[زهرة الفردوس]

اللهم صلّ على محمد وآل محمد وعجل فرجهم الشريف

الك گلبي انفجع

الرادود الحسيني باسم الكربلائي

الك گلبي انفجع ........................ عبدالله يا ابني يا ابني
أحس نحري انگطع ........................ عبدالله يا ابني يا ابني
ذبيح وما رويتك ........................ يصب دمك لگيتك
أحس نحري انگطع ........................ عبدالله يا ابني يا ابني

أبوك حسين آنا يا فرح عيدي ........................ ويا چلمة حنان البيها ترديدي
أون وانحب وانوح عليك يا اوليدي ........................ ألف وسفه أخذتك للذبح بايدي
متت من الضما ........................ عبدالله يا ابني يا ابني
ترويت بدما ........................ عبدالله يا ابني يا ابني
يا غصن الما حويتك ........................ يصب دمك لگيتك
أحس نحري انگطع ........................ عبدالله يا ابني يا ابني

==

الك گلبي انفجع ........................ عبدالله يا ابني يا ابني
أحس نحري انگطع ........................ عبدالله يا ابني يا ابني
ذبيح وما رويتك ........................ يصب دمك لگيتك
أحس نحري انگطع ........................ عبدالله يا ابني يا ابني

شفت وجهك هلالي وبالعطش ذبلان ........................ أخذتك يا ابني بيك گصدت للميدان
اوگفت بين الفزع والخيل والفرسان ........................ صحت يا ناس رحموا هالطفل عطشان
شفت سهم الگدر ........................ عبدالله يا ابني يا ابني
توجه للنحر ........................ عبدالله يا ابني يا ابني
يصيبك ما دريتك ........................ يصب دمك لگيتك
أحس نحري انگطع ........................ عبدالله يا ابني يا ابني

الك گلبي انفجع ........................ عبدالله يا ابني يا ابني
أحس نحري انگطع ........................ عبدالله يا ابني يا ابني
ذبيح وما رويتك ........................ يصب دمك لگيتك
أحس نحري انگطع ........................ عبدالله يا ابني يا ابني

بسهم صابوك والمنحر يفيض دموم ........................ خذت دمك بچفي والگلب ما لوم
رميته للسما وناديت يا قيوم ........................ احكم بين دم هذا الطفل والگوم
رموك بهالسهم ........................ عبدالله يا ابني يا ابني
أحس فيّا الالم ........................ عبدالله يا ابني يا ابني
بجفن دامي بچيتك ........................ يصب دمك لگيتك
أحس نحري انگطع ........................ عبدالله يا ابني يا ابني

الك گلبي انفجع ........................ عبدالله يا ابني يا ابني
أحس نحري انگطع ........................ عبدالله يا ابني يا ابني
ذبيح وما رويتك ........................ يصب دمك لگيتك
أحس نحري انگطع ........................ عبدالله يا ابني يا ابني

رجعت للخيم بيك وجمرتي بصدري ........................ ودمك على ذراعي يسفح ويجري
الرباب أمك اش لون اخبرها ما أدري ........................ هون ثلثين حيلي وثلث من صبري
رحت صوب الخيم ........................ عبدالله يا ابني يا ابني
نطيتك للحرم ........................ عبدالله يا ابني يا ابني
وعساني لا نطيتك ........................ يصب دمي لگيتك
أحس نحري انگطع ........................ عبد الله يا ابني يا ابني

الك گلبي انفجع ........................ عبدالله يا ابني يا ابني
أحس نحري انگطع ........................ عبدالله يا ابني يا ابني
ذبيح وما رويتك ........................ يصب دمك لگيتك
أحس نحري انگطع ........................ عبدالله يا ابني يا ابني

نطيتك للفواطم والنحر مگطوع ........................ عليك اجتمعن بنوح ونحب ودموع
غدن كل واحدة تنعاك بگلب مفجوع ........................ بس صوت النحب والنايحه مسموع
اجن ليك بحزن ........................ عبدالله يا ابني يا ابني
طفح موج الجفن ........................ عبدالله يا ابني يا ابني
بدمع جاري نعيتك ........................ يصب دمك لگيتك
أحس نحري انگطع ........................ عبدالله يا ابني يا ابني

الك گلبي انفجع ........................ عبدالله يا ابني يا ابني
أحس نحري انگطع ........................ عبدالله يا ابني يا ابني
ذبيح وما رويتك ........................ يصب دمك لگيتك
أحس نحري انگطع ........................ عبدالله يا ابني يا ابني

اجن واتجمعن كل الحرم يمك ........................ وحده من وريدك يا اولدي تشمك
ووحده تصب دمعها وتمسح بدمك ........................ وامك حايره وبس تلهج باسمك
العگل منها انفگد ........................ عبدالله يا ابني يا ابني
تصد على المهد ........................ عبدالله يا ابني يا ابني
وتگل لك حين اجيتك ........................ يصب دمك لگيتك
احس نحري انگطع ........................ عبدالله يا ابني يا ابني

الك گلبي انفجع ........................ عبدالله يا ابني يا ابني
أحس نحري انگطع ........................ عبدالله يا ابني يا ابني
ذبيح وما رويتك ........................ يصب دمك لگيتك
أحس نحري انگطع ........................ عبدالله يا ابني يا ابني

هاي أمك يا عبدالله غدت تنعاك ........................ تنوح وخضبت چفها بمسيل دماك
تگل لك ريت وافاني الأجل وياك ........................ وريت السهم أرداني ولا أرداك
شفت دم رگبتك ........................ عبدالله يا ابني يا ابني
دهتني مصيبتك ........................ عبدالله يا ابني يا ابني
لرسول الله هديتك ........................ يصب دمك لگيتك
احس نحري انگطع ........................ عبدالله يا ابني يا ابني

نسألكم الدعاء