[زهرة الفردوس]

اللهم صلّ على محمد وآل محمد وعجل فرجهم الشريف

صحت شيصير

الرادود الحسيني باسم الكربلائي

صحت شيصير ........................ ردت تفسير
شفت بالطيف هاي العجايب ........................ گمر مذبوح بين الكواكب
صحت شيصير ........................ ردت تفسير

أگضي الليل سهرانه ............* ذبل من السهر جفني ............* ويعيش وياي هضم دنياي
بشير الود نفر عني ............* ولا لحظه يصادفني ............* گطع رجواي هضم دنياي
ومن كثر التعب عيني ............* غفت والنوم ضيفني ............* نست عيناي هضم دنياي
لن هذا الحلم شفته ............* صحت تفسيره يكلفني ............* فگد لي الراي هضم دنياي
نمت لحظات ........................ شفت نجمات
تشع وتنور وسط المحامل ........................ وعليها الكون ينثر عواسل
بضعنها تسير ........................ ردت تفسير

نمت لحظات كل لحظه ............* علي چنها شهر صارت ............* شفت بالنوم گمر ونجوم
شفت ذاك الضعن يمشي ............* شمس ويا الضعن سارت ............* عليها تحوم گمر ونجوم
تراوى لي الضعن نوخ ............* بارض كرب وبلا اختارت ............* أرض وتروب گمر ونجوم
أرض رفعت روابيها ............* باسمهم صاحت وشارت ............* لفتني اليوم گمر ونجوم
على التيجان ........................ بنوا صيوان
خيم وعيال وسط البوادي ........................ باهلها تحيط بيض الهنادي
وعليها تشير ........................ ردت تفسير

شفت من عالم أحلامي ............* صور خلتني أتكدر ............* بهداوة ليل رجال وخيل
صور ترهب مشاهدها ............* الجبل من عندها يتذمر ............* تهد الحيل رجال وخيل
مثل موج البحر طفحت ............* أظن سبعين ألف وأكثر ............* حسبتهم سيل رجال وخيل
تگرب هالبحر يمي ............* شفت لن هالبحر عسكر ............* صحت يا ويل رجال وخيل
بحر طفاح ........................ يفيض رماح
إجت أمواج خيل وكتايب ........................ مشهره سيوف صوب المضارب
تريد تغير ........................ ردت تفسير

عگب ما هالبحر شفته ............* شفت بالجانب الثاني ............* شمس وبدور تشع وتنور
يريد البحر يخفيها ............* لچنها بثوب عرفاني ............* يحفها النور تشع وتنور
طلع منهم گمر يهتف ............* أنا الدگيت صيواني ............* وبنيت خدور تشع وتنور
واخوتي الي تسيل الهم ............* تعاضدني على عدواني ............* تمد نحور تشع وتنور
واخونا اليوم ........................ تحيطه الگوم
گمر ويصيح وبعيني شفته ........................ اذكرت عباس لمن سمعته
بلا تحوير ........................ ردت تفسير

أنا أم الأربعه بگلبي ............* غدت تمرح دواهي الهم ............* لهيب النوح يفت الروح
عساني ميته بطيفي ............* ولا اشوف الهضم خيم ............* بنظر مشبوح يفت الروح
شفت شبه النبي الهادي ............* بدر غاب بمسيل الدم ............* وگع مجروح يفت الروح
مثل جاسم شفت كوكب ............* وگع فوگ الثرى مخذم ............* لچن مذبوح يفت الروح
واشوف شموع ........................ تسيل دموع
شفت أقمار تشبه بنيني ........................ على التربان شافتها عيني
بوعي وتفكير ........................ ردت تفسير

نسألكم الدعاء