[مطيع الكناني]

انه زينب

تمنيتك تشوف الجيش من هاي على اخيمنه التوجر هاي من هاي

كتلني النذل لمن كال من هاي ونه زينب بت على وبت الزجيه


انه زينب يا علي ترضاهه ليه انه زينب أمشي للكوفه سبيه

وعالثرى اعزازي شفتهم بلا دفن بالحر عفتهم

بالظعن مسبيه جيتك بويه من الغاضريه والله لو شفت الجرالي والسده بذيج المسيه

التفت لا والي عندي وهذا ليل اكبل عليه ولا خيم يابويه ظلت وين اروح اليانويه

بويه حيدر وبقى هاي الليله وحدي بويه حيدر بلا خيم لا والي عندي

بس جثث ولياني ظلت وبالبراري اعيالي هجت انه زينب

بويه المن اشكي ظيمي وياهو هو الي يسمعه ابنك عاللرمله بالحر بويه والحر اشيجرعه

جثه باقي من تشوفه تبجي يا بويه علوضعه ظامي بويه مات اخيي بالشمش باقي ويربعه

بويه حيدر والشمر شفته على صدره بويه حيدر وكلبي يا بويه اشيصبره

هذا همي لي جتلني وريته وي ذبحه ذبحني

بكربله شفنه المصايب مرت وكلهه علينه شفنه عباس الكفلنه بالسهم مطفيه عينه

جفوفه بويه امكطعيهه وعالشريعه موذرينه وراسه لوشفته يبويه بالعمود مهشمينه

بويه حيدر لشريعه من كصدته بويه حيدر بيا وضع يا بويه شفته

ما عرفته من الجراله شلون اعرفه وهذا حاله

موقف انه دوم اذكره وعلبالي مانسيته للخيم لمن اجاني ودعــــــــاني ودعيته

تعنه للحومه الصحبته يحشم باذني سمعته يستغيث وانه اكله كافي كلبي كطعيته

بويه حيدريستغيث اسمع اخيي بويه حيدر كلي اشبيدي وشسوي

شنهي حالي بهيج ساعه والاخو يذبح وداعه

ودعيته وروحي تدري وياه مشت من ودعاني كتله ياهو ليه بعدك وين اروحن خويه اني

من طلع للحومه صحته حسين خويه لحظه تاني رد عليه شلون رده كولي يختي وناشداني

انه زينباختك واكشفلي صدرك انه زينب ارد اشمه وي نحرك

تدري وصتني الزجيه خويه وباهاي الوصيه

بويه اشكيلك مصيبه فدوى بويه اسمعهه مني بالضعن لمن حدينه عالجثث يا بويه مرني

صحته خويه مشيت عنك والله غصبن خويه عني بلا دفن عفتك يروحي هذا هو الجتلني

انه زينب بت علي وبت الزجيه انه زينب هجي تالي يجرى ليه

عالهزل امشي اسيره الطاغي ما خذنه الاميره

============= تمت والحمد لله والصلاة والسلام على محمد واله== مطيع الكناني