[خالد محمد مهدي]

((لسان حال العقيله مع اخيها العباس عليهما السلام ))
ظلّيت وحدي بحرماني// تمنّيت شوفت خوّاني
بآلآم وحرم وأيتـــــام
ياخويه أخذوني للشام
******************************
أمشي بليل لابي كمر لانجمات // ضي الشمس بين رموش عيني مات
فاركتوني خليتونـــي للصعبات // دمعي سهم صاب صدورها الشمّات
ماريد دنياي بدونك ** حاميها من بعيد ضعونك
رد عنَّــه سوط الظلاّم
ياخويه أخذوني للشام
******************
يحادي ريت عيني بسهم طفّوها // ولاعن شوفتك ياوفي منعوها
كرب المشرعه جفّيني كطعوها // هامي بالعمد ياساقي ضربوها
خيامي بدموعي أطفيها** اليتامه بصبري أحمايها
أتحمّــــل درب الآلآم
ياخويه أخذوني للشام
*****************
عمود الخيمه طاح وهوت فوك الراس// وينك صاح خدري أدركني ياعباس
أتلفت يميــن يســــــــــار عالحراس// ولتنـــــــــه ناس ماتنعرف يا أجناس
أِشفي جروحي يمشكر** بجفّي تاليهه أتستر
بسدّك أدري ما أنظام
ياخويه أخذوني للشام
*******************
ماجنت أعرف الحيره بوجودك يوم // يسبع الكَنطره بفيَّك هنالي النوم
ياكرة العين وفخـــــــــــــري ياجيدوم// من مثلك يبوفاضل عَداك اللــوم
أرسم جمرعله خدودي** اقسم وفّيت وعودي
بعدك هظمتني الايام
ياخويه أخذوني للشام
*****************
دهري شعنده بعد من المصايب ظام // أطب مجلس شماته وفرحة الظلآّم
حسبالــــــه يذل بت حيدر الضرغام // وتظل العين سهرانـــــــه أبد متنام
هيهات يثني أيماني ** آيات الطف عنواني
بيومه أتجدد الاسلام
ياخويه اخذوني للشام
****************