[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

يابــــــــو الوفـــــــــــــــه ( شـــــــــــور )
ــــــــــــــــــــــــــــــــــــــــــــــــــ ــــــــــــــ
يابو الوفه يامولاي === كُلها تناديك الماي
ــــــــــــــــــــــــــــــــــــــــــ
عباس ياساﮔـــي العطش جودك يوالي وينه
أطفالك إتلوج إو تون تسأل عليك إسكينه
عمّي يَعَمّه أبياكتر طوّل مغيبه إعلينه
ما ريد ماي إو بس يجي سالم يعاود لينه
يابو الوفه يامولاي === كُلها تناديك الماي
ــــــ
عباس يلكافل إجَت يمّك عقيلة حيدر
مهمومه بعدك ياشهم وإنتَ صُفيت إموذر
عدها عتب يابو الفضل إسمعها آ يَمشكّر
ظلّت وحيده إبكربله وسط الحزن تتحسّر
يابو الوفه يامولاي === كُلها تناديك الماي
ـــــ
عبّاس ياشيمة علي زينب تريد إتشوفك
رادت تودعك حايره تدري ضعنها إيعوفك
وإتمنّت الجسمك ترد من الطفوف إﭼفوفك
تنهض تداريها الحرم وإترد تشوف إضيوفك
يابو الوفه يامولاي === كُلها تناديك الماي
ـــــــ
عباس ياراعي الضعن ضعنك مشه وإينادي
وينك يراعي المرجله يحدي بخواتك حادي
ياصاحب النخوه إبألم ينخن بنات الهادي
ياريت أفدي العالمه آني إو هلي إو أولادي
يابو الوفه يامولاي === كُلها تناديك الماي
ـــــــ
عباس يابو المرجله تصرخ تنادي الرايه
وينك يحاملها الأشم ﺗﺑﭼــي إو إلَك ﺷﭼـّايه
لازم تظل تروي النصر بيدك ترف إو آيه
آية جهادك ياأبي صارت أملنه إو غايه
يابو الوفه يامولاي === كُلها تناديك الماي
ــــــ
عباس سبع اﻟﮔنطره محّد وصل لحدودك
محّد وصل فضلك أبد غطّه البريّه جودك
غيره إو شهامه ثايره محّد يداني زودك
ريتك يبو فاضل ترد وإحنه نصير إجنودك
يابو الوفه يامولاي === كُلها تناديك الماي
ـــــــ
عباس يانبع الوفه سيل الوفه من أمكم
هيّه الوفيّه بالأصل تفدون رادت دمكم
وإنتم وفيتوا للسبط نهر الدمه ما همكم
ياسيدي طاب الثرى ذاك الحواكم ظمكم
يابو الوفه يامولاي === كُلها تناديك الماي
ــــ
عباس ياباب الفرج للّي يجي يم بابك
دايم تجيك إو تلتقي يمّك تصير أحبابك
تِتْمنّه صوبها السهم ذاك العماك إو صابك
تنصب تعازي إبكربله تذكر سعير إمصابك
يابو الوفه يامولاي === كُلها تناديك الماي
ــــــــــــــــــــــــــــــــــــــــــــــــــ ـــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldmnu74279.mp3.html

[ابوتكتم الخير]

عظم الله اجوركم
كتبت في صحيفة أعمالك
لك من الحسين الشفاعة
موفق

[رآحيل]

عظم الله اجوركم شاعر اهل البيت
ماشاء الله من ابداع لابداع حسيني
طيب الله انفاسكم"
تحية

[جابر النجفي]

اقتباس : المشاركة الأصلية كتبت بواسطة ابوتكتم الخير [ مشاهدة المشاركة ]

عظم الله اجوركم كتبت في صحيفة أعمالك لك من الحسين الشفاعة موفق

ـــــــــــــــــــــــــــ
بسم الله الرحمن الرحيم
اللهم صل على محمد وآل محمد وعجل فرجهم
الاخ الطيب ابو تكتم الخير
اشكرك وفقك الله ورعاك

[جابر النجفي]

اقتباس : المشاركة الأصلية كتبت بواسطة رآحيل [ مشاهدة المشاركة ]

عظم الله اجوركم شاعر اهل البيت ماشاء الله من ابداع لابداع حسيني طيب الله انفاسكم" تحية

ــــــــــــــــــــــــــــــــــــــ
بسم الله الرحمن الرحيم
اللهم صل على محمد وآل محمد وعجل فرجهم
الاخت الطيبه راحيل
اشكركِ وفقكِ الله