[عدنان منعم]

يابويه رحت عني وخلص دمع النواظر
تذبح ونتي ياسلوتي الشخــــــصك اناطر
يامسلم عفتني *عكبك ضيعتني
يتيمه واليتم لوعه وحزن ماصـــــــــــح مثيله
حسيت بوكته انه صرت انه العـــــــــــــــليله
لوعة غربتي ياوالدي صـــــــــــــارت ثجيله
جم سوط اعلا متني*عكبك ضيعتني
راحل ماترد ياســـــــــــــــــــــــلوتي وانه الحبيبه
من عكب الاهل ياظنوتي اصبـــــــــــــــح غريبه
اندب ياعلي مسلم رحل ياهو اليجيــــــــــــــــــــبه
بويه مرمرتني*عكبك ضيعتني
يابويه الصـــــــــــــــبر بعدك فلاينــــــــــــفع يوالي
تجويني وعلي بـــــــــــــــعدك يضي عيني الليــالي
يتيمه واليتـــــــــــــــــم هدني وانه بويه شبــــــكالي
المن ودعتني * عكبك ضيعتني
ردتك تحظر وتنظــــــــــــــر نحر ابن الزجيه
مذبوح بغدر ابن النبي بالغاضــــــــــــــــــريه
ضيم الماسده يارجوتي شـــــــــــــــــفته عليه
اميه لوعتني*عكبك ضيعتني



يابويه تعال الطـــــــــف خذت كل الحـــبايب
ورغم زغري شفت يابويه كل هاي المصايب
شعاتب ياامل عــــــــــــمري بعد المن اعاتب
يامسلم عذبتني*عكبك ضيعتني

يالراحل بعد عيــــــــــــــــــــــــنك انه منهو اليه
ترضــاها يبو الغـــــــــــــــيره حميده تظل سبيه
والاصعب يبويه زينـــــــــــــــــب الحره الابيـه
والله هدمتني*عكبك ضيعتني



خادم الحسين*عدنان منعم