[عدنان منعم]

زينب تون يافاطمه والحسن هل دمعه دمه
ايتام خلانه الوكت وحسين يندب فاطمه
ونينه يازهراء – حنينه يازهراء
يايمه ياصوت الحزن للموت عايش بينه
ايتام ياروح النبي بعدج تره ضليــــــنه
البعد عنج فاجعه واحنه بالم ونــــــــينه
يمه احلفج بالنبي يالزهره لاتخــــــــلينه
بجفاج غادرنه الفرح والحزن بينه ممتـــحن
اغراب ياروح النبي بعدج صبحنه بلا وطن
ونينه يازهراء – حنينه يازهراء
ياام الحسن ليش البعد اولادج يتامه بدونج
يردون طولج كل وكت فدوه العمر لعيونج
لوعة حزن بيهم صفت يالحره هل يردونج
امهم سكنتي انته الكلب للمــوت ماينسونج
مجروح ياالزهره الكلب وبعدج صبحنه بس دمع
بدونج فلا يحله العمرولجــــــــلج طفه كل الشمع
ونينه يازهراء – حنينه يازهراء



عفتيني وانه بحاجتج زينب واظل بهــــمي
بنيه وصفيت بلوعتي وامي صفــت مو يمي
من غبتي ياروح النبي دهري عليه هل يرمي
تمنـــــــــيت اموت بموتتج وكبلك جره هم دمي
تمنيت موتي بموتتج ولا بالحد جـــــــسمج يطب
نار اسعرت وسط الكلب يايمه حالي شكد صعب
ونينه يازهراء – حنينه يازهراء
يايمه ردتج بالغرب لــــــــــمن اروح برحلتي
ردتج تردين الضــــــعن لمن اموت بغــربتي
بخلافج الدنـــــــــيه الم لوعة جرح ياحــالتي
يالزهره ماتنشف وعد للموت لجـلح دمــعتي
روحي احس مني طلعت الدار دونج مظلمه
ردي احلفج بالنــــــــــبي يايمه ردي فاطمه
ونينه يازهراء – حنينه يازهراء






تحملتي اوجاع الضلع وللله شـــــكتي ماجره
والله يعينك ياعلي نار الوصــــــــيه مجمره
وصاك طه وخبرك تنعصر تدري الطاهره
وابابك تشب الحطب هاي العصابه الجائره
سيفك ابد لاتجـــــــــــرده الباري قرر ياعلي
بيدك تغسل فاطمه وشعظمه صبرك ياالولي
ونينه يازهراء – حنينه يازهراء
ايتام صارت شيعتج وي زينب تنــــوج وتون
انته الحزن طول الزمن ولجلج صبح بس الحزن
ماننسه يومج فاطمه نعلنهـــــــا احنه اعلا الزمن
شيعه وعزائنه مستمرونسحك اعلا خشوم المحن
وياج نبقى اعلا العهد ماننسه يومج فاطمه
حبج امان بكل وكت يحمنه من الحاطمه
نادينه يازهراء – حنينه يازهراء

خادم الحسين عدنان منعم