|
|
عضو جديد
|
|
رقم العضوية : 72337
|
|
الإنتساب : May 2012
|
|
المشاركات : 14
|
|
بمعدل : 0.00 يوميا
|
|
|
|
|
|
المنتدى :
المنتدى الثقافي
يالنايم اعله العلگمي مانه اختك أنخـــــاك.. أحمد هادي الشمري
بتاريخ : 12-08-2014 الساعة : 09:41 PM
يالنايم اعله العلگمي مانه اختك أنخـــــاك
فوگـــ الهزل وأميسره وابولية اعــــداك
**يا عباس يا عباس**
.....
يخويه جابوا النوگــ وحرت بالراي
وثگــل بغيابك اعليه سهـــل دنياي
أنه أبيا عيـن أصد ... ريت أنعمت عينـــاي
عگــب طولك يكفالي الشمر حـــداي
لا يمنتك لا يسرتك لا يخفگــ ألواك
أگـــدر أفارك روحي بس شيحمله فرگـاك
....
يخي ودعتك وجفن الصبر مقروح
وأشوفن جسمك اگبالي .. جبل مطروح
بقت للحسره والعبره اسيرة الروح
تهل عينـــي واشوفنهه تهل اجروح
حين الشفت ذاك اللـــوه عالغبره منشور
نحت وصحت راح الخـــدر وأتهدم السور
....
أنه أبيا عيـــن أودعنك على التربان
وأروح لديرة الكوفـــة بحمه العدوان
شجاوب شامتي لو ينشد وفرحـــان
يزينـــب وينه كفالچ گـــمر عدنان
شگـــدر أجاوب شامتي لا والله هيهات
لو روحي تطلع يا گـــمر ما تطلع المات
....
يخويه أشيحمل الدنيه لونهه أتـــدور
طلع للكوفة ضعني أمگـــيد ومجبور
أباري العيله يا خويه بگـــلب مكسور
ومن سوط العده دم المتن منثـــور
لو عثرت الناگه صحت وينك يكفـــال
ولو أذكر اسمـــك تشتمك يا خويه الأنذال
.....
أشيظل ابروحي من أسمع كـــلام الناس
هاي العلهزيله أخت البطل عبـــاس
هاي الچانت البيهه الخـــدر ينقاس
وهسه أمچـــتفه وتحديهه گوم أرجاس
يا خويه گـــلبي شگد حمل بغيابك آلام
وعگب الجره راح الضعـــن امن الكوفة للشام
.....
عگب الكوفه أخذوني العده للشام
مشيت وجـــفني لا عاف البچي ولا نام
بطريق أيتعب الفارس مشيت أيـــام
وكل ليله يكفالي غدت بعـــوام
وأهل الشماته والغدر اتلگونه بالعيـــد
وتتستر ابنات النبـــي واويلي بالإيد
.....
يخويه أصعب جرح صاب الگلب وانـــهار
نار المجلس العام أشيطفي النـــار
يزيد أبعوده يضرب ثغر أبو الأحـــرار
ويشتم والدك وأينادي رد الثـــار
وبالخربه گـــعدنه الرجس تصعب عليه
يالكافل وفوگـــ النحر ماتت رقيـــه
.....
أحمد هادي الشمري
السبـــت
22/12/2012 م
8/صفر/1434 هـــ
| |
|
|
|
|
|
العرض العادي
