[محمد الجابري]

وصلنا لأسئلة الجنس الخشن..... الشباب منهم والرجال :
احم احم وصلو الزلم ههههههه
1 - عرفنا عن نفسك شوي... كم عمرك؟ من أي بلد ؟ مؤهلك العلمي؟
اني اسمي محمد
عمر 23 سنه يعني قديم ههههههههه
من عراق علي عراق الحسين
خريج ثانوي قسم علمي
خريج كليه عسكريه وقوه جويه
عندي شهادة في فن القيادة والتعامل العسكري
وان شاء الله احصل على شهادة الd l i في اللغه الانكليزيه بس ادعولي ههههههه

... وزياده شوي وش تشتغل اذا كنت موظف ؟؟
اني ضابط في القوه الجويه العراقيه

2 - ماهي الآكلات الشعبية التي تشتهر بها بلدك؟
السمك المسقوف مع خبز بالتنور على الطريقه البغدادية المشهوره
الدولمه اااااااااه كم اعشق الدولمه
القيمه النجفيه
ماريد اجوعكم رح اكتفي بذكر ذني بس

3 - كم وزنك؟
صراحه صار فتره مموزن
لاكن قبل كان 60 بس هسه اني سمنان يعني اتوقع 65
وطولي 174

4 - هل أنت متزوج ؟
لا
لاكن الزواج شر لابد منه هههههههههههه

اذا كانت الأجابة " لا " فأليك الأسئلة أيوها الشاب العازب ...
هههههههههه حلوه أيوها الشاب العازب
5 - ماهي آكلتك المفضلة؟؟
الدولمه
والتمن مع اي مرق المهم تمن ههههههههه

6 - هل جربت ان تدخل المطبخ مره لأعداد شيء تأكله ؟ اذا كان جوابك نعم خبرنا عن التجربة أما اذا كان جوابك لا ... طنش وشوف ألي بعده....
ههههههههه
شسولف عن المطبخ الي تاريخ حافل
هههههههههههههههههه
من اهلي يروحون المكان واكون وحدي بالبيت احب ابتكر اكلات
مخترع يعني
ههههههههههههههه
مره سويت اكله ما اعرف شنو
جبت كبه وبيض وطماطه ومعجون وبصل وكباب اعروق مال بيت يعني
وخلطتهم مع بعض وقليتهم في الدهن صارت شي ما اعرف بطعميش مجرد ضكته وبعدين ذبيته

7 - هل تشترط المهارة في الطبخ في زوجة المستقبل؟
لا افضل ان تكون متعرف حتى الوالده الله يحفظهه اتعلمهه
لان امي اسوي اكل فضيع ما ينشبع

8 - مارأيك في دخول الرجل المطبخ لمساعدة زوجته ؟ وهل تتصور نفسك مستقبلا واقفا في المطبخ مع زوجتك تساعدها ؟؟؟
مافيه شي ولا راح اتنقص من رجولة الزوج شي
ليش لا رح اوكف يمهه حته اضوجهه وهيه تشتغل
ههههههههههههههه

9 - هل انت من الذين يرتادون المطاعم وماهو مطعمك المفضل؟؟
بطبيعتي مو من الي يحبون ايروحون مطاعم كثير
افضل دائماً اني واصدقائي انسوي عزايم مشتركه ببيوتنه
يعني الجمعه عدنه عزيمه اشترينه خروف ازغير و ورطنه ام صاحبنه بي تشوي مع التمن.
الي يحب يجي ويايه اهلاً وسهلاً
ههههههههههه

10 - نظامك الغذائي كيفه؟؟.... يعني تآكل أي كلام ولا تلتزم بالوجبات... من ألي يحبو لسناك بين الوجبات؟؟
والله اني احب اكل شوكت ما اجوع وما التزم بالوجبات فقط
لان اموت جوع
هههههههههههههههههههههههه
ولا ايبين عليه شكد اكل بس بعدني ضعيف
هههههههههههههههههههههههههه

زي ماشفتو الأسئلة منوعه للفئتين لأني حبيت يكون في اختلاف شوي وانشا لله تكون تجربتنا حلوه مع بعض وينال موضوعي على استحسان الجميع.... بتوفيق جميعا..
طبعاً اخير شي احب ان اشكر بيبي وفاء هههههههه
هسه اتكول لو ممستضيفته شنو بيبي ههههههههه
صراحه احب اشكرج وفاوي لان موضوعج ممتع ومسلي وهادف
لان ايخلينه نتعرف على الاعضاء اكثر
اتمنى لكي كل التوفيق
صدك اني كتبت بالهجه العراقيه اذا واحد مفهم خلي يكول
ههههههههههه
تحياتي