[بنتُ علي]

الله يرزق كل واحد ماعنده اولاد

اشوف حب الاولاد شي صعب الواحد يتنازل عنه

بس شفت حالات صبروا وتعالجوا وانجبوا اولاد

تدري اخوي :

الايمان بالله هو الاساس يعني لوهو يحب زوجته حب صادق ومايحب يجرحها لان الزواج الثاني يجرح طبعا ,لوهو يحبها مايتزوج ,,يظل يدعي ويتوسل لربه واذا بيرزقه بيرزقه واذا ماكتب له اولاد مابيرزقه حتى لوماتزوج

شي ثاني : شفت حالات يتزوج فيها الرجال تصير الاولى حامل قبل الثانية ..هالشي يضحكني بس اقول هذي حكمة يمكن

يعني تأخر الحمل علشان يتزوج !!!!!!!

اني من زمان كنت انظر للتعدد نظرة --- بصراحة يعني ماتعجبني

بس بعدين فهمت شوية يمكن شفت ان التعدد ممكن يسمح به في حالات

اتكلم بشكل عام بعيدا عن نفسي طبعا ههههه

النسبة الغالبة المراة تصبر اكثر الا ذا اهلها اجبروها تتطلق

والرجل غالبا مايصبر ! واذا صبر امه صارت تهذر روح ابغى اشوف اولادك قبل لااموت !

موبس كده يمكن توصل لحد التعييرر فلانة عاقر وجرح مشاعر ,,,الخ

مجتمعنا يقهر

بقول شي يصدق او لايصدق

امراة تصبر على زوجها الذي لاينجب , وفقير جدا جدا ,, والبيت اذا مطرت مايعرفوا وين يروحوا وفيه غرفة وحدة بس للنوم ,,,

ولولا ستر الله ومساعدة اهلها مايندرى ويش حالها

ومع ذلك صابرة

بسراحةتستحق التقدير ولها ثواب

في نقطة قلتها : الرجال يتزوج علشان يجيب اولاد كأن المراة ماتتمنى هالشي

صحيح كلامك بس بعد اذا المراة ماتجيب وهو يقدر ليش الاثنين ينحرموا من هالنعمة ويمكن اولاده وزوجته يكونوا طيبين ويصيروا اولاده اولادها

اممممم سمعت عن واحد تزوج وظل مع زوجته ,, اولاد الزوجة الثانية تعلقوا في الزوجة الاولى وحبوها وهي استانست ,,ملأت الفراغ اللي تحس فيه

بعدين الزوجة الثانية غارت ,,قالت تبغى تصير في بيت ثاني وبدأت مشاكل

يعتمد على نفسية ووعي كل الاطراف

تحيات