[زهرة الفردوس]

اللهم صلّ على محمد وآل محمد وعجل فرجهم الشريف

بعطش گلبي اعتنيتك

الرادود الحسيني باسم الكربلائي

بعطش گلبي اعتنيتك ........................ نبع صافي لگيتك
خيالك ساكن بعيني ........................ ولا لحظة نسيتك

هويتك يا بدر غالب ........................ يا عباس انت تدري
محبتك أغلى من روحي ........................ وحياتي وأمل عمري
يا نسمة بالعشگ هبت ........................ يا عذب الهوا اليسري
مثل دم نحرك الجاري ........................ محبتك بيا تجري
كتب دمك مناقب ........................ على عيون الكواكب
وانا بكل گطره من دمي ........................ همت بيك وهويتك

محيط من الفضل ما احد ........................ عرف يا نقطه حدك
رغم ما گطعوا چفوفك ........................ بگت فياضه يدك
مثل ضل الي يسايرني ........................ ولا فارگني ودك
اجيتك جيت الضامي ........................ ونمير الدنيا عندك
اجيت وجسمي ناحل ........................ ادور عالسواحل
ارتويت بفضلك وجودك ........................ وانا بدمعي رويتك

صرت كلما يمر ليلي ........................ يسلمني لصباحه
يجدد بالگلب حزني ........................ وتوالفني المناحه
صحت وبمهجتي تنحب ........................ ذبل ورد الملاحه
يا عباس انگطع چفك ........................ گطع چف السماحه
الوفا تربى على ايدك ........................ سگيته بدم وريدك
يا ريت الموت اخذ روحي ........................ وتعيش انت يا ريتك

گمر وانوارك التزهي ........................ اختفت بين العواسل
قوافل دمك اليجري ........................ مشت بين الخمايل
عليك الدنيا حزنانه ........................ الك نشرت جدايل
تنوح وتنحب لفگدك ........................ مثل نوح الثواكل
الورد ذبحوا ربيعه ........................ على متون الشريعه
وانا بمدمع جفن ذابل ........................ يا بو فاضل بكيتك

أسد وخيام أهل بيتك ........................ يا بو فاضل عرينك
گمر وصواب الي براسك ........................ حجب مطلع جبينك
جرت من عيني عبره ........................ وانوح لسهم عينك
يا ريت انگطعت يميني ........................ ولا گطعوا يمينك
رسم دمك دواير ........................ على حدود البصاير
جعلتك عبره بعيوني ........................ وعلى خدودي جريتك

نسألكم الدعاء