[ابو معاد النجفي]

بسم الله الرحمن الرحيم
السلام عليكم ورحمة الله وبركاته
للامام السجاد زين العابدين(ع) ومسيرة حياته والامه .. اقول
اسال زماني..... منك شجاني
شبل النبي المختار.....والفحل حامي الجار
بسمه رماني
اسال زماني اليوم.....وانه ابحيره
ام الخدر ياناس ..... تصبح اسيره
عفنه الوطن والكوم....عفنه الديره
حال السكم والنوح ....حاله عسيره
لا ذله لا للعار..... نحيه ونموت احرار
بهاي المعاني
نحيه ونموت اعزاز......علمنه حيدر
كالاهه ابوي احسين....كلا للمنكر
نهج الرسول ايكون....منه االبشر
ساس العدل للناس....امي الكوثر
حتى بكبره اسرار....من يمهه ال معبار
يالجنت عاني
يالجنت عاني حسين....لكبره تزوره
كوم اعتني السجاد.... واشعل بخوره
هو وصاحبه اهناك....تشملهم السوره
ولحبيب انه اعنيت...هو وحوره
ذوله حماة الدار..... بالدنيه النه انوار
فوك المباني
نور الارض سجاد ...... ابن الزجيه
بيهم علوم الله.....خير البريه
الهم شفاعه اهناك....والطب اليه
الرحمه عدهم ساس....ولده ونبيه
بيك الفكر لوحار ...... بس اندب الكرار
تحصل اماني
اسم الله بيهم صار .....واكتمل دينه
كال الرسول اسنين.... احنه المدينه
خيري البريه احسين....واهله السفينه
كال الرسول احسين...وانه احسينه
دمي بدماه اندار....احسين ابو الثوار
صوت اللفاني
لخادم اهل البيت
اخوكم
ابو معاد النجفي