[عين بكت في حب الحسين]

السلام عليكم

اسفه عالتأخير

1- لماذا اخترت كلية الطب ؟
- لانها حلمي من جنت صغيره والحمد لله حققته وحلم اهلي هم

2- ماهو الاختصاص الذي ترغبين دراسته ؟
-اني جنت احب العيون بس بعدين انصدمت انه لازم الها معدل عالي فغيرت رأيي وكلت خليها على الله


3- التغيرات التي حصلت في افكار وميول الاطباء وتوجههم المادي البحت وانحرافهم عن مهنة الطب الانسانية ماهي اسبابها حسب رأيك ؟
-غياب الانسانيه
وبسبب انه ماكو تعيينات بالعراق والرواتب مو زينه فتلاحظ اكثر الشباب يكلك تعيين مباشر وراتب عالي هذه اول كلمات يكولوهه

واعتقد بمرور الايام تتغير هذه الفكره من خلال ملاحظات الدكاتره القدمى وشوفه المريض


4- هل ستؤثر انحرافات الاطباء الاساتذة على توجهك وتوجه زملائك لانهم نفسهم اساتذتكم والمعروف ان الطالب يتأثر بأستاذه كثيرا ؟
اكيد وبالاخص انه الدكاتره يذكرولنه اغلب الاحيان عن مواقف مروو بيهه وحالات مرضيه فحيل تأثر



5- هل تستطعين الان وانت في بداية الدراسة الطبية ان تصفي بعض الادوية لنفسك ؟
-لا لان في السنه الاولى مناخذ شي طبي حيل اخذنه مقدمه للطب وتهيئنا للي جاي

بس كمت اسأل عن الناس المرضى شنو مرضها وشنو انطاها الدكتور من علاج

6- ماهو شعورك عندما ترين مريضا يتألم في مستشفى والطبيب غير مهتم به ومشغول بالرد على زوجته في الموبايل ؟
اكره هالشي
وهذا موقف صار بيه من خلصت سادس بس بعدني مجنت مستلمه النتيجه
اني واخويه صار عدنه تسمم غذائي ورحنه للمستشفى وجان هناك طبيبات جديدات(مقيمات)
وجانو ملتهين بالسوالف وتاركين المرضى طبعا اتخبلنه
وبيومه توفت مريه بس رحنه عالغرفه الي بصفه جانت هناك طبيبه كبل فحصت وشافت المرضى بحيث لاحظنه الفرق بيه الطبيبتين
طبعا اتمنى يتغير هالشي وكل الاطباء يقدرون الشغله الي همه ديشتغلون بيها لانها شغله انسانيه

7- ماهي اسباب مرض الانفلاونزا وكيف استطيع تجنب الانفلاونزا في الشتاء ؟
- حسب ما اعرف انه اسبابها
التعرض للبرد الشديد او لبرد مع تبلل الجسم او العدوى من شخص اخر عن طريق تطاير الرذاذ وغيرها ما عرفه هههههههه

تجنبها الابتعاد عن مسبباتها هذا الي اعرفه


8- ماهي اسباب مرض السرطان وماهي اسباب انتشاره في العراق ؟
-اسبابه حسب الي سامعته انه كثره الاشعاعات الي في العراق والكثير مثل الكيمياوي الي نشره صام حسين له اثر كبير واكثر اكثر شي هو التدخييييين
وبعد ما اعرف لان مقاريه الصراحه فا اريد انطي معلومه غلط

9- نصيحة طبية توجههيها لنا لكي نحافظ على اجسادنا من الامراض ونطيل اعمارنا ؟
-اللازم على كل شخص ان يتابع اي برنامج طبي حتى لو كنت مو طبيب فالنصائح الطبيه الي يطوها مهمه
واكيد الابتعاد عن ما يضر بالصحه بالاخص التدخين وما شابه الي هيه سبب هلاك اجسامنا وتقصر من عمرنا

10 - هل قرأت القانون في الطب لابن سينا ومارأيك به وهل استفدت منه في مجال الطب ؟


لا بعدني




شكرااااا اخي عظيم الفضل

اسألتك حلوووه