[بنت الغالين]

عليكم السلام والرحمه

اقتباس :

مع انهم حاليا هم اللي بيجوا و بيبدوا معي الحوار !!!!

هذا اكبر دليل على انجازج معاهم .. صحيح هم ماتشيعو بس انتي غرستي بتفكيرهم فكر الشيعه .. قدرتين تقنعينهم باشياء كثيرة من معتقدات الشيعه
وتأكدي ماسألوج عن هالشي الا لانه حاز على تفكيرهم

اقتباس :

بمرة من المرّات أجا زوجي و حكى : خبريني عن آل البيت ... ما بعرف ليش جاوبت باستنفار و في محاولة لعدم فتح الحوار : علشان تعرف آل البيت عليهم السلام لازم تعرف مظالمهم ... و علشان تعرف مظالمهم لازم تحددّ ظالميهم ... الظالمين شخصيات مو مجهولة ... و عندها مفروض تبرأ منهم ... و بتوقّع لسّا ما عندك استعداد للتبرّأ منهم !!! كانت طريقة منفرة و حادة ... فتركني و قام من عندي .. ( هالموقف صار مرتين مع بعض الاختلاف ) ...

هنا عندي لج ملاحظه بسيطه
اني ما الومج بتصرفج لان الانسان معرض لجميع الحالات
بس حاولي تحافظين على هدوئج وعرفيه باهل البيت
لان صعبه عليه ناس مايعرفهم ولا يعرف عنهم اي شي او معرفته بسيطه فيهم يجي مرة وحده يتولاهم ويتبرأ من اعدائهم (( اعدائهم الي هم معروفين بفضائلهم عند اهل السنه ومافوقهم فوق )) يعني واجد صعب هالشي

مسلمه ابي اقولج انتي الحين وصلتي لنقطه يمكن غيرج ماكان بيقدر يوصل لها وخليتينهم يقتنعون باشياء كثيره .. بس انتين لازم تعرفين واظن انج اكيد مقدرة ظروفهم لان انتي مريتي بنفس الحاله تقريبا .. كل الي يلزمهم شويه وقت .. وحاولي انج تعرفينهم باهل البيت اكثر واكثر من غير ماتطلبين منهم انهم يتبرون من اعدائهم (( على الاقل بشكل مؤقت )) وبالاخص زوجج لان على حسب كلامج وافقج على حديث الثقلين ومعترف بان هناك ائمه 12


وتعرفين بقولج شغله اني تقريبا ممكن اقدر اعرف شعورهم ههههههههه
لاني اني قبل للاسف كنت قليله اطلاع وبفتره وقفت شوي وقمت افكر بالخلافات بين السنه والشيعه وكنت افكر واقول وش يصير لو كان معتقدنا خاطىء طبعا هالشي صار بحكم قله اطلاعي وكنت اعرف بعض الامور الي باعتقادي انها تكفيني لديني .. وكنت لمن اشوف اي هجوم او كلام ضد الشيعه اتضايق ويزيد خوفي .. تدرين ان خوفي خلاني اوقف فتره ما ابحث عن اي شي مخافه اني اشوف او اعرف باشياء تخليني اغير معتقدي .. يعني بخاطري ماكنت متقبله اني اغير الشي الي اني انولدت عليه حتى لوكان غير صحيح .. ماكان هالتفكير عناد بس كان الخوف من الي بصير
بس صرت افكر ان الدنيا حياة وممات وان ورانا جنه ونار فجذي اتغير فكري وصرت ابحث وادخل اقرا بالحوارات العقائديه بمنتديات السنه والشيعه واشوف وكنت مستعده اني اسير على اي طريق اشوفه صحيح
بس الله يشهد علي اني شفت الحق بمذهبي والحمدلله زدت يقين وثبات عليه

يعني كل الي يتطلبه هو الصبر منج وتغير اسلوبج شوي او بالاحرى تدخلين لهم من باب ثاني للحوار يعني تعرفينهم بفضال اهل البيت وتحببينهم فيهم .. والله ان شاءالله يصبرج ويعطيج على قد نيتج .. الله يوفقج ويعطيج كـــــل الي ببالج يارب

واعذريني الغاليه اذا طولت بالرد عليج