزرائيل فوك الغاضريه
وكام يحصد شبل حماي الحميه
يحصد بسيفه \ فارس بكيفه \هاياعباس \ هاياعباس
اتسطرت جدامه فرسان وجحافل
اختصاص الكمر مو مفرد محافل
وراس فوك الراس يركع بالفصائل
احتارت الفرسان \ مو بشر بركان \ ها ياعباس \هاياعباس

الماي هاذه الماي كون اليوم اجيبه
طلبت سكينه وجــــب امر الحبيبه
والله لو زعلت تره تصبح مصيبه
كلشي لاتزعل \ انذبح اقبل \ ها ياعباس \هاياعباس
شرد اكلل لزهره لو ماتو عطــــاشه
ماتعز روحي وعلي لحســــين حاشه
العطش نار وسكنه اندى من الفراشه
سكنه ناديتني \وعمي حشمتني \هاعباس \هاياعباس


خادم الحسين \ عدنان منعم

[رآحيل]

السلام على قمر العشيرة وحامي حماها
بارك الله بكم "
شاعر اهل البيت مأجور وموفق ان شاء الله

[سديم الفجر]

بارك الله بكم وجزاكم الله خير الجزاء
وفقكم الله

[ابوتكتم الخير]

بارك الله بك اعدنان منعم المبدع
كلمات وصفت بها العباس تدمي القلب قبل العيون
يشسفع لك العباس