[♥ زينبية للابد ♥]

بسم الله الرحمن الرحيم
اللهم صل على محمد وال محمد
هذه قصيدة من الشعر الشعبي العراقي لكل سيد وعلوية

هلي ديـوان عِزّه ومربض اسباع ... هـلي فـكـر ويـشــع عالدنيه ضـيْهُـم

هلي نـار ابـعـلـم للتايــــه اوضـاع ... هـلي الناس التســولف عن كرمهـم

هلي قـمّـه وتلـوذ إبـفـيهـم الـگـاع ... وتســــتهضم تلــــوذ إبغــــــير فيهـم

هلي املاگه الكلافه الباع بـالبــاع ... هلي يطيحـــون گبل الصـــاح حـيهـم

هلي الخبزه ألعفيفه التشبع ألـجاع ... يـعـطشـون اويدوّر العطــش مـيـهـم

هلي ثوب الكرامه ألمنطوه إبسـاع ... ويـنـبذونــه الـتزيّـــه ابـغـيـر زيــهـم

هلي طيبــه ونجابــه وعفّـــة اطباع ... اشـمـا دار الـوكــت صــافي نـبـعـهـم

هلي صوت الحقيقه ايصك ألاسماع ... تـخـيـب اللـي تســــد عـنّه سـمـعـهـم

هلي سفـن الـنجاة وعـالي الشْـراع ... هلي ابحــور السماحه الّـلـم شمـلهـم

مالبســوا الدنـيـه ابثـوب ألأطــمـاع ... ولاكرســـــي الرئاســه چـان هـمـهم

هلي بـيـت النبــوّه وإلهــم ألـطـــاع ... مايضمـــــه التروّه مـــــن شـــهدهم