[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

وازينبـــــــــاه ( شـــــــــــــــــور )
ــــــــــــــــــــــــــــــــــــــــــــــــــ ــــــــ
وازينباه == وازينباه == وازينباه == وازينباه
وازينباه == وازينباه == وازينباه == وازينباه
ــــــــــــــــــــــــــــــــــــــــــ
ما أنسه زينب للأبد يوم الوﮔﻊ بالحومه
إبن أمها من نال المجد ﻳﺳﮔي التُرب بدمومه
حبست دمعها العالمه روح إو غدت مهمومه
صبرت على ذاك الجره ضيم الدهر وإغيومه
وازينباه == وازينباه == وازينباه == وازينباه
ـــــ
صعدت على تل الحزن نادت يبويه حيدر
إبنك مشه عنّي إو مُضه فوﮒ الوطيّه إموذّر
واني وحيده إبكربله ويّاي هاي الخدّر
راحوا إخوتي إو كُل هلي وأطفالي تاهت بالبر
وازينباه == وازينباه == وازينباه == وازينباه
ـــــ
مثل العقيله ما صُبر واحد أبد وإتحمّل
بالغربه تنظر حايره وإخوتها عنها ترحل
بس زينب الحرّه صبُر من إمها تاخذ تنهل
عزّه إو شرف عدها إو إبَـــه زينب أبد ما تنذل
وازينباه == وازينباه == وازينباه == وازينباه
ـــــ
عدها العزيمه من علي تجري الكرامه إبدمها
لبوه إبوسط هذا الجمع محّد ﮔدر يلجمها
محّد نظر إلها إو جسَر هيبه إو زهتْ من أمها
حسره إو ألم عدها نمت ميمونه من حشمّها
وازينباه == وازينباه == وازينباه == وازينباه
ــــــ
ميمونه من يمها إجَه عُرفت أخوها إﺗﮔنطر
عُرفت مُضه إو راح الأمل تُربه إبدماه إتعطّر
شافت علي الساجد حِنَه راسه إو بده يتحسّر
ياعمّه نادى العالمه صبري ينبعة حيدر
وازينباه == وازينباه == وازينباه == وازينباه
ـــــ
أيتام هجّت خايفه من العدو مذعوره
والحرّه زينب نادته شاهد يبويه الصوره
عطشانه أطفالي إو تُون والجود فاﮔد نوره
عباس راحت يمنته واليسره هم مبتوره
وازينباه == وازينباه == وازينباه == وازينباه
ـــــ
ياليل زينب نادته خلّي ظلامك يجبل
لحسين أروحن رايده للنازل إبهل منزل
أغسل جروحه إبدمعتي دلاّلي دم خل يهمل
يمّه أشوف المصطفى جدّي يصلّي ينزل
وازينباه == وازينباه == وازينباه == وازينباه
ـــــت
يَمّه أشوف الطاهره أمّي الشفيعه الزهره
تلثم أبو اليمّه إبدمع مهمومه تجري العبره
واني أناديها إبألم يا يُمّه شوفي نحره
يتكلّم إبآي الحزن واني دليلي إبجمره
وازينباه == وازينباه == وازينباه == وازينباه
ــــــــــــــــــــــــــــــــــــــــــــــــــ ـــــــــ
مع تحيات شاعر اهل البيت / جابر النجفي
إسمعوا القصيده بصوت الرادود المبدع كاظم البديري على الرابط التالي
http://www.wlidk.net/dld9gi45240.mp3.html

[طريقي زينبي]

رائــــــــعة.......

سلمت يمناك.....

[جابر النجفي]

اقتباس : المشاركة الأصلية كتبت بواسطة طريقي زينبي [ مشاهدة المشاركة ]

رائــــــــعة....... سلمت يمناك.....

ـــــــــــــــــــــــــــــــــــــ
بسم الله الرحمن الرحيم
اللهم صل على محمد وآل محمد وعجل فرجهم
شكرا للمرور الطيب